w.o..r...r....y.....

消息黎得好突然... 好頭痛呀....

十一月廿五日...

回想起過往幾個月... 最大感受都真係得一句可以形容... 細時唔讀書，大個做運輸！

又開始故態覆盟啦... 好忙... 好忙... 好忙... 但係忙得有啲失去方向... 有點抖不過氣...

人總有好多... 好多計劃，但究竟邊個先係啱呢？Am I doing the RIGHT things in the RIGHT time???

10月14日 大佬結婚了，當天真的有點感動，加一點激動！話晒都住埋左廿幾年... 突然身邊少左個個瞓，真係有啲唔慣！哈哈！

11月17-18日 同啲朋友去咗澳門玩，雖然無乜去邊，但係好 relax，好舒服！

11月24日 老死既 bachelor party，真的有點借提發揮，將近日既野一舖爆晒出黎！兄弟唔好意思呀，早走咗！好耐都未試過“派彩”啦，感覺唔係咁好，但係算啦！

兩個幾月啦 … …

究竟兩個幾月內發生左幾多野呢？真係多到唔知係邊度開始講 …

但係對我嚟講，一定轉左一份新工係一件最大既事啦！終於都走咗啦，講咗咁耐，終於都走咗啦！是褔還是禍，暫時都仲未可以好肯定咁答到您… 但係可以答您，係一個極大既轉變，正所謂﹕魚唔過塘係唔會肥架！宜家我好肯定咁答您，我真係做到咗啦！返咗一個月度，我真係開始練成咗一眾女仕都唔想要既 「bye bye 肉」，同埋一貫女仕都認為好有安全感既「肚腩」… 真係大鑊！

雖然真係好想係返新工之前放一個悠長假期，但係可惜呀，只係得一個星期咋！無乜特別嘢做過！最特別既係洗咗一筆好值得既錢，休息咗一個短 weekend，好 relax、好正！

夜了 … 待續 …

一週兩戲，加多兩個窮光蛋A

真開心，因為妳又買左機啦！我地可以一齊去影相啦！希望妳都可以用佢黎影低一啲值得紀念既嘢啦、又或者一啲得意既嘢啦，等我地一齊分享下呀嗎！哈哈！

Wing, Citrine & Miranda, really happy to have a nice gathering with all of you, thanks!

今個星期睇左兩套戲，就係 "是白的man"，同埋魔盜王！真係癲呀，我地！對於兩套戲，個人意見係，可以租碟law！

好緊張呀，就快星期一啦！人生中第一次，好緊張呀，究竟會係點既呢？之後又會係點既呢？

..........