過左十一日既houseman生活，經歷既野可能比以往三個月發生既還要多 1. 雖然個人不太喜歡urology，但好開心入到呢team。Supervisor好好人，經常減輕我的workload，又教我點做一個houseman、教書、請我地食飯........無論佢最後俾幾多分我都會好高興。三位MO都好好，好多野要問佢地，要佢地幫手都沒有被拒絕 2. nurses真係好幫得手，如果所有野都要自己做，每日一定唔駛放工。ward manager都好好，好體諒我地 3. 幾位partners到而家都做到互相幫助，務求早d放工同一齊食飯。每日短短lunch time既吹水，令到大家有方法發泄 4. certify人唔係想像中咁神聖，原來都幾隨便 5. 由於宿舍沒有上網，我已經與香港社會脫軌了。每日的生活只有ward同宿舍，完全係封閉左 6. patient來說，男人係麻煩過女人。又諸多要求、又唔忍得痛，有好幾次真係令我有點憤怒。有個阿叔入院要做手術，術前要抽好多血。佢淨係識同抽血站既血姑比，成日話人地好容易就抽到幾筒血，又唔知自己既vein唔明顯，搵多一陣就問﹕醫生唔係唔識抽血下嘛???頂佢，人地既職業係抽血，每日返工就係不停抽，我就只係返左十日工，點可以比呀?????我搵多陣都係想搵條靚d，唔想拮佢咁多針，而且撞正on call，另一個ward又有症要收，自己個ward又未做完野，已經做到有d燥，仲要聽佢d說話。結果我把心一橫去抽佢radial artery，搵左一陣就抽到成10 ml血，而佢仲係咁嗌痛。見到佢咁痛條氣即刻gur番d，鬼叫你自己唔俾時間我搵vein。之後佢仲話未見過人響呢度(radial pulse)抽血，我就答佢﹕咁你而家咪見到囉。阿叔，你見識真係淺陋喇....... 7. urology係關乎quality of life既一科，好少deal with life and death，所以patient特別要求多多..... 8. 第一次見coffee ground vomiting。一個39歲女人，30歲已經CA breast，仲要met到全身都係。佢已經好瘦，又SOB，但由於Hb低同clotting差，要成日抽血。連MO都抽唔到vein，要抽artery(INR 6.7抽artery，絕對係不正確既，但係無辦法中既辦法)。睇見佢咁辛苦，真係好替佢可憐。結果佢終於響今朝離世，結束佢短暫既一生，但對佢來說係一個解脫 9. 有一個六十幾歲既阿婆，係退休教師，入院做PCNL，一個urology好common既手術，每個星期都有好多人做。睇得出佢好怕痛，但又好好人。由於我既抽血技術仲係麻麻地，術前同佢抽血都要抽左三四針先得。但佢知道我係新houseman，我幫佢抽血時佢一句怨言都無，仲不停鼓勵我呢d野要慢慢學，唔介意我抽佢咁多針。由於佢怕痛，我一路抽血時佢一路同我講佢既野去令自己分心。原來佢有個丈夫最近中風。佢真係好nice，一路講野一路忍住痛，攪到我好感激佢同好唔好意思。我問佢驚唔驚要做手術，佢自己都唔係好驚。不過那一次很可能係我最後一次見佢。做完PCNL後，佢響recovery room develop chills and rigor，即刻入ICU，仲develop DIC......當佢打碎d石時，裏面既bacteria走哂出黎，仲入哂血攪到septicaemia，之後trigger inflammatory response攪到DIC。其實初初佢DIC時仲係清醒，但後來已經沒有知覺，要intubation，到今日仲要靠high dose inotrope去支持住BP。我既supervisor同我解釋，佢而家既mortality既機會已經係>99%。ICU recommend 做nephrectomy，因為個kidney始終係bacteria source既來源。但班urologists都好明白，其實個kidney係無obvious abnormality (e.g. abscess)，而且DIC係systemic既野，nephrectomy唔會幫到佢。但而家算係無野做時唯一可以做到既野。我個supervisor同我解釋時，我見到佢都很傷感，同平日既佢好唔同。而我聽到之後，我既心情根本就唔識形容........我今晚走既時候，佢地等緊佢丈夫黎決定做nephrectomy，其實大家都知道，係等佢黎見最後一面.........星期二成六點先同佢抽血，而家就..........世事真係難料，每個OT都有potential risk。如果係做nephrectomy既話，而家應該已經做完，但結果會係點呢 | 
