| 終於！
星期日去左跑步
讀甲寅時每堂體育堂都會跑既３０００米
我諗每一個讀甲寅既人都會知道係咩一回事
我十分喜歡這個活動（雖然我九年無跑過）
呢條路一次過經過晒我讀既幼稚園,小學,中一至中五既中學
一個好好既回顧
而且作為一個起中一至中五無咩建樹既我唻講
呢個都算係我同甲寅叫做有個ＣＯＮＬＬＥＣＴＩＯＮ
還記得黨ＳＩＲ育多過體既體育堂
雖然果時有Ｄ微言（因為無晒Ｄ時間打波）
不過不得不承認佢講既野我而家仲記得
而且不斷映響緊我
甲寅既人都彷彿有一份傲氣,可能就係由佢上既體育堂引致
返甲寅睇下既問題,其實一直都想
不過又吾係好願返．．．
如果我要返去就等我好Ｘ勁果時先返
最好就係學校請我返去！
點解我會咁諗呢？
可能係因為中一至中五太多後悔既事
有太多可以做好Ｄ,不論係讀書,對朋友,甚至女朋友
好多機會或者可以爭取既野
一方面我又將甲寅放起好高既位置
一方面心入面又對自己果時既自我價值低
所以有一種想威返比佢地睇既感覺
對中６中７既馬綿燦同大學都無太大既呢種感覺
因為起碼我會覺得我起其他人心目中有一定既ＰＯＳＩＴＩＯＮ
但我相信起甲寅既圈子入面,我絕對係一個可有可無,講起都未必記得既學生（希望未至於垃圾）
我咁諗可能都係之前講既心理價值問題驅使
以前自己覺得自己係,而且最好係一個好平凡既人
但係而家反而想做一個最吾平凡既人
因為現在我發覺左原來盡力少少己經可以好吾同
我意思並吾係想講我好勁好乜咁
而係原來太多人連少少既力都吾會比出唻
|
| |
| 睇左村上龍本書少少,因為有一個標題吸引左我
入面講通頂
通頂係咩呢？通頂咩都吾係
通頂吾代表什麼
係ＡＲ∼這只係一個過程,通頂本身係無意義
就好似嘴嚼一樣,要食好野,我地都吾會在意咬左幾多下,只會在意食緊Ｄ咩
我諗我一直都認為「工作」本身吾能夠推動我去做Ｄ咩野
起工作間得到嘅野先係著眼點
如果把工作單純看作工作就太無意思
|
| |
| time is limited
wants are unlimited
how come can i finish all those changes in a very limited time...?
hoping those affords i spent for work would gain me with great rewards...
I stay at my studio again this Sunday...
|
| |
| 每一個人都有自己既步茷向住一個方向走
有人會選擇走快Ｄ既路行,有人會選擇慢慢走安全舒適既路
亦都有人不斷走回頭路
好彩地，我找到一條適合我而且較快既路
我覺得可以用最大既力量行這條路好令人滿足
吾知其他人明吾明白
這一刻你見我在這𥚃，我相信下一刻我就會到比這𥚃更加高同遠既地方
終有一日，我吾洗要有人奉承．．．只要無人敢睇小就可以
我不會是很有急材既人．．．．．．但我相信可以係擔大旗既人
有幾多人真正明白，成就係要以真正既勞力努力智慧同付出換反唻
當你怨這不適合那不舒適，已落後於人
大篇費話．．．打左起ＸＡＮＧＡ舒服好多 |
| |
