咁就二八年華了。又將個三字拉近多一點。

三十歲既時候，我會係點我都好想知，希望可以儲到個錢，可以成家立室。

近來見了黃邦同歐樹，覺得佢地做人好有plan。雖然佢地都係捱緊，但係佢兩個都好有腦，我諗佢地兩個搵既錢都近二萬銀了。

我呢.......諗到呢一刻我都好懊惱，仲要近日比我發現左一個勁大既秘密.......仲有得加？加500就得....

就黎又開學，我地部門實忙到死，老細以為自己仲好多時間，今日俾佢如夢初醒，想叫D人取消假期，佢地都唔係香港點取消呀。但係真係唔好取消我個個呀，我個個對我好重要架.........最多我加班都制丫......

不過諗深一層，有時都真係唔想係呢度做，太困身。不知道為什麼有人還可以捱到咁耐，利害好佩服。直情成個青春俾左佢。

我仲要開學添，二四都要讀1830-2120.....諗起都好鬼煩。老細都好就我，比我早半個鐘番就算。
不過第時又唔知有無人唔鍾意。

諗到無得成日再同女朋友行街食飯拍拖，認真閉翳。得番星期六日......對唔住呀，忍兩年吧﹗

估唔到依家寫blog係一個月寫一次

呢個月休息期，認真無咩做，而我都開始進入第二階段，讀個Master先.........

唔知係咪因為俾面老細先順利讀到，但一如我所願，Interview後我都覺得自己係無問題的。係浸大真係學到野，至少我係呢幾個月既國語又麻麻變成可以。(英文我都估到係一定會問架啦，不過估唔到Interview都In埋國語)

呢個月犯左一個大錯(死人喪加夫)，要記住......有時候一個人唔係下下都可信的。

公司兩個大粒不斷咁拳來拳往，有時我地做細既都唔知點搞，聽呢個又得罪個個，呢點我諗成間公司我同Alec先明白。

我知道有一個同事好唔鍾意我，其實我都知係因為有一次我自私令到佢無得放假......。同一個唔鍾意自己既人一齊工作係一件令我幾唔快樂既事，我真係好想，佢會原諒我，不過我知道，係好難的。

女朋友呢個月公司大function，見到佢咁累咁辛苦，一於加倍係自己無咩搞既時候扶一扶佢啦﹗不過佢完左呢個function又要飛去美國，忙到痺。

人人都話你可以狂歡一下啦，講真，呢兩日都係返歸打機，都幾唔慣佢唔係香港既日子。

今個月都有好多意外野，真係好唔開心，尤其係你既離開
雖然唔係同你好熟，但係你倆既恩愛令我覺得你係一個模範，多謝你讓我看了美麗的愛情，再見了

六月一眼過，一世都唔會唔記得同呢班浸大同學一齊既日子

呢班浸大同學，我想我再下一次和另一班同學一起，也肯定沒有那麼精彩。

自己的Management嘛嘛.......但同學自立能力足夠，也是十分肯定的

送他們去homestay的時候，那種擔憂，真的是好像看著自己的哥哥去英國那天一樣，心恐怕他們不習慣，幸好我這一隊top fit team真係好好，無帶來什麼驚喜給我。

馬尼拉的塞車+INFANTA的停電+bong的joke+r.b的滑嘟嘟外型+菲律賓人的貧窮與熱情+傑仔的乾淨衛生論+圓圈的索女論+sandy的粗食+cherry的爛gag+基仔的break dance+kelly的得意+joan的懶訓+tristher的大眼+gisele的唱腔+3人組拖拉機+阿逸的出水芙蓉+禧聽完爛gag後的無奈笑容+suki的李心潔眼神+vivibell的中國舞+winniema的兩座塔+grace的眼淚+aaron的足球+angelina的videotaking+zoe的輔導+一蘭的美麗+catherine的懵+vincent的針灸+YY的無SENSE=菲律賓之旅

這個場面令我想起一首歌的歌詞

沒有你看不到光明   總是想放棄
心徬徨   不知道怎麼樣
煩惱總會在身旁   不容易去解脫
我想有對翅膀   飛到理想地方

我相信希望在前方  朋友知己在身旁
少年呀我們一起闖  一齊實現那些理想

理想總那麼的遙遠  何時才能實現
一生中  難找到幾個好知己
沒有你不成  奮鬥的青年
夢想快實現  共前往

不斷地細聽著x0年代的歌

現在，曲、編、詞皆不能與那時媲美

一首<別人的歌>，恐怕沒有很多人可以填得出來
再來一首<傳奇>，林夕當時的功架，反映了他的文學修養
一首<皇后大道東>，咁難寫既政治議題又可以融入歌詞中

林夕偶然會有幾首填得非常好的歌，我個人比較喜歡的是
<約定>         好有詩意，聽呢首歌好易令人聯想到浪漫的場景和感覺
<幸福摩天輪>    將摩天輪和幸福相扣，很厲害，再加陳輝陽x林夕的一系列陳奕迅作品，更厲害到不得了。
<愛人>    一首連王菲也妒忌楊千嬅的歌

在這近幾年，香港歌除了覺得<愁人節>填得比較好外，其他都沒有太深刻印像。

看了自己在浸大工作第一天的感覺：內容是：

「第一天就這樣食食食過去了，總括而言，教聯和浸大的對比是
座位和椅子  浸大勝
電腦        教聯勝
軟件     浸大勝
假期        浸大大勝
薪金        教聯勝
優惠        浸大勝
同事        暫寺未能掌握，不過浸大同事真的好認真工作
工作量      浸大剛完SEM，零工作
工時        浸大大勝(五天，不過隨時要放九點)」

現在看了覺得好像完全相反

電腦    浸大大勝(買了一部新dualcore給我)
軟件    浸大勝
假期    教聯勝(因為原來我係跟紅假，但教聯只是新年卻放到初八，差好遠)
薪金    教聯勝
優惠    浸大勝
同事    教聯同事玩就好D，但工作就浸大同事好D
工作量 教聯大勝(真覺得以前的什麼辛苦其實都不算辛苦)
工時    教聯勝(加班試過加到十二點，點搞)

都唔明點解人地可以咁輕鬆，五點鐘就放工打羽毛球........