一年一度既佬camp完滿結束~

今次去左貝澳~原來呢個地方都幾落後 除左牛就基本上係咩都冇~

入去之前相約係荔景等 照舊約11點都係12點先會齊人 呢個係慣例~

所以決定同ryan同新朋友袋邊先生入去食野先~

第一次食個珍寶黑淑漢堡~好味好味~4塊牛食落肚 痛快~

之後去個百佳買野~

就係呢個時候新朋友不停話我地買夠野飲 唔駛買咁多 咁就出事啦~

去埋個街市買埋打邊爐既野就出發 玩左9個字頭d到左~

一入到去照舊都係開哂d電之後去玩~行去搵個沙灘 行極都未到~

諗住去到就跳落水啦 點知一去到 d沙黑色既~不過太熱 唔理就跳~

落到水 有野咬 唔理 照游~果到唯一好既係d浪keep住都幾大下~所以拎返唔小分數

游到5點幾6點返去 打左陣牌就打邊爐~正啊~肉既感覺~

野飲狂隊~完全冇諗過仲有兩日要過~不過抱住你飲我都要飲既心態 照隊~食完繼續打~

打到4點訓覺~起身食個米粉去左租單車 點知果到冇地方去踩 諗住踩過梅窩~

頂你個肺 踩到好似環法咁~d斜路都唔係人踩 諗住挑戰下~

直至見到一條幾公里長既斜路 決定放棄~

衝落山果下超正~用左10幾分鐘推上去 5分鐘唔駛到地~

之後又踩返去沙灘 玩多陣返屋企~再打牌 打到見餓就開始食麵 (係呢個時候我地已經一d野飲都冇)

              ~~~我地既晚餐

食完就劈左個西瓜黎食 呢個係本年度既最佳收購~ (全靠佢我地先唔駛渴死)

之後諗住出去夜遊~其實都唔知去得邊 不過叫做了左個心願~

正當傾緊去邊既時候 就話 去搵牛囉~ 跟手望一望正前方~ 一大隻係到食緊草

果到d牛興半夜11點幾12點出黎食宵夜~

同佢影左輯寫真之後返屋企 今晚好早就訓左~

第日起身走人 完~

去camp lu去camp lu~

今次係向貝澳出發 人物照舊係上年果6兄弟~ 將會消失3日~

3日後見~~

今日同ryan出左去shopping~

佢就買左個袋同條短褲仔 個袋真係抵買~執到正野~

我就買左對鞋~一袋二袋走 咁先係shopping~

呢個個幾月唔經唔覺都買左兩件衫一條褲一對鞋~發左癲~

狂返工先啊得~再買再買~~

下星期去camp lu~ 一定要好天~ 哂到變朱古力~

我既目標係黑過黑鬼~

今日起身見冇野做 同左ryan兩個去左美孚游水

好耐冇做運動 游一陣都冇咩力 之後去左哂太陽 哂完再黎~狂游 游左10幾個直池

游到死為止 5點半走人 返屋企沖個涼出左去睇街頭超人~

唔錯唔錯~睇完去左食個雪山~之後返屋企走人~

呢個暑假要keep住去游水啊得~

今年既ive聯校歌唱比賽十分之失敗~ 從未睇過一個比賽係咁囉

唔好話比賽 show都未試過出現咁既情況囉~仲要收人50蚊張飛~

一個初賽都不如 最哂d時間係到講廢話 歌唱比賽個opening又搵人黎跳舞 9唔搭8

剩係跳舞果d時間 都夠比人長夠一首歌啦~

cut剩每人得兩分鐘 ive知唔知咩叫決賽啊~ 請埋請埋咁多嘉賓 但係個show個名係ive聯校比賽

唔係張敬軒 謝安琪演唱會~要睇就買飛去紅館~

呢50蚊係比黎睇d參賽者唱歌囉~嘉賓有兩首 參賽既得兩分鐘 邊個係主角 邊個係配角都唔識分~

真係好廢~