| 正能量溢滿的一日看完詹瑞文既男人之虎，真係要講一句，人真係要有heart 同埋有 stand...
仲有醬爆心中果一團火。
下次萬千師奶賀台慶，點都要多d 人睇。
正題
本很想懶一點地插d 女新人既 MV ，再寫寫感覺就算。但今日教小朋友教得如此快樂，不能不提。
正文
我不太願意去鬧人，一來不想形象受損 (其實一早就損左)，二來有些老對手已經鬧完都冇作用，所以算了吧。
但今年教的那班，確實比上兩年既小朋友乖，聽話程度可以話達到百分之90 %。實屬不能想像的故事。於是有感正能量暴升，與黃姑娘既合作亦開始有了成熟感覺，走位配合也做得到互相補充。這也是一件好事。
正能量爆發既一日，真係有點像在晴朗的一天出發。
|
| |
| 係老友既就聽住嗱，做老友既，有今生冇來世，來世既事，來生再算，但而家我要人要財。大家可要細看喔。
是咁的......
我從來很少跟人說過我撈過舞台作品，一來真係唔好意思獻醜，導、演也不是得好，拍 docu 又拍到好似睇緊《死亡習作》咁... 震，所以好唔想畀人知呢件事。但由牛棚到藝穗會，一路走過的日子，原來已經「相愛六年」應該睇怕都係時候來個總結。
拍檔 Billy 和 Jacki 都儲左一肚氣要讓大家看過夠，他們亦想表演過夠，行路有火，看似08年大家都蠢蠢欲動。結果，他們倆就為一些事，就相約在新蒲崗的 Loft 開兩場演出。
其實預計佢兩個都唔夠力處現成件事，所以找了我 這個能力平均低、創作、前後台都能力偏低既人去做他們的監製，工作：睇住佢兩個既進度。
由於一個創作，做你一粒鐘，其實都要花上過萬蚊既支出。所以當然要大家鼎力相助，有錢出錢，捐助下我地呢個小本製作，冇咁多，可以買張飛睇下，我肯定今次唔會甩轆，因為最甩轆那個已經唔出 show...
多謝大家先。唔出錢都拉隊黎睇。
詳情後補。
|
| |
| —再食老本有陣時... 老本未必會夠你食過世。
說話的對象、情境有好多，像分手/面臨分手的情侶，男/女會用重拾當年相愛感覺的方法，一同去度假，去過當初山盟海誓的地方，用大家既老本搏可不可以換回一段新既感覺。
搏唔搏到，就好似打乒乓波咁，打到決勝分，板波lag 過網，過到就掂，過唔到就輸，靜止的時空，那刻就是 instant 的威力。
感情，不懂得如何說；電影，倒會說兩句。
星爺是一個很努力地想將自己一步一步收入幕後的演員，從食神開始，到最近的長江七號，一步一步地把故事主角和重心人物轉移畀其他人，少林足球就找到其餘五個師兄弟，發掘出田雞、肥仔聰，功夫雖然還是主角，但明顯地搞笑既重點已旁落在元華、元秋等人。自己既主角位仍在，但故事性則明顯加強。
到了長江七號，更加把主角之位奉予徐嬌，當然他還正在監製如龍珠的電影，從這些看來，主角已想讓予他人，把自己帶進幕後的工作中。
但市場比較像一們鬧分手的女人，一方面又要看男友，另一方面則予以咒罵，好等你「醒覺」從而投懷送抱，熟好熟壞，不得而知。
不過星爺在長江七號一役，未知贏定輸已經輸左大部份滿心期待可以大笑的觀眾，不能說他們的期許是低級，也不能怪他轉型太快，實在一個人去到一個頂峰不能再上，也只能繼續食老本，其實也很可悲的事。
所以台灣片商看中他的西遊記系列而再拍多一次，熟好熟壞，不得而知，但好肯定，這兩個結果都會阻礙電影的發展和星爺的轉型。
老本只有洗去，沒有再賺的可能。還是學《三國之見龍卸甲》入面諸葛亮那句，留番d 威望，唔好亂去搏好過。
|
| |
| 11年11年前...
宗主國由英國換上了中國，全世界都凝目注視的轉變，朋友在外國都好奇怪，為什麼外國人那麼緊張11年前既事，到大個才知道，這世界所有國土從來都是打回來的，沒有一個地方是不用打仗這擁有一片土地。如斯的用談判來換去宗主國，實屬世界大事。
換個老細，時間一路在走，但生活沒有進步，大家細看李歐塔的後現代生活就知。
我們仍然停留在一路高喊民族情緒，一路在排斥其他比自己不幸既人，在社會上取得資源，卻沒有把自己既能力奉獻社會，唔想出錢，都可以出力。但這11年，理論上會進步的自由平等博愛，全部不進反退。
在慨歎社會沒有進步，慨歎香港沒有樂壇、慨歎香港養不起一個陳綺貞。
只有錢、還是錢、繼續發展，都是為賺更多的錢，半點文化氣息也養不下。不是養不起文人，而是文人被自己人拼棄，看見董啟章、黃碧雲就知一二，自己都不懂珍惜自己既野，要去到外國才有人賞識，這是什麼一回事。
15年前我們已經失去一個好歌手。今時今日，我們輸得更多。
5年前的一場遊行，讓人醒覺了一下，但今日我們面對 QDII、9+2...
那些覺醒是否已經離我們很遠很遠。
惟一的方法，就是繼續行。
|
| |
| 所謂成王敗寇，西班牙封王絕不是 fluke ，更加沒有任何假波，純以技術上看，西班牙攻守都比德國出色。但相對四+八年前，德國真係進步左好多，或者真係時也命也，波大佬真係同冠軍冇緣，望見小豬果種渴望拎冠軍既眼神，真係好傷心。
90分鐘，前鋒把握唔到幾個好機會，下半場就已經體力和鬥志用不上，小組推進完全係西班牙拿手好戲，發揮正常者就成了冠軍，德國不是冇機會，但上場睇佢對土耳其都打到咁，心理質素、鬥志真係完全係將場波逆轉既因素。
波大佬，路維，兩年後世界杯努力。
卡斯拿斯、馬真拿、Senna ，無名英雄。
認同叻哥唯一一句係皇馬唔好買C7... 買 F9 好過。
射門把握力高，真係好用。
法國應該會步英格蘭、8年前德國後塵，要用長時間復興。
而家仲話繼續用星座小王子繼續教，我都真係唔知嬲定恥笑好。
|
| |
