|
SubscriptionsSites I Read
|
|
|
|
| 剛過去既星期六參加好友老老既婚禮~
首先要多謝型仔(你係咪走呢個type既路線呢?!) JAN 以友情價幫我化個靚妝set個頭, thx so much!!
雖然要半夜起身準備,但見到好朋友結婚,做一個幸福到爆+靚到"dum"一聲既新娘子,咩都抵番哂啦! 一早去到新娘屋企預備玩新郎&兄弟既遊戲,跟住到斟茶,見到佢媽媽喊,話好唔捨得個女,好感動呀!我d朋友仔話我人地結婚都咁,第時自己結婚點算?!係,我諗我會喊到"湯"豬咁...之後去男家斟茶,去食d野,跟住就去church喇~我,大餅&細餅就好似東角駅樓下果3個"天使"咁企o係出面迎賓^^"到14:30儀式就開始喇,又係好鬼感動呀!!老老,好幸福呀你!!!又見番d好耐無見既 nursing同學仔,開心開心^.^影完相就去酒店,新娘子當然忙到不得了啦,又要化妝set頭換衫,又要出黎斟茶同d親戚朋友影相,入到新娘房就好似明星開concert入後台咁,成堆人圍住幫佢整野...真係辛苦呀,但係我知道佢一定係勁開心,好enjoy~
恭喜你呀Vicki~希望你永永遠遠做個幸福文太,開開心心,快d生個肥肥白白既小baby
| | |
| 講番放假果個星期...好似好忙咁,屋企做節，去搞搞個頭，入大澳食飯，同ｄ同事出去食左餐飯，之後即興去唱ｋ，咁ｏ岩我放假第一日婆婆就入左醫院，跟住我就有幾日屯門柴灣／青衣柴灣兩邊走．．．好頻撲．．．
之後果個星期就準備搬屋既事，好多濕碎野要買要執要安排，都幾麻煩～而家搬左黎一個禮拜喇，總算大部份都ｓｅｔｔｌｅ ｄｏｗｎ喇，而且都幾滿意，ｈｅｅｈｅｅ，終於有家既感覺喇
前日係我既黑仔日！首先朝早返工返８點，一直都等唔到車，想ｃａｌｌ的士，個台話暫時無車安排到俾我，超級燥底，結果輾轉一輪後終於都搭到的士仆番醫院，返到去已經８點３，４個字，扮哂冷靜咁去睇ａｓｓｉｇｎｍｅｎｔ，無我個名，再去ｃｈｅｃｋ ｄｕｔｙ，頂！原來我放假！！激鬼氣！
之後返到屋企洗衫，開機無幾耐就聽到滴水聲，原來駁住洗衣機果條水喉漏水，１０分鐘左右已經滴到個地一大灘水．．．唯有即刻搭車出去搵人整．．．
下晝約左朋友仔，所以等個師傅整好就拿拿聲出去，點知鎖門果陣條鎖匙斷左， 斷肢仲留响個鎖裏面，心諗唔係真係咁黑呀嘛．．．但都無辦法，都要趕住出去，慶幸我唔係被反鎖响屋裏面．．．
究竟咩事呀！？激死！！ | | |
| 好耐好耐都無打過xanga...其實一直都想o係度打番之前去東京既trip同埋同大家share下d相,不過一拖再拖,一直都無心機upload,所以就搞到當時exactly去過邊度都已經唔係好記得lu...幾經辛苦我已經upload左d相去個album,一陣俾條link大家,有興趣可以去睇下~
唔經唔覺又過左半年,半年裏面發生既事都算...幾精彩~我所謂既精彩唔單只指開心,亦有唔開心...近兩三個月我覺得自己要面對一d醜惡既人同事,搞到我好神經質,發下惡夢咁,呢d咁醜惡既事原來唔係淨係o係報紙or做戲先有,原來可以咁近,我呢易呃易氹既"小朋友"唔識應付,心裏面不停問"下?!點解會咁?"好彩有你,o係我覺得你最需要安慰既時候反而你安慰番我,唔知道我俾唔俾到支持你,但我會陪住你!
講番d開心野,4月放大假果陣去東京玩左7日,超開心!!一直都好恨去日本旅行,今年終於得嘗所願,又係好彩有我個叻叻老公,做足功課安排好哂行程,帶住我呢個"路痴"周圍去食呀買呀玩呀食呀買呀玩呀......而家諗番起d壽司,刺身同拉麵都留口水,仲有7仔既"炒麵三文治包",好回味呀!!我地仲趕得切睇到好多好靚既櫻花,haha,仲o係櫻花樹下面野餐添呀~去得東京梗係要瘋狂shopping啦,衫褲鞋襪underwear玩具飾物零食咩都買,爆哂'o急'overload...一_一" 我諗老公都好開心生日可以去旅行,不過生日正日去tokyo disneyland落雨無得睇煙花,呢個生日都算難忘喇卦^^
好想快d會再去!!
跟住7月放大假就去左澳門玩左兩日一夜,去到又係咁食食食,去幾間賭場玩下,去觀光塔(明知唔會跌落去,但企o係果塊望到落地面既位都有d腳仔軟...),周圍行下,最開心俾我見到有間舖有小丸子既products!!!最後因為太熱無行到漁人碼頭就搭船番黎lu~
黎緊下個星期又放大假,雖然今次都唔會去旅行,但有得放假都好開心,好期待~
http://www.mankoyeeloveforever.album.hk/ | | |
| 好耐無打過xanga喇,等我記番低呢個月既事先~
<農曆新年>
本以為今年過年要番工未必有得去拜年,但好好彩淨係番埋年卅晚,初一初二都day off,跟住仲有個同事唔想放假想番工 調埋個初三俾我放,開心死!
年廿九同老公去維園行宵,好幾年無行過喇,明知年宵都係賣d唔等駛既野,但唔知點解今年就好想去睇下,扭到老公陪我去,果然9成都係唔等駛既吹氣products,我地為左配合氣氛同環境都買左一支吹氣桃花 最騎呢既係我地買個清潔玻璃窗既清潔用品,唔知點解我地成日都俾果d sales同products吸引住......無聊,但行得好開心!!
年卅晚食完團年飯同媽咪去買花~
初一二同往年一樣去拜年,初二o係屋企食完開年飯就入大澳,食老公highly recommend既鹽焗食品,仲有"正宗"山水豆腐花,好味好味之後就去婆婆度食飯喇~
初三休息休息~~
<生日>
多謝阿筑打黎陪左我咁耐,錫哂你!!
23號老公黎接我放工,有花收,heehee 之後夜晚去左旋轉餐廳食dinner buffet~雖然d野食普通,但唔係人地講到咁差,而且果度既夜境真係好靚好靚,補番哂!食飽飽搭我地既第一次叮叮落銅鑼灣行左陣街就番去喇!I LOVE U MY HONEY~
仲要多謝各位既SMS&phone call~
24號晚就同班朋友仔去唱k補祝生日,感激各方好友捧場,阿筑既雪糕蛋糕,好好味呀!仲有阿ting既"惠康"禮物,haha!
到9/3終於同大餅,細餅&老老去食我同大餅既"生日飯"(註: 大餅係12月生日既...)唉...duty真係難夾呀!我地又去左唱k,之後去飲野暢談,爽!
<待續>
| | |
| 收到喜訊,好surprised!好開心!心情莫名其妙地興奮~
恭喜恭喜!!! | | |
|
