| 而家係4月19號凌晨4點39 分, 我一定痴左線,而家先來打XANGA, 完全唔係我既作風,以往既我就算訓唔著都寧願係張床度碌下,而係而家.......完全無呢個意慾,唯有打下野,希望訓得著啦......... 呢排天氣唔係咁好,空氣即質素較差, 我呼吸時要用好大力, 要成日勁深呼吸, 特別係地鐵個時就最辛苦, 真係有透唔到氣既感覺,上到寶馬山個時好D啦,可能空氣好呱~發生咩事? 我老豆話可能唔夠訓啦, 我都唔知咩原因啊....再係咁我就要睇醫生啦!希望唔會係心臟有事啦.......請為我祈禱 UM........今日LOGIC 要TEST, 覺得自己既表現比預期中為好, 雖然唔一定會好高分, 但係TEST完既感覺係平安既,因為自己已經努力了. 落堂既時候, 我已經好肚餓了( 10 星佔了7星) ,即刻走左去食野先. 哈哈, 我今日詩班唔使遲到啦........因為我既晚餐好快就食完了. 可以早D返,個感覺幾好啊, 可以早D有個預備既心,唔使咁趕, 對自己事奉既心志打下一個好基礎. 平時因為落堂之後要食飯, 搞到遲到, 真係唔係咁好意思....... 完左詩班就即刻搭車返屋企睇大結局, 好想睇啊, 我個人來講當然希望係HAPPY ENGING 既, 但當見到郭晉安被架車撞既時候, 真係覺得好慘GA.......心諗死緊啦佢, 但點知原來佢地好"順應民意"地整左個HAPPY ENGING 出來令到佢又唔使死, 好到呢, 呆哂.........又唔合邏輯, 可以話係爛尾啦..........如果咁既話我覺得一個SAD ENGING 既結局會好D啦, 起碼都叫有D劇情. 好失望啊!!!!!!!! 而家凌晨5點02 分, 我完全未有訓覺呢意欲, 點算........我陣間仲要司琴,無得訓晏D,如果我9點半起身的話, 即係得返4個半鐘訓, 救命啊!!!!!! |
