一係唔影，一影就要影爆卡

   好耐無去影相，岩岩上星期日有同學仔約我去鳳園，我一直想去又唔係好識去，之前聽人講又話行上山一半就捐入一條小路度，完來係唔駛既，我地一人六人，一早七點半係大埔墟火車站坐的士入去，幾個人都係每人幾蚊，唔好講咁多，去片.....

好啦，鳳園就貼到呢度先，因為係公司都無相係手，要係xanga度貼link，我地去完鳳園再走左去火車博物館...去片........

合照前偷影佢地

因為星期日，果度好多人，火車入面仲多，加上有朋友要返工，所以都影唔到幾多張，之後我就趕返屯門同屋企人飲茶，飲完茶又約左另一位朋友去影相喇，下一站------西九海濱長廊.................仲見到好多影友係果度影人或影景添^^

休息工作休息工作

好耐無寫blog同埋影相，因為畢業之後一直想找學校繼續讀攝影，呢一科越讀越有興趣，原本想去vtc讀，但原來vtc只有日間全日制先有攝影架，搞到我而家唔知點算好，加上又岩岩開始工作，就唔到時間讀日校，真係唔知點好，如果有人路過望到呢篇文章，提議下邊度讀都好呀，大前題係要晚間 / 兼讀制，thx^^

工作都幾閒，不過忙起上黎都可以做到死死下，8號風球都返左公司，因為有批貨係大陸落黎要收貨=.=

夜喇，今晚打住咁多先，聽日仲要返工，有機會就會再去影多相啦。

熱熱熱...

呀公係上星期24號離開我地了，之後果日都有去醫院為佢禱告，之後既事就會由教會搞到出殯果時，雖然係咁，但其實都仲有好多野要跟既。

溫maths溫到傻，可能天氣太熱，坐唔夠一陣就頂唔順個人好躁，之後就諗下點相影好D相=.=

8月1日開始要返公司喇，本來仲可以玩到返工為止，點知補考要用埋呢段時間，好掛住班同學仔呀>o<

希望快D行番個大運，將D衰氣掃走晒。

再次痛心...

今日一早去左醫院探呀公，第一眼就覺得佢撐緊，可能係要等齊仔女返香港先放心......

        我記得上個月去呀公屋企，佢仲識自己行自己食飯，雖然可能有少少老人問題，但係佢成九十歲人應該算係咁，佢又一向唔煙唔酒。我呀公同呀婆都係傳統既潮州人，佢地好勤力同節儉，呀公都仲比較好，因為後生時係香港打工，所以都識廣東話，但我婆婆就一直唔係好識講廣東話，剩係識聽少少，所以我地好少傾計，因為我係完全唔識聽同講，我呀媽由細到大都無教過我地潮州話，因為佢一直係用廣東話教我地既，加上我呀媽係大女，以前既人唔係咁鍾意生女，所以我呀媽由細到大都係比我呀婆打大既，又逼佢走，下刪數千字.......所以我媽咪係唔鍾意返外家。我記得由我升上中學開始，到而家成三十一歲，中間只有一至兩年或者三年係有去過呀婆屋企拜年，我地全家既親戚關係同無親戚一樣，所以我由細到大從來對覺得我對親戚係無果種親友既情感......

        人原來真係咁化學，上個月仲識行識走，上星期條頸凸起左一個瘤，好似腫左咁樣，就係咁既情況下入院檢查一下個腫瘤，咁先照到個肺有個黑影，經過幾日黎醫生既檢查，發現左原來果個瘤係因為癌症既病毒擴散到果個位置，所以腫起左，直到今日見到呀公，佢已經無咩精神，聽到我地叫佢，佢都無咩表情，只係間中不規則咁fing下手，我覺得呀公有可能今晚見完澳洲趕返黎既舅父、舅母、呀姨就會離開我地去神既懷抱，係呢度祝福呀公，希望佢可以係天堂開開心心咁生活啦。

柏麗灣一天遊

  星期五晚十二點出左荃灣，一邊食一邊等到三點，上大帽山山頂影日出，點知大霧到咩都影唔到，連大陽都見唔到呀，後尾返到屋企條氣唔係好順，沖完涼訓左陣，下午出去柏麗灣行下，都叫做唔錯啦，仲搵左同學仔呀蕉一齊食飯添。