| 6月29日 Sunday 原本今日都要開會架，但係尋日佢地傾好晒d野 所以今日就取消左，放假一天 下午睇中國打排球，Win左，心情特別好 呵呵呵呵~~ 可惜到夜晚睇德國對西班牙................... 德國竟然...............唉!!!!!!!!!! |
| |
| 6月28日 Saturday 文化節我地果Part今日第2次面接 3點半左右出到去Set場 
家輝都準備定部電腦入資料喇 
話都無咁快就有人黎面接喇 我今日都係繼續做攝影C 
今日都算幾多人黎呀，最後計過都有三十幾人 哈哈~~不過中間都有好多時間既 所以又拎住部相機係咁影影影 
到6點幾就面接完喇~ 但係我地既會仲未開完，因為要將d部員落組 所以之後我地又去第二個會場繼續喇 不過都要食個飯先既，但係無時間既關係 只可以叫外賣返黎食~ 
食完又繼續開工喇 
但係因為我都唔熟d部員，所以唔係太幫到手 只好又影下相啦~~睇下佢地幾投入... 就咁就傾到10點幾喇~~大家加油呀 之後去左搵我細佬，因為約左佢去食巴西燒烤 尖沙咀~~唔好食，無野食，下次唔好去!! 搭車返屋企既時候 無啦啦俾我發現左原來宥嘉7月10會去生力Wild Day Out!! 
我即刻超想睇~返到屋企即刻打電話去訂位~ 點知...............................已經賣晒!!!宥嘉~~我見你唔到喇!!! 我跟住再上網睇下睇下~ 原來8月3日，星光4少會去伊館開演唱會呀 呢個我一定要等住去買飛喇，但係仲未知幾時會公開發售 真係好想睇呀~~仲有鴨子tim~只可惜........無楊宗緯~~~ |
| |
| 6月27日 Friday 邦邦 Amy 穎芬 生日快樂呀!!! 今日因為特別效果要傾野 所以又出左去開會~ 不過今日都無乜特別野 10點前都走左喇 不過聽日又要面接喇!!! |
| |
| 6月26日 Thursday 今日出去開全體負責人會 終於可以大班人咁傾下野喇 進展都算唔算 係佢地傾d道具點整既時候 竟然提到一樣野叫"紙糊" 係先用一個吹脹既氣球，然後整濕d報紙再搵白膠漿貼上個氣球度 當貼左好幾層既時候，再等佢乾 咁就整左個"模"出黎喇，然後再剪下剪下就整到其他野出黎 呢樣小學野，唔係佢地講一講，我真係完全唔記得 佢地真係勁呀!!!!! 傾左一大輪之後，個會差唔多完既時候 因為聽日係穎芬既生日，所以我地準備左個Cake俾surprise佢 
我真係好鐘意呢張大合照~~哈哈 因為真係影得我好瘦囉!!!!!!! Happy Birthday la~ 不過話時話~邦邦同Amy都係聽日生日!! 嘩卡卡~~ |
| |
| 6月25日 Wednesday 今日因為打風既關係 所以唔駛出去開會 所以無聊之間作出我既第一次 第一次試整"涼拌青瓜" 食譜如下： 材料： - 小青瓜 4 條
- 糖 2 湯匙
- 鹽 2 茶匙
- 白醋 2 湯匙
- 蒜粒 1 茶匙 (素食者可不放)
- 紅辣椒粒 適量
- 麻油 少許
做法： - 青瓜洗淨切薄片，灑上鹽醃15分鐘待軟化
- 倒入凍開水稀釋鹹度，稍微抓洗瀝乾
- 加入糖、白醋及蒜粒辣椒
- 最後加上麻油少許，放入雪柜冰半小時，即成
但係我唔係完全跟足呢個食譜架 大概啦!!! 不過係d辣椒太辣姐，基本上都成功既 呵呵呵~~ 
(製成品) |
| |
