近排好多野做，多左兩個客，一個同眼有關，一個就係銀行，工作量大增，尤其係眼果個，工作量比以前任何一個客都要多，好似幫佢打工咁，最慘的係佢係長期客，唔係搞PC都咁多野搞，好好好~煩~~ 好彩本身d客無乜野忙，如果唔係真係想死。

唸唸下，點解之前少d客handle都唔係可以早放工，依家都唔知點解可以挨到咁耐。我諗係因為多d三個intern幫手做野，分散少少工作量，但係放工時間都推遲到平均8點半，好累~~

做多左野，出錯的機會又多左，我勁左，無乜野咁，慣啦... 哈哈!!

近排我同事都好慘，要幫一個有LEGO的商場做野，狂被逼迫，去佢個function，我都被點到頭暈，有時真係覺得點解自己可以咁無地位，唉!!!! 其實，讀幾多書都係無用架，呢個世界有錢就大晒!

財政方面，由於呢個月實在好多節目，駛左唔少錢，銀行存款插水式下降，真係要慳d。其中一個節目，係去同陳恩庭影畢業相，見到中六中七隔離班的同學，講到兩嘴，但始終好似兩個世界的人，感覺有d怪怪地。其實，當時都無兩句，依家就仲難熟~~算啦，隨緣~~ 另外，今個月我兩個阿姨黎左睇時裝展覽，我又買左好多野俾佢地，好窮！仲有同阿潘一齊整頭髮，又駛左一筆！跟住仲有D fd生日，講講下好似仲有一個人生日，我暈啦...

陳恩庭著起西裝同畢業袍，好似博士畢業咁款...

送左紮花同公仔俾陳恩庭~~

傻仔~

好耐無見呀梁俊彥~

  第一次同傻瓜去旅行~~~

2日一夜的馬交團~~ 4隻腳自由行~~ 第一日就食左9餐咁多!~~ 食盡每個moment，但亦因此脹爆左好多~~

數一數先﹕

Day 1

鳳城珠記淨魚角 → 九記冰室鮮果雪糕 (至愛，極極極好味，成個旅程食左3杯) → 炸鷄套餐 → 涼茶 → 葡撻 → 明記砵仔糕→ 保健杏仁鮮奶糊 + 豬仔包 → 合城魚蓉碎肉粥 (經十次去魚骨至製造而成) → 媽閣長城海鮮餐

Day 2

坤記葡餐(炸馬介休球，正爆！無花果茶亦非常清甜) → 禮記雪糕 (好難食，雪糕磚都還可以) → 南洋小食椰汁芒果黑糯米 (買左成7款糕點)

勸大家唔好去氹仔新世紀酒店，間房部電視睇睇下會變黑白~~

美食排行榜﹕

1st

九記冰室的雪糕至正！！

2nd 坤記葡國菜

坤記炸馬介休球&

  無花果茶

3nd

鳳城珠記魚角麵~~

4th

保健杏仁鮮奶糊同豬豬包都好好味！

5th

明記椰汁糕好正

世界上仲有黑白電視的酒店，果間就係以下的新世紀希望臘神話，哈哈！

去完旅行，食左好多韓國的辣食，加上舟車勞動，返到香港又趕返工，無覺好訓，我終於爆發啦~~~ 發燒發到塊面好似紅蘋果，星期五中午即刻雞咁腳返屋企訓覺，好辛苦!! 跟住個星期六仲燒得勁過返工，39.2度，又補唔到習，慘！ 雖然睇醫生唔駛錢，但係就浪費左三日長假期~~

不過人到某個時刻都識得反彈，呢幾日我又開始溫返書，可能點娛樂都無乜勁頭，突然想靜靜地溫書，都好ge，俾身心都有返d休息，免受物質污染咁多~~

星期二返工仲係有少少燒，不過食左藥，個人又精神左好多~~ 可能我真係患左休閒症，做起野黎就唔會病，一放假d病就走晒出黎~~

呢排好好呀，有陳恩庭陪我返工~~ 講笑~~ 其實佢係公司可以玩msn，我可以同佢傾偈，好好~~~ 佢真係好勤力，日做夜做，好彩份工都唔係好好好忙，若果放工又要趕做兼職，又無飯食，真係會斷氣！點都好，我都好佩服佢日日都做兼職，淨係叫我去做，我都會悶到抽筋~~ 你係得ge!!!

傻瓜愈黎愈令我失望，可能感情淡左，好多野都會變得淡然一d，算啦，隨緣~~ 要負責的，可能唔係佢一個~~~

媽咪佢地又諗到一d異想天開的橋，真係唔知佢地點諗，不過錢無人嫌多的，姑且睇下佢地個如意算盤點打~~