毒牛奶搞到人心惶惶，政府化驗所就做到無停手，要開OT。本身唔諗住搵我幫手架，點知今日都需要我既協助囉。朝早仲未收到SAMPLE，就試下總部SEND過黎既方法，開下SOLUTION，儲定彈藥，下晝就準備開戰。朝早搵左個SAMPLE試下個方法，個SAMPLE係我提供架，係平日飲開既牌子。試完之後，發現某幾個程序有D問題，就一齊相討下。到下晝，D SAMPLE遲遲都未到，到三點九，總共三十八個SAMPLE終於運到黎喇。三十八個樣本分開左兩批人做，每批人做十八個樣本，但要做DOUBLE，再要多做三個，總共有三十九個。每個樣本要磅零點五克，之後，大家就好忙碌做一系列既PROCEDURE。搞下搞下，做到八點鐘，終於可以叫搞掂左～聽朝，其他同事要早D返，為要出數俾CHEMIST，等聽日晏晝有得公怖。

　　呢次既經歷好特別呀，呢排，老闆同其他同事都理唔到我架喇～我只會幫下手，執頭執尾。雖然係咁，但我好開心囉，因為呢個機會唔係成日遇到架。

　　今個星期終於出左糧喇！遲來的人工令我非常滿足呀，話晒都做左一個月應得的報酬。哈哈～另一個好消息就係補習那邊，加左人工。一個月的補習費足以補返我返工撘車既費用。我成日都覺得自己一直都好好運，身邊有很多人幫我，令我前景好順利。咁樣係有好有唔好，太順，只會令我覺得事事如意。

　　星期一有好多同事無返工，原因就係佢地要去幫立法會選舉，咁就有好多人無返工。無乜人返工，搞到個LAB好冷清呀。星期二又回復正常，好齊人呀，尤其食飯多人到無咩位添呀。那天，同事整了三色蛋同煲湯，大家都食得好滋味，哈哈。星期三，一行四人撘車去左香港仔食日本野，間野細細間，D野幾OK喎。星期四，同事又煲湯，今次係螺片煲瘦肉呀，又有鮮淮山，超正。那天我遲左上去食飯，同事即刻俾野我食，係咖哩薯仔牛肉，又係食晏前整定架，佢地真係好勁呀。星期五，有個中秋節生果會，化驗師同一班technician夾錢，叫人去買生果同薯片返公司。大家就在食飯前食呢D野，感覺好特別同搞笑。其中有一慕係最好笑既，因為D薯片係倒左落碟，D人食既時候，就會嘗試估下係邊隻牌子。那刻連化驗師都估埋一份，真係幾搞笑呀。

　　今個星期過得超開心呀，返工真係好好，遠已經唔係一個問題喇。星期一食PIZZA、星期二飲雜菜湯、星期三食冷面、星期五食餃子，全部都係在公司整架。食飯得一個鐘乍，點解都會整到呢D高難度食物？因為那個阿叔在食飯前的半個鐘，開始整喇，咁到十二點半食飯時間，就會有得食，YEAH～昨晚放工，同左同事RICKLY去左IFC既starbucks坐在個幾鐘，一齊吹水，佢話我好傻同搞笑。其實我都覺得佢好搞笑架，佢話何文田那邊多D後生CHEMISTS，呢度我唔會識到喇。哈哈～佢話搵日放半晝，一齊去南丫島食海鮮呀，很期待這一天的來臨。

　　今個星期係放完暑假既第一個星期，返工要勁早出門呀，否則遲到呀。之前都已經早起架啦，而家再要早D呀，很可憐呀。今個星期都做野得好輕鬆呀，老闆唔會好俾好多野做，但我又學到野，咁先好野喎。昨日係悶左D既，朝早derivatise完，再去RUN機，晏晝就無野做喇，咁我就拎份JOURNAL做道具。點知呢份野催眠左我，搞到我訓左一陣。老闆同另外一個同事都知我無野做，又無安排野我做喎，咁我就好悶咁過左一個下晝喇。HAHA～不過好在無野做乍，朝早既時候，我發現自己好似感親，因為手軟腳軟，無乜力咁，D手手腳腳又痛喎。返到公司，個人都無乜心機，好在無乜野做乍，否則我定必做錯野。

　　星期一有好多同事都唔返呀，因為星期日立法會選舉，佢地去幫手呀，咁星期一食飯既時間，會好悶喇。

　　返左一個月喇，日日都算是輕輕鬆鬆咁度過，因為而家好多都係試，而老闆都無比壓力我。我有時做唔到野，又做錯野咁，佢都無怪我。原來我有時做唔到，之前都有人試過係咁，所以唔關我事，YEAH。前日訓覺時，我記得有一幕係令我好驚架，起身仲有D驚。那幕係我同事同我講老闆唔滿意我既進度，同做錯野。其實，平日我一D壓力都無架，返得好開心添，所以那個夢真係令我幾驚架。雖然係咁，我仍會繼續做好我份工。出糧未呀？

　　星期五晚，約左佐治、欣欣同比比去打邊爐。那天我著了高跟鞋，可能隔左成個月無著，點知隻腳突然好似抽筋咁，我以為拉下筋就無事，點知到食完飯都唔得。不過，我都無理佢住，痛住一齊行去食糖水。到走既時候，我同欣欣行去撘MTR，我已經係行得超辛苦。我好辛苦先撘到去九龍塘，慢慢行出閘。當時即刻打俾哥哥，叫佢去九龍塘車我回家，坐車時，我無郁，都好痛。返到屋企，行都行唔郁，真係超慘。臨訓前，搽左藥酒，訓覺都訓唔到添，因為好痛。到第二朝，行得返喇，仲無咁痛。到五點幾，就去左睇跌打，我諗最少睇多次。雖然今次著高跟鞋有咁既經歷，但無損我著高跟鞋既意慾。今次我係著左三吋，呢對並唔係我家中最高既。

　　上星期，得悉爸爸公司一D事，跟住過幾日，爸爸架車又俾人撞喎，接二連三既事，令到家中一片愁雲慘霧咁。雖然阿爸無出聲，但我知佢為左佢既前景煩緊。無論佢既決定係點，我都會支持佢架。

GIVE ME A BREAK