剛剛過去既中秋節，對大部份香港既年青人黎講，不過是多了一天假期和一個 同朋友出去玩既理由，中秋節原本的意義我相信已經唔係好多人會去思考同重視。 係呢個資訊發達，乜都講求效率既社會，人同人之間既感情，老實講我真係覺 得淡左好多好多。無論係同屋企人、朋友定係情人，同以前既人相比，彼此既感情 同連繫都要差好多。 中秋節對我黎講意義特別大。我在台灣生活既外公，自小就很疼愛我既媽咪， 所以咁多個孫仔，佢又係最錫我，每次番去，佢都一定要陪佢傾好耐計，每一年新 年，佢比我既利是都會特別多少少，佢知道我鍾意坐電單車，就成日用電單車帶我 周圍去。不過係三年前既中秋節，佢就離開左我地，我到依家都唔可以忘記同佢一 齊既回憶，我仲記得我細細個既時候，曾經同公公講過，等我大個左賺到錢，會請 佢黎香港玩，帶佢去港式飲茶、睇大佛，仲話會帶佢去澳門玩，到左依家，我終於 都畢業，出黎社會工作，但係佢已經唔係度，我小時候對佢許下許許多多既諾言全 部都隨住佢既離去，而成為我終生既遺憾，我甚至連佢最後一面都見唔到。 唔知由幾時開始，我身邊最重要既人都會因為唔同既理由，而要同我分開，唔 係為左讀書，就係因為佢地本身係外國長大。我真係好怕，我好怕得番自己一個既 感覺。所以我要學識珍惜同家人、朋友相處既日子。 | 
