尋日去咗Karlovy Vary一個細細地嘅城鎮
行晒山都係用咗半日時間就行晒成個城鎮
於是跟Lonely Planet嘅建議去咗附近一個更細小嘅小鎮
去程用咗廿分鐘
停留咗喺嗰度半個鐘
走馬看花咁樣算整咗個day trip
返嚟嘅時候有少少感受
唔個大家知唔知道我哋成日話香港地少人多
其實香港地理上並不小
細個時我已經喺地圖上量度過
香港橫幅大概有60公里；直幅則大概為40公里
總面積（連離島在內）大抵為一千平方公里多一些
尋日我喺火車上面睇咗好幾幅捷克嘅地圖
啱啱再望望波里第海三國嘅地圖
發現以香港嘅大小可以覆蓋唔少呢啲歐洲小國嘅好幾個城市
基本上香港十八區嘅每一區都比唔少外國城市大
淨係諗吓由旺角行去尖沙咀要幾耐就知啦
所謂地少人多
只不過係指山多地少
所以我哋都要還香港人一個公道
我哋唔好覺得自己成日屈喺香港假期無嘢做
其實如果你假日有跨區去搵啲攪作的話
你已經做咗好多個歐洲人所謂嘅day trip喇