| xanga壞了其實已經發覺左好耐啦，一直以為會好返架，點知到了今天我仍唔可以編輯番自己既日記呀........ ，結果我用了叧一個日記，以後大家去d個日記啦....不便之處敬原諒呀......
http://hk.myblog.yahoo.com/lau44m |
| |
| 大年初一過了一個冇乜既年三十，今朝一早起身返教會，在崇拜時d眼淚不斷在流，我知神透過講道安慰，主啊讓我重新振作忘記應該忘記的事，我仍相信"祢比係bonus，冇亦係應份的"，做人還有樂觀d好，雖然有傷痕但仍要繼續生活，還有今日下午要入candyjai度過年，感謝主讓我有朋友，在我孤單時陪伴我，在我喜悅時與我分享...yeah!!!
講道經文--詩篇23篇
耶和華是我牧者，我必不至缺乏 ，
他使我躺臥在青草地上，領我在可安歇的水邊，
他使我的靈魂甦醒，為自己的名引導我走莪路，
我雖然行過死蔭的幽谷，也不怕害，因為你與我同在。
你的杖，你的竿都安慰我。
在我敵人面前，你為我擺設筵席，
你用油膏了我的頭，使我的福杯滿溢，
我一生一世必有恩惠慈愛隨著我，
我且要住在耶和華的殿中，直到永遠。
跟異性交往最重要的不是他有多好，而是他對你有多好。===>呢句說話成為大年初一最大提醒，求主讓我今年遇到一個真係對我好的人呀，唔係得我付出佢亦回應既人
|
| |
| 寫信"因為所賜給我們的聖靈將神的愛澆灌在我們心裏"===>主的話就是咁實在呀，學習每天作禱告的開始，讓主的愛多多澆灌在自己身上.......
尋晚上完堂好想寫給近排所事奉困擾的姊妹，我係一個不太會寫作的人，如果你收過我的信，你就有幸啦，證明我都幾重視你才會寫給你，因為寫信真係要諗過度過先寫到，可能寫一封信要花一至兩個鍾頭的時間呀，結果寫到零晨1點.......
當要事奉神必會遇到挫折，但尋晚有好好的提醒，希望成為日後為主作工最大的動力!!!!
我們是卑微的僕人
"祂本有神的形象，不以自己與神同等為強奪的；反倒虛己，取了奴僕的形象，成為人的樣式；既有人的樣子，就自己卑微，存心順服，以至於死，且死在十字架上"
僕人特質
1.謙卑地服侍
2.甘心的順服
3.殷勤地作工
4.全然的委身
真係好難做到好似耶穌咁樣，但神好好給了我地秘訣：
一. 禱告
以禱告彼此守望
以禱告當作盾牌
以禱告服侍受眾
二.愛
以愛為旗
為愛而去作
用愛改變生命
在愛中彼此建主
今日係年三十，年年都在今晚與家人食團年飯，今年感覺又點不同，一直覺得理所當然的事，諗起家俊就知是主給自己的恩典，讓我好好珍惜今晚與家人相聚的時間，感謝主讓我從家俊身中學會珍惜，人係善忘所以神才會時時用不同事或人提醒自己已經比其他人幸福啦~~
謹祝身邊或在遠方的朋友
新年快樂!!!~~
身體健康!!!~~
主恩永在!!!~~
我們愛，因為神先愛我們~~ |
| |
| 懶惰就快過年啦，對於我一個頗為懶惰既人黎講，最大煩惱就係要執好自己間房..........
尋日放工就去探家俊，佢仍然因唔比食嘢而鬧情緒，講真真係幾冇陰公架，一個鍾意食嘢既人唔比正常食嘢，要食埋d一糕狀既食物，我尋日睇到都想反胃呀，諗起細個食完藥就嘔結果搞胃痛唔比食嘢住，我已經發脾四要等阿媽冧番先肯食藥呀，我知家俊比我辛苦一百陪呀，家俊你唔好唔開心啦，你好快就可以食嘢啦，多d為家俊可以食番而祈禱呀.........
然後返左屋企，本來想執房呀，但係敵唔過周公仔熱情款待，一瞓就瞓到10:30先起身呀，唉....越黎越懶惰呀，過年間房仲要見人嘛，話晒都係女仔黎架，比話人就唔好啦，希望呢兩日拎起心肝執房啦，唔係過年後一排比人唱呀，我要努力執房呀!!!!!
因為瞓唔著睇埋"隔世追兇"，又同阿車msn，仲要同同學仔sms，就係咁樣吹到成2點先瞓，我話比同學仔知"可能返埋今日就放年假啦所以情緒高漲"，佢串我 " 發din呀"，你好嘢同學仔，我唔帶你返教會都對唔住自己啦...hehe |
| |
BeCaUsE YoUr LoVe Is BeTtEr ThAn LiFe, My liPs wIlL GlOrIfY YoU
