|
SubscriptionsSites I Read
|
|
|
|
| 日本之旅@2008~DAY 3 DAY 3 東京~~築地-->銀座-->池袋 早上-- 築地
今日o既行程plan左去築地食壽司,
所以我同helen 好早就起左身..
由於本人唔鍾意食魚o既關係..
老實講, 我期待去食好味o既"蛋","貝","螺"多過食到魚生..
我地去左一間旅遊書上介紹o既餐廳"壽司大"
足足排左個嚟兩個鐘,
不過, 係絕對值得!!!!!!!!!!!!!!!
究竟築地o既壽司有幾好食??
咁我會答你:{連我呢d極唔鍾意食魚o既人, 都話俾你聽係超..超超好食,咁你知啦!}
食物一流, 壽司師傅又nice又風趣, ,成間店食野o既氣氛係勁好law 8(^0^)8
     
最不得了o既係.....我遇上左我一生o既至愛
[佢地整o既"蛋"係全世界最好食o既野!!!!!!!!]
"熱辣辣、甜甜地、超鬆軟, 食完齒頰留香"
一d都冇誇張, 超超超超好食, o個一刻我覺得自己好幸福!!
即使我未食過全世界o既野食,但我信佢地o既蛋一定, 一定, 一定係最好食o架!!!!!!
中午--銀座
我地心滿意足咁離開"壽司大"之後, 決定慢步過去座
係行去銀座O既途中, 我忍唔住買左一塊蛋 (遲D再品嚐..)
(哈哈哈,我應該係瘋狂地愛著日本O既蛋囉!!....嗰種淡淡O既甜味 .......}
行下行下就到左銀座,
我一直好想同銀座O既地標影相...
每次睇日劇都會見到O既畫面..
可惜去到發現佢外圍裝修緊....灰左...^^不過我都係照影
 
然後忽然做左富婆咁, 係度行人地D名牌總店...
哈哈..不過...名牌對而家O既我 仲係零吸引力..哈哈, 咩都冇買..
HELEN 就有所斬獲 ^^
跟住就去行埋 "博品館"..
嘩!嘩!!嘩!!!一個充滿玩具同龍貓O既世界!!!!!!!!!
哈哈哈哈哈,真係發癲LAW!!!爆多龍貓!!!!大家睇相啦!
      傍晚--池袋
我地一去到就沖去sunshine city 去參觀"餃子博物館+雪糕博物館+全國dessert o既展覽"
"餃子博物館" 以日本不同餃子做主題, 裡面o既環境係仿日本古時o既街境.
我同helen 就去左一間叫"宇都宮"餃子o既鋪頭試左4款唔同味道o既餃子..
"雪糕博物館"係展示同售賣特色, 奇怪味道O既雪糕而出名
有雞翼味, 深海水味, 蟹味..........不過..都有D貴貴地
"全國dessert o既展覽", 展出日本不同地方既甜品....
成個環境都好靚, 我地仲係一個用樹葉做O既南瓜形小屋, 一路聽音樂, 一路食甜品...
到7點半時, 我地趕去一間專賣龍貓O既鋪頭...
哈哈~~~我真係忍唔住手O勒,
買左一條毛巾,一個擺設番屋企---------實左太靚, 而且我今日見得太多龍貓
唔買有d對唔住自己, 哈哈~~
         
 
食完飯之後就番酒店lu..
因為要養足精神,
第二日去迪迪尼!!! 我人生第一個迪迪尼呀!! | | |
| 日本之旅@2008Day 2--東京---三鷹 >井之頭恩公園>吉祥寺>新宿 (1) 三鷹
飛左千幾里, 都係為左同我o既最愛見一面!
哈哈哈~~~就係三鷹之森美術館-----一個充滿龍貓O既地方
有D唔O岩, 應該話係佢屋企先O岩, 哈哈~~
裡面展出左好多宮崎峻先生O既手稿, 龍貓O既創作意念同過程, 仲有介紹動畫o既制作...哈哈~~
身為狂熱fanso既我, 當然"大開眼界"啦.
其中有一個模型, 係有晒龍貓裡面所有人物, 每個人物有大概十幾至二十個造型
就咁睇,已經覺得好精緻.
估唔到它會突然著燈, 急速轉起上嚟,
所有..係所有人物一齊喺你面前"郁", 擺唔同pose law!!!!!超靚!!!!!!!!!
我同helen o係呢個模型面前, 睇左5~6次law...哈哈哈
仲有呀, 大家有冇留意龍貓係冇膊頭o架???
哈哈~~原來宮崎峻先生, 畫龍貓O既時候有畫過有膊頭O既龍貓
不過後來覺得唔好, 就決定大小龍貓都唔會有膊頭..哈哈哈哈
我都覺得冇膊頭好D,
因為有膊頭O既龍貓好似O個D挑戰筋肉擂台O既選手...十級滑稽....哈哈哈哈..
可惜,入面係唔準影相O架,唯有俾大家睇下呢個美術館出面O既野啦..^^
P.S. 我O係呢度出左一次大血....買左一枝靚靚鉛芯筆同一SET極精緻O既杯碟..........
       
(2)中午---井之頭恩公園賞櫻
行完美術館之後, 就同HELEN 去左 井之頭公園賞櫻....
哈哈~~開頭諗住買個便當,喺公園睇櫻花..
但我地兩個前一晚都冇左買便當呢回事LAW .
勁靚law (哈哈~~不過去完關西之後, 我先知咩叫做超超超超靚law)
出發之前,我講過要同櫻花同 鹿鹿玩遊戲law!!
哈哈~~第一個願望成真呢...
望住咁靚o既櫻花, 忍唔住影左好多"懶可愛"o既相...
用"引號"去表達, 大家都明白o架, 做好心理準備先望下面..
    
(3)吉祥寺
去日本之前, 小奧極力推薦呢個地方--係佢o既至愛
的確如佢所講, 係一個好地方
有好多好特色o既鋪頭, 多人但唔算擠逼, 賣o既野價錢非常合理
有好多仲平過香港呢!! ^^
最重要係有"松板牛肉波波"--{小奧:我都好鍾意呢個地方呢!!!}
講係"松板牛肉波波", 真係得嚟不易
話說我地3點幾去到, 見到條龍勁長.而我地又未食飯wor
都係決定唔排住, 醫左個肚, 行陣街先再排..
再番到去只不過係接近6 點
見到條龍比3點o既時候少左近四份三,
咁梗係立即仆倒去排啦..
就係呢個時候,
派籌O既人嚟同我地講, 今日O既牛肉波波籌已經派完...
最後一張籌竟然喺我前面嗰個人手上LAW!!!!!!!!!!!!!!!!!!!!!!!
我一心去到就係食牛肉波波MA (牛肉係我O既至愛)
硬住頭皮問嗰個人, 真係一個都冇???我地好想食呀!
講講下,佢同我地講, 可以俾我地照排隊, 但就唔會俾籌我地
如果前面o既人唔買咁多, 咁我地都可能有機會,但佢一定唔會保證law
哈哈~~咁幾大都等啦!!!
等左兩三個字, 終於到我地, 竟然仲有4個剩,
我同helen 二話不說, 一人買一個嚟食啦!! (不禁從心底歡呼出嚟!! yeah!yeah!yeah!!)
牛肉波波o既味道, 真係冇浪得虛名, 一個字"正"!!!!
 
(4) 新宿
夜晚番左新宿食"三葉" 迴轉壽司...
冇我想象中咁好食law..(對日本壽司有d失望)
而家諗番係我成個旅程中算最唔好食o既野
不過, 估唔到,聽日喺築地食o既壽司,令日本壽司喺我心目中加番超多分數law...^0^ | | |
| 日本之旅@2008 2008年 2 月29 日, 我做了一個決定.... 終於2008年4月1 日, 連行李都唔夠時間執O既程況下 開始了我的十三日日本之旅.... ^^ 4月1 日---DAY 1---東京新宿 晨早4點幾就已經出左門口, 同HELEN 集合之後
就一齊前往機關, 坐西北早機, 展開我地的日本之旅...
有時世界真係細得好緊要, BONNIE 又係今日離開香港,起程去日本
叻叻又會竟然同我地搭埋同一班機, 哈哈~~緣份呢D野, 有時都真係幾微妙..嘻嘻 ^^
   雖然坐8點幾機, 但去到新宿的時候, 已經係下午4點了..
我地放低行李之後, 就跟左PENNY 去一間餐廳食"布甸",
唔食由自可, 一食真係..係...係..爆好味LAW 唔該!!!!哈哈哈哈..
食到我地個個都"滿瞼幸福"
 
之後我同HELEN O係新宿周圍行下,
MY LORD, 伊勢丹,歌舞技仃....
   
夜晚去左食"康奄"O既拉麵, 個湯底好濃, D麵又爽口, 好好味呢!!
 
跟住就番左酒店, 好好休息. 準備第二日的行程--
哈哈~~會去我的最愛--<<龍貓博物館>>呢! | | |
| 後補下d日記先, 哈哈!!
11月15日----上半場
今日去左海洋公園玩呢!! 哈哈~~
因為生日正日係免費入場o架!
我玩左我一直冇玩過跳樓機,
我發現左...原來我真係有畏高o架~
哈哈~~跌落o黎o個下一d都唔驚..
反而跳樓機去到最高o既時候同埋坐纜車o既時候,
真係有d腳軟, 哈哈~ 而且仲去睇左靚靚o既水母,超級開心! 
入到去, 感覺就好似去左另一個世界咁..好relax~
而且, 唔知點解,
望住水母o既時候, 心裡面會有種好平靜,好幸福o既感覺..
自己都覺得好搞笑. 睇完之後, 真係想o係屋企自己養番隻..
不過, 原來佢地o既壽命好短, 只係得兩至三個星期咋.....
好可惜呢!~
而且仲玩左好多其他機動遊戲呢, 玩下玩下玩左足足一個下晝..
不過, 呢日o既重點應該係下半場o既節目先o岩..
哈哈~~遲d再補!
         | | |
|
|
