沒有左腳的方包在聖火傳送的那天(2008年5月2日)，方包老公在萬人空巷的廣東道跌到，腳踝的骨裂了！ 事情發生得非常突然，話說當日，方包老公和我搭小巴上班，如日常的在星光行下車，而我就轉到另一架小巴，當小巴行經北京道一號對海港城的馬路，我看到身穿紅衫(支持中國辦奧運嘛！)的老公蹲在馬路邊，旁邊的叔叔就不停的問候他。
身在小巴的我... 心想「發生甚麼事？綁鞋帶嗎？」
便立刻打電話給老公...「嘟嘟嘟...」沒有有接...
心... 非常擔心... 再打電話，這次電話另一邊「我ARR柴呀...」
「咁點呀？有沒有事？」
「我而家等緊救護車呀..」
「咁你痛唔痛呀...」
「我完全企唔到...唔講喇...」
小巴就到了站...我下車，回到公司... 心情還覺得不太好...
再打電話
「你點呀...」
「我企唔到，等緊救護車...」
「....」
「有D暈呀....」
「不如我而家來同你入醫院啦」 和上司交帶了一聲，就衝去廣東道，心裏想...「我要小心車，我唔可以都有事呀..」
跑到現場，救護車剛到...
見到面青青的老公...痛得很的表情...
唯有搞下笑啦...「喂... 你咁趕呀.. 做火炬手呀？」
我倆就上了救護車。 
在救護車的老公...(其實是十分痛的，而且還沒有食早餐！超肚餓)
到醫院，初初還沒有知道是甚麼事情，我們還以為可以之後一齊去食lunch，順便看看火炬傳送(橫掂請了假嘛~~)照完x-ray，才知到骨裂了...醫生說有可能做手術... 手術~~~~~~~
老公面色一沉... 「是否全身麻醉？」
醫生：「梗要啦，做手術就要啦！」
老公：「下...」
醫生：「不過，都要睇下骨科醫生點講...」
我：「下？咁點呀..」
醫生：「佢點都一定要留醫呀..」
我：「要留幾耐？」
醫生：「唔知呀，要睇骨科醫生點講...你而家幫佢辦入院手續啦...」
我順手將手上的三文治給老公..
醫生：「你唔好食野啦，可能要做手術...」
大家會發覺，當醫生話要做手術之後，老公係沒有再講野... 之後我們就上了病房，就要等醫生，等等等... 都唔知要等幾耐，所以我就回家幫他執衫了！終於知道不用做手術，心定了... 
在醫院的老公
一天過去，老公在醫院申請了放假，回家，我就展開了累到死的日子... | 
