請問有無人打算25/10去海洋公園哈囉喂而又未買飛架？

我朋友有四張，因為買左唔得閒去呀，所以想問下有無人想要，

可以平d架!!

19/9/2008

連續兩個星期五都過得好休閒

今天同妳傾左好多

真係好感到好幸運有妳呢個好朋友

難怪咁多人咁鍾意妳啦

亦好多謝你願意同我分享咁多呢

希望我地日後都有更多二人世界就好啦

呵呵不過唔知會唔會呷醋呢???

我真係好想每個禮拜都可以做到自己想做既野

開心的星期五!!!

14-8-2008

自從考完試來 我就覺得自己好似未停過落來 身邊太多係我意料之外既事發生

放假前定既目標除了可以間中返工外，真係無一樣落實到，如學急救、去體驗團、

到大陸去做義工、睇書啦等等 甚至返工都係兼職 。不過，我又覺得係個暑假裏面

發現左好多自己既不足同得著，應該都無白費既，反而令我做左好多反思，例如自己

與朋友既相處之道、對目標既追求、自己既係屋企或外面既定位，呢d我都要慢慢去學。

自己其實應該要感激上天總有時間俾我去參透和增值自己，唔可以再咁怠慢，唔可以

再以一個很幼稚既想法去唸友誼，唔可以回顧過去，要為自己擁有既而努力。雖然我係

好多方面除左愛情都唔係人地既第一選擇，但我會努力去做好自己，係唔係第一係人

地既選擇，只要我覺得係果個位搵到自己就無問題，我真係唔想為左就一d野而無左本來

果個我，所以係某d團體內我會選擇摺埋自己，唔想搞太多，因為我唔可以放太多時間

係果度，我會選出退出。

好慶幸自己有一個永遠都放自己係第一位既人同埋仍有可以

傾到心事既好朋友。不過依然係果句，真正和長久既友誼係唔需要經常見面或一齊才

可以維持的，只要大家見返面依然都係好親切既感覺就夠，幸好呢樣我仍有，所以

我要珍惜，因為依家唔珍惜真係唔知等到幾時，人太妙小了！

 12-8-2008

笑容

30-7-2008

在我第一天上榮榮家拜訪的時候，情況如何我已經忘記，

但一張和譪的笑容卻令我印象深刻…

自此之後，每次上他家時，來開門的都是面露笑容的世伯，

但今天上去已永遠失去這一張笑臉、這麼可愛的伯伯。

自他入院以來，每次未到他的床位時，不是聽到他因心口疼痛而發出的呻吟聲，

就是離遠已望到他痛苦的表情或睡姿，

看著他辛苦而自己卻無能為力時，

感到人的渺小、脆弱．．．

或者世伯真的累了，為了家族、家庭而辛苦了幾十年，

是時候好好地睡一覺，去到另一個世界繼續生活。