感謝天父的帶領，謝謝Lena、魚魚及他們的同學Thomas的幫忙，爸爸昨日順利抽左組織，回想起由上星期一睇醫生到而家，個多星期就抽到組織，真係恩典，我特別同爸爸講︰「你睇下天父幾錫你，我同你祈左2次禱，今日就抽到組織啦」，爸爸對我呢句說法好似幾受落，希望佢可以快d信主啦。而家要等到9月4日先睇報告，求主記念爸爸的心情，同埋呢幾日抽完組織之後唔好有發燒、小便時流血不止等後遺症。

剛剛星期一至三爸爸媽媽同我將我間屋全屋油油，同埋掉晒d舊傢私，每日朝8晚6，真係做到嘔!不過係因為爸爸唔想我住o係一間咁陳舊o既屋入面，所以幫我整理下間屋，我知爸爸好錫我!

所以呢兩日晚上睡覺時都躲在床上喊，除左因為身體疲倦外，亦因為好緊張咁四圍聯絡有無得幫爸爸快d抽到組織，帶阿爸阿爸去三唔識七的東區醫院，盛載住擔心阿爸的心情，阿媽因油油+抽組織太密集而出的情緒，以及在這些重要時刻，很軟弱卻沒有男朋友在身邊的強烈孤單及無助感，就像許多事情都要一個人面對，我現在只盼望主的恩典在軟弱的人身上顯得完全，其他的就甚麼都不要想了。

實習後的日子如常忙碌，因為要幫手一個6個半日的暑期program，同工好看得起我要我nearly in charge左個program，求主帶領，希望做完真係有得抖。

今日收到一個驚人的電話，想不到這些大事會透過我傳遞，只盼望我無聽錯野，同埋可以貢獻我一點點的connection...

今天又返了三節實習(即是9am-10:25pm)，可能是昨天休息了一日吧，感覺不算超累，只是沒有時間食晚餐(只用了十五分鐘去麥記買及吃了一個包)，下午時間雅各BETA的團契尚算順利，真的很感恩!!好像今天也有十多位團友返團契，在他們還沒有考完試的情況下有如此的出席率真的很好，有時想到七月一日便要完實習非常不捨得，許多建立了的關係好像要告一段落，我真的很渴望能延續下去，只是有些時候，自己的確要學習慢慢放開一些關係，始終沒有一些人與人之間的關係是不會中斷的，求主幫助我學習吧!