Love the sun... love buttons, dude and the cow =]

哭到睡著了

明白我的問題所在了,
原來對著你
我會心理不平衡
我有人格分裂症
好恐怖....

今個六月都夠騎呢
又皮膚敏感，又扑街，又無端端有個騎呢人彈出來同我玩遊戲
而尋晚同Kenji班瑞信同事唱 K
咁都可以比生日個壽星仔睇中
大佬呀 我以後唔出來同Banker玩啦
其實我就無咩所謂 最多都係你摸門釘
不過你晨早留留send個sms整醒我呢野就真係罪無可恕
最憎D人星期六日晨早留留打來嘈醒人  叫我去wake另計 哈
當然最後都係一句我有男朋友打發左佢 無計

想起Gela同我講做人留一線呢個道理
不過真係好難做到
佢話總有一天自己會有同樣下場 
不過唸深一層其實我而加已經係啦 哈

好開心永牛有睇我樓市D故仔
完全想像唔到原來佢會咁留心
不過比佢話我寫野攪爛gag囉
話說有個山頂單位露台面向對面屋
其實只要行到左邊好邊好邊既位置
係會望到屋與屋之間有些少海景
咁我咪寫 "勉強係屋與屋之間都望到些少海景"
我都無講大話 不過anyway
呢個唔係重點，而係佢會留心睇我D故仔 我就真係好開心啦 哈

今日傻麗莎開心指數係十分 哈