haha...尋日係中心逗留了一天 足足六小時.....做咩? 係自修室溫書,去搵姑娘對19/1既MC稿 12點去到,6點半返到屋企 返屋企成個人散了 一個晚上都唔知做咩D咩....淨係望住個電視係到發夢 乜真係冇地政署嫁咩?!我明明記得有...但係浩霖死都話冇 都唔知係咪你玩我= = 今日返聖心10點MASS 因為成日都見到聖心d堂區通訊到月尾都仲有50幾份好似冇人拎咁 所以就同john講話派呢邊.....可能會每個月頭都會係黎邊喇- - 今日係mass到見到朱廣平同佢女朋友....佢地問我中午得唔得閒 可唔可以幫手去探訪獨居長者,咁我諗我好似冇咩做...所以就跟左去喇 同薑神父一齊去...佢到而家講野..我有陣都係會唔明- -"" 但係今日見到既野都係好深刻 見到d公公婆婆堅信主,實在感動 有位婆婆佢受神父祝福既時候,佢閉住眼,一直講感謝主 有位婆婆佢明明有病,行動唔係好方便,但係佢仍然堅持要先生慢慢扶佢去church 唔需要送聖體員上門,聽到之後,真係好感動 去每一家都有唔同既感受,同佢地一齊拖住手諗經,一齊唱流行曲 變魔術俾佢地睇,所有既節目我地根本冇諗過,但係去到好開心就一齊玩返上黎喇 婆婆公公就變左我地既好朋友,希望下次仲會有機會去見佢地喇=] 本身諗住薑神父唔會好玩得....因為我成日都聽唔明佢講咩 點知佢今日唔單止同我講笑....佢冇端端挾我塊面話好得意- - 今日又係周神父打面...又俾薑神父挾面= =""都唔知點解?! | 
