29-6-08---決賽
過左2曰先寫,因為太累了連續2晚通頂呀...
睇呢場大戰我地徵用了小宗屋企...good
歐國杯決賽德國對西班牙,我作為忠實德國迷無論德國隊變成點我都會支持佢地...
不過未開波前內心已打定輸數,只是作為德國迷可以做的就係陪著德國隊渡過輸波後失落的一刻......
最終德國1球負於西班牙
賽後波歷克可能退隊!!我覺得佢好慘,08年4亞王,同02年一樣,而佢到呢一刻,足球生涯已取得13次亞軍,
13次亞軍當中,有多個係頂級賽的亞軍,02年世界杯,歐聯,德甲亞軍,08年歐國杯,英超,歐聯亞軍等等...
佢可以話係足球界o既神話---二奶王實至名歸...
今年歐國杯後好多人都批評佢...不過我覺得現今德國隊有得做二奶已經有賺,而且佢o既功勞亦不少,
而且輸波吾係一個人o既責任,攞亞軍佢比任何人都傷心...
(如果佢踢中國隊......吾知會吾會有咁o既效果呢???)(不過佢已經踢吾到其他國家隊了...)
睇完波hea多陣返工...超累...
放工去踢波...因為之前答應阿滔幫佢地把關的...所以累都要去...
敵方竟然有舊隊友安仔...haha...好搞笑...海景隊內閧...
場波最後大敗...我又拉傷左腳...要休息下喇!!

28-6-08---peter生曰
peter生曰,

旺角有局...通頂...超累...吾寫了

(d芝華士好似有d問題...我覺得咋)

21-6-08---遊船河
今曰去左遊船河,超好天,33度晒太陽超good,
遊船河影相本來好正常,但係我學左某人d壞習慣...就係帶機吾帶卡喇!!
只可以用內置記憶體影,所以影左幾張就冇得影lu...

d相為有等其他人sent返比我la...

今曰隻船去大蛇灣.d水好清,不過好細,
一停船就同cindy去游水,cindy游水吾快但游得好遠...
同佢一炮過游左一公里,都幾攰...一開始吾玩咁盡,吾係下午冇力玩...
上午游下水,跳下水好,晒下太陽好快過... 食完飯再玩...
下午d浪大左...而我就慘了,用水泡落水玩o既人成日比浪帶到好遠,淨係拉人返船都拉到冇力,
好彩之後都仲有力玩 wakeboard ,不過都係好渣^^反而cathy就玩得幾好woo^^
7月揾曰淨係去玩wakeboard先...

19-6-08---今年第9張postcard
今曰收到今年第9張postcard,係阿燐係北京寄來的,亦係我第2張北京postcard,

呢張係以長城作背景,吾錯
多謝阿燐

補返d相先

補返上星期同karen d friends去考獨木舟2星d相先

o個曰係端午節但天氣都係一般,

HI救艇法

艇排

走前合照...

吾寫咁多la...希望21號遊船河會好天la...

仲有要係度恭喜momo佢生左個B女,等佢坐完月就拉大隊同佢慶祝...

仲有要恭喜我家姐佢生左第2胎,呢胎係仔呀...好o野....^^

9-6-08---茵茵,肥波大婚曰

今曰茵茵,肥波結婚,同姊妹團好熟所以知道佢地好匈狠,而我呢d男人做吾到茵茵姊妹la...
所以撐肥波做兄弟...一早搞惦d野就去接新娘,其實姊妹團d遊戲我只係怕左杯加料wasabi雪糕,
其他只係肉酸d o者,玩到最後阿文講左句好搞笑o既野 :茵茵!我限60秒好出黎喇,吾係d兄弟頂吾順架喇!
果時d兄弟個個眼紅紅喇...玩左一輪遊戲,(針)埋茶就接新娘去男家,到男家再(針)茶...搞埋其他野下午就去洒樓,
又搞埋其他野,所有野搞惦就註冊喇!註冊果時好搞笑,吾知點解一句咁莊嚴o既宣誓茵茵都可以讀到令全場笑到反肚?
我同阿文笑到眼水都標埋^^但係佢讀得好正常架wor???
註冊完...其他都係例牌野,食飯,敬洒,玩新人...到十一點幾散...
散淨一班兄弟姊妹,一對新人繼續玩...
玩玩下阿雞突然向阿ling求婚?搞左一大輪阿ling都點頭承應左...成班人拍晒手...
玩到一點大家都好開心,決定要全香港都知茵茵,肥波佢地結婚,所以打上電台(香蕉俱樂部)同主持人,全香港o既人分享,
4,5個人打,比鳳爪打通左,講底我地o既內容,電話人話內容好開心,2點前一定打比我地...
差吾多兩點打返黎,鳳爪講幾句主持人ben就話想同對新人傾下,茵茵傾先(個時飲酸左o既傑仔,係咁係電話旁邊講野,仲夾雜d粗口,
好彩傳吾到入電話,如果吾係,現場出街一定比人cut線,之後茵茵講完到肥波,肥波講左幾分鐘到...咔...cut左線!!
果時個個都望住傑仔...(大家知咩事la)
cut左線之後,坐比陣2:30走人....今晚好開心

返到屋企睇返我相機d相,發覺夜晚9點半前影o既相冇晒...吾知邊個咁多手呢?

依家d相得返好少^^

祝茵茵,肥波新婚快樂

早幾曰收到今年第8張postcard,係阿薇係四川寄來的,無錯係四川,

一星期寄到黎...都幾快....

thank u mei

呢近開始熱...已由陸上活動轉玩水上活動...

上星期已曬到好黑了......8號同karen d friend考獨木舟2星,希望好天啦...