心情唔好就唔好拉落去
我都唔知點講。
果種唔知點講唔係「無從說起」，而係好多野講唔出口。
你試下對住個你明知佢行某條路無望既同學，而佢好想行那路。
我無其他意思，只係，你真係有咩建議又好都講唔出口，唔忍心。
雖然我真係無估計過自己去到咁既地步，
3 AL E哂喎，邊忽似本少作風。
我要找原因就會話我臨急抱佛腳，要找藉口就是我由中三已行了條錯的路。
後話啦，不是重點，反正再錯的路都行完了。
有時，興趣同能力係兩回事。
我天生真係除左對計數無興趣之外，好難有咩我會覺得完全無癮。
但我能力不在那裡。
一係就你愛佢，佢愛你，但飯都無得食大家一齊餓死。
戶口得幾舊水重想養埋佢個女？喂。
一係就？我心向明月，明月照溝渠。
你愛佢，佢唔愛你，你以為愛可以克服一切，佢同你講你死要同佢一齊佢就同你攬住一齊死。
總之，成日聽人講揀豬扒要以興趣為先，
我真係真係好想加返一句，興趣同能力行先，有興趣無能力即是自殺。
我對我三位拖友既興趣無消減過，但我真係由始至終都養唔起佢地。
你愛佢就得？真係叫佢食陽光空氣呀？
越早認清自己的能力越好。
我到升上預科才發現自己認錯了興趣同能力。
盲目的愛情咩都做唔到，只會給你三條E。
這是我對所有要面對揀科，不論中三中六大學既同學仔既忠告。
