我唔去沖繩啦!

改左去大阪啦!

但係改團途中又因日子問題, 又有好多爭拗.....

唉.......

個風打唔成.............

失望!!!

尋晚食完飯同佢去左嘉湖會所游水

一去到佢就好似好耐無游過水咁, 痴左線, 搏命游幾個池

而我就係池邊不停練踢水, 我好勤力架, 無偷懶架

唉唔知今個夏天會唔會學識游水呢?

學游水黎樣野, 我由中學個時講起, 到而家都仲未學識

希望今個夏天學識游水啦

今日晚餐又一傑作

白汁吞拿魚焗長通粉

仲有, 南瓜露做甜品

20 July, 2007

我見前一晚無返去瞓, 走左去粉嶺同阿芯食糖水, 之後返左上水!

唯有煮番餐飯補番數....

清酒煮蜆

煎秋刀魚

日式錫紙焗冬菇

仲有湯添好好味架......

21 July, 2007

放左工, 阿謙話約左佢個客同埋D行家上大陸揼骨, 咁我又見阿Ben有野做, 咪跟埋上去

我地一上到去就打左一個鐘頭麻雀, 之後就揼骨啦

揼完骨, 去左食雞煲, 水煮魚, 蟹粥, 口水雞........仲有好多好多全部都好好味架

我地食到差唔多點幾先返落黎香港, 今日全程打麻雀,揼骨同食飯, 每人只須$150喳, 好抵呀!