| 返工，做返開開心心癲癲喪喪o既Doris，放開d，心情都好d。 因為..搵到個o岩傾o既好友，都係緣份 |
| |
| 今日返早，六點二準時起身強撐返工，對眼腫到幾乎開唔到....今日又無貨返喇....到五點零先返d貨，今次無上次咁好彩有好多人返工唔使幫手，好累呢 全日都感覺辛苦，加上非常非常非常熱o既天氣....真係好耐未試過咁熱咁焗，企一個鐘cart，頭半個鐘竟然出唔到汗，熱到癲！之後d汗開始流，好似瀑布咁.....真係未試過熱得咁辛苦！地獄一樣 平時訓十個鐘都嫌少o既我，尋晚只係訓左三個鐘，心情+人流+天氣+唔夠訓=想死
撐足一日，好叻呀我 |
| |
| 今日大部分時間都o係倉，真係好正囉！唔使出場對住d蠢臭guests！最正係本身朝早返貨但無返到，於是我無咩野做，到晏d有貨返喇，又因為好多男丁返工唔使我拆貨！lucky！ 不過因為今日成日都o係倉，所以成日都聽到阿姐鬧人，基本上佢一開口就係鬧人或者點人做野，做阿姐真好 唔帶住唔開心o既心情返工，真係做到嗎 |
| |
| 今日去睇Wall E，好睇呀！原來套戲真係無咩對白，睇中文英文都無咩所謂！！隻Wall E好鬼cutie！未睇過d卡通係咁樣，基本上係可以唔用對白，但都知道兩個主角o既發展，真係值得一睇！！Pixar d戲播之前都會先有一套短片，今次都唔例外，連套短片都好好睇，好搞笑呢~~~~~隻兔仔好過癮呀^o^ 早幾日同屋企人去澳門，都好晏先過到去，行漁人碼頭，實在太熱，行左陣影d相就走去威尼斯人，其實都無d人講得咁靚丫...不過又真係幾大，入面咩舖頭都有！之後再去MGM，都幾靚呀，唔怪得佢d房咁貴！不過我都不太好賭，o係賭場真係有d悶(PS我去兩間賭場都俾人check身分證 開心死人咩)....今次我地住利澳酒店，幾正喎，間房又大又光猛，好可惜佢個breakfast buffet水準好差=.= 買埋手信就走人lu，條街實在太熱太熱，又搵唔到的士，要o係烈日下行去搵的士站，唔中暑真係一個奇蹟 呢排瘦左好多，好似好耐都無正正經經食一餐，根本一d胃口都無...點解呢﹖因為太熱﹖定係因為d咩﹖ |
| |
