尖沙咀星際冰室

好難搵好格涉，不過一定要試

番茄腸仔牛肉通

番茄餐肉麵

出親去tst 都一定會去!! 又唔貴

番茄好多又大舊，係新鮮番茄，

童叟無欺，唔係好似有d餐廳用罐頭，仲要稀到水咁

仲有雞絲 (好滑) 同其他料可以揀

不過本人最愛番茄餐肉面，最夾最好食，

通粉的話都唔多夾

銅鑼灣Bee restaurant

 燒串腎串:普通料 燒得幾ok 不過亦冇咩特別

日式咖喱漢堡扒飯: 呢度d咖喱好辣，

唔應該，攪到d牛味被搶哂，漢堡亦太細

咖喱牛肉飯: 咪咖喱牛肉飯一碟lor

價錢仲要唔平，成五六十蚊一碟飯，但唔好食wor

尖沙咀美麗華 Todai

呢度既主打係長蟹腳同海鮮

不過你老尾，d海鮮唔新鮮，款都少到得人驚，咁都叫得做主打，咁唔係主打果d質素會係點大家自己諗la

d 長蟹腳都還可以，不過好少肉味亦唔鮮，肥豬生先話好食，本人完全覺得唔ok

不過可以排隊去試下燒龍蝦，每10分鐘一次，都幾多人排因為係唔好食既野之中最好食既野

不過燒牛肉都可以，幾夠肉味

d壽司勁唔新鮮，d料好核突

都唔知食左d咩落肚

澳門黑沙海灘法籣度餐廳

好葡式好地道既餐廳，入面勁多鬼佬，又有紅酒飲，同一般遊客餐廳唔同

葡式燒乳豬: 同港式既完全唔同 ，d皮好脆有好多肉，肉又夠滑，又夠大碟

唔怪得之阿肥彭都專登黎食

燉八瓜魚: 炆得好林，好得意，唔係度度都有得食

加埋d薯仔 gd

澳門大馬路葡國餐廳

小墨魚 超好食!! 新鮮，d調味又好

葡國雞飯: 第一次食真既葡國雞

平時食親果d都係螢光汁浸雞，呢個好正宗, 椰汁味好夠d雞又超滑 好!!

(仲要比個心型飯我地tim，隔離枱都冇既，hah)

豬肋骨: 燒得幾好，又多肉，香港意粉屋果d握細路豬肋骨冇得比

又大碟

總結: 去澳門一定要去!!!