近日各大新聞,大老闆的"解釋".都不得不讓我覺得驚...

大老闆說的就是各銀行CEO在新聞說的一樣,"我地會review",只不過佢再加多句,我地寧願少D人,但個個人工高D.

少D人....

最近interview人,都有見到一d話係redundancy而被terminated的人,老實說,我個人比較怕賴野,(自從賴過幾次之後),對呢類candidate都真係怕怕,我會諗個個都唔TER淨係ter你,實有問題啦.多一事不如少一事...

連我呢d small potato都咁諗,何況d經驗老到的hr.如果被人layoff,唉,就真係...

老實說,係舊公司,我諗佢生意差極都唔會ter我..只不過是5個月,就人心惶惶...

Davao -

第一天:

凌晨2點几到達宿霧.原來有另一班機5:00机去davao,不過,要另外買機票,我諗去到都未必有船返酒店,不如係度訓,等到10點几啦...點知訓低冇几耐,已經勁後悔..超凍,我諗起"Terminal",我諗D菲律賓工人見到我地,都會諗有咁風流有咁XX,,,訓唔著於是打NDS,終於到朝頭早啦,我地係機場外行左一個圈,都叫左參觀左我地第一個景點.

去到啦,諗住叫車去酒店碼頭,嘩,叫價時,明明講250,車黎到竟然講350,唔係民風純樸既咩...(或者我一厢情願,stereotype地覺得D冇咁發達GE地方就一定係民風純樸,或者有d小孩好天真對住你笑).

去到酒店,唔...住在海上小屋內,又OK喎.就像樓盤廣告裏的一開門就是海...而且房外有小椅,理論是可供情侶談心...

酒店冇得玩浮潛,唯有聽日玩,但聽日就變左冇得玩激流...由於酒店位處小島,所以都冇得再出Town,於是我們於酒店內無聊地嬉水,...哈哈,揀呢間酒店,其實都係想休息下,游下水,所以2日都係度住,但點知,黎到都係超心急想去多d地方玩....umm..

好不容易等到食晚飯,面對filipino style既buffet,實在不敢恭維,不過,佢有d performance,都ok ge.

第二天,

食左早餐,就去浮潛.coral garden tour..酒店D人搞左一輪,終於出發...友人說,比泰國更多珊瑚,不過,水都係幾清,珊瑚又有好多種唔同顏色...之前一晚落雨,還擔心會濁添...玩左2個鐘就走啦..(返香港睇返,原來的行程係去3個地方,佢今次只係載我地去左1個,唔知係咪因為唔想遲收工,)

之後,我地應該搭1點半船去town,點知..我記錯時間,架船係1點開走左.下一班係4點..之后,我地搭電單車去巴士站,再轉車去返mainland...我地住果個島叫samal island,除左酒店,都有民居.一出酒店就天壤之別,見到既唔係木屋就竹屋,初頭坐電單車,勁驚,佢D路唔平,Cho 下cho下,係咪又幾剌激...同埋,哈哈,都有D熱情GE小孩對你揮手...

終於平安到達巿中心,大吃一餐,終於食到d好野..我地初頭仲計劃可以去邊去邊...食完都夠鐘,要趕搭最後6點船返酒店,所以即刻衝去買芒果乾...同埋雪糕...係超巿,排隊俾錢都成幾個字..之後,衝去搭的士,上左架的士,個司機好hyper,係咁話好鍾意chinese,但佢最後,講左句,but chinese don't like me,嚇死我地...即刻狂讚佢D國語好,手車好...好彩都順利到達...

第三天

係酒店沙灘狂影相後,就去機場轉機去manila,我地第三個景點,出機後有1個鐘.我地去左個商場,不過,就買唔到雪糕...

如是者,完成了我地3天3夜,去3個景點的行程.

唔...高級行政人員的生涯完結了,調返落去1樓,我個位唔再對住海景,對住老細(我諗佢都唔係幾想對住我地),坐係我左近GE同事都直望到我..唔...而家我小聲問左手同事野,右手同事會答我...我覺得有d驚.

今日約左莊友,慶祝H跟M的生日,其實我都唔係幾記得,佢地係邊號生日.不過,總之一個月總會有一個生日啦.

同a傾左兩句...佢話外國好多master都冇pratical,而且收生極緊..要有reference，唉，少壯不努力，老大徒傷悲，都畢左業咁多年，去邊搵呀...我又未神心到,去讀另一master來增加機會...不過,畢左業先真正體會"professional"的分別..都唔想一世入機...

唔...原來我地...夠資格唱相愛6年..今日都知道左佢地ge近況...

a計劃留港一年,星期一返工,我們說今年終可幫佢慶祝生日啦.

j獨自往吸血疆屍國讀書(她說如我地去探佢,可以去參觀集中營 = = ....),繼續long d...不過,這次有時差..但感覺到佢都有信心...

k在貨櫃碼頭返工,每日放8點幾,廁所像醫院好恐怖的....

m原來2年來,只試過兩次ot一個鐘,我們說他好像又胖了點,他的愛人說,可能只是食多了帆立貝.

h因一次瘋狂購物成為ax vip,我勸諭他唔好係咁貴ge恤衫內加t-shirt,不如像那些男人不扣頭兩粒niu扮型,他說不想成為不扣niu的男孩..同埋依舊問,你有冇plan...(冇呀.唔好再問)

同埋,原來佢地平時聚會食唔飽.會係出黎前打底...但今日係食放題...不過,k好勁,今晚勁有胃口..

又係超多難gag...而家諗返頭先d難gag,我又笑唔出,但頭先又笑到傻...

我返新工啦.

哈哈.我不愧為高級行政人員,無論去到邊都有海景望到...今次又係全間HR房內唯一一海景位.

返新工前果幾日都忙都chi肺...基本上,做完野,返dorm,再整理D舊email,12點訓,第二朝又7點幾落到會場...所以都冇特別離愁別緒...係呢度都真係幾開心...同事都互相提點...(除左臨走果兩個禮拜...忙到嘔)...

唔...不過,要跳出呢個comfort zone都幾緊張...睇命批我份工先兇后中吉..唔..我要努力D先得.

Dec 15 - 18 Taipei

第一天...

香港机場,領隊小姐用了近15分鐘的時間介紹香港居民應如何出境.詳盡如斯,真教人...我想早知辛苦d自由行吧啦.

到達台北,先到老鶯陶瓷街,台灣,真受日本影響很大,陶瓷都是日本風為主.

之后,真去淡水老街,開展我們食食食之旅.

蝦丸幾好食.

晚飯去吃鼎泰豐...嘩.小籠包固然教人齒頰留香,但豆沙小包的紅豆沙也今人驚喜.豆沙細滑,甜度也可人

回酒店.唉.台灣就是跟香港日本沒兩樣,舊式的五星級,房間還是小小,內裏也不見得精緻...看...还有好似就跌死的聖誕老人的裝飾

本著去旅行,要去盡所有名勝的精神,我還是跟媽媽去了誠品朝聖.

这間分店是24小時經營的...所以不用擔心像上次咁趕啦..(不過,最後都只係留左1個鐘多d)

人太多,找不到老闆要的w-inds的寫真集..也沒時間去看書,匆匆買了本coaching的書就打道回府.

第二天

我們去了台灣民主紀念館,係啦,即係中正紀念堂,因為陳水扁唔鍾意,所以要改名,導遊笑說,可能遲d連那些藍色的瓦片也要改為綠色.改建工程也真的進行得如火如荼

故宮博物館,嘩..真係好多野睇...但係時間太短....

之後,就去浸溫泉...感覺有d up dup,唔見得真係好訓d...

跟住,去了華西街,依舊係冇野睇,於是行左去好荒涼ge地下街,嘩...有書店,有79折,但都係睇唔切,買唔到

再然後,去西門町....只有一小時,太晚,買不到蜂蜜蛋糕,也不見birkenstock,不過,還是吃了阿宗麵線,同係老天祿好硬ge鴨腎...心裡盤算,唔,第四日自由活動,可以買返去俾同事

第三天

一大清早,還沒有什麼知覺的時候,我地就去了靈芝推廣中心,這些推廣員,唉,d selling skills真係一流,主講者係一名醫生(說服力一),係山地住過,清楚了解山地靈芝的益處(說服力二),而家係善終中心傳教,佢好痛心,呢批病人唔應該係度ge,如果佢地有食靈芝,係咪?(說服力三),之后,佢當然拎出香港賣緊ge有几貴...(說服力四)...我身旁的母親就舜即以家人的健康為前提入貨...返黎之後,同事問,點解你唔阻止你媽媽,係呢個健康ge道德高地上,唔得呀....

之后,我們到豆腐街...買了新鮮炸起,很好香口的拔絲蕃薯,很好吃...之後,旅行社包的炸豆腐也很滑!!!

然後到那不再悲情的九份...很清涼,如果可以係度呷杯茶就好啦.

夜晚,去了吃烤肉自助餐,自選材料,配菜,醬料,然後交給師傅烤,仲有刨冰食...同麻辣火鍋

最後,去士林...吃了導遊介紹的生煎包,當然沒有鼎泰豐的咁好食,但都唔錯,之后,食了魷魚羮同熱情果刨冰．．．

第四天

所謂的自由活動日，就係２：１５分集合，因此，媽媽擔心路程太遠，沒到西門町．．．

（不過，還是經領隊買了鴨舌）．

早上，先去誠品，這次可以靜下來看書啦（今次係媽媽倍我睇啦），買了交響情人夢的樂譜，同一本消閑讀物，

價錢跟香港的差不多，所以匆匆看完一本想買，講製衣貿易的書．

之後，我們又拜訪鼎泰豐，吃了無論食几多次都咁好食ｇｅ小籠包，同豆沙包．打包了八寶飯及小籠包回港．．．

然後，去買茶葉同阿默蛋糕．．係好食，但阿媽ｇｅ評語係比義美好食好少ｇｅ蛋糕．．．

之后，去忠烈祠..如導遊所說,遊客多留意憲兵步操,而烈士就冇人記得,就返香港lu.

這四天的旅程...最有趣的地方是.導遊說台灣的民主.

她是藍營的,所以很痛恨陳水扁. 常說台灣的經濟給他壓扁.當年蔣中正先生常要說反攻大陸,因此,就不著力於台灣的基礎建設,也因國民黨的貪污腐敗,造就了这台灣的兒子陳水扁.台灣的中產多支持國民黨,但也就是缺乏那份熱心,所以到子彈出現時,才發現一切也太遲...

怎樣說也好...這終歸也是台灣人民的選擇吧.我想他們怎也走不回香港的回頭路吧.不過,這對他們來說,國際形象低,國民身份不被承認,還真有點難受....