深信神讓我看到的，不會是錯！

今日好辛苦，因為唔舒服，但也用我服待了很多人，同好多人講過野，而家把聲好辛苦，求神就醫治我。也希望大家不要再多想，過去的事就由它過去了吧。將目光放在將來吧。有乜野問題就即管搵我傾，我願意聽大家的分享，雖然我幫不了什麼，就讓我為大家背負這個重擔吧

今日同好多朋友傾計，似乎好耐冇試過咁，所以都幾開心。聽番d舊同事講，大家都好忙，忙到傻左。突然想起自己響呢個時間轉左工，似乎都係不錯的選擇。而且工作又唔係好忙好忙果種，都算合理，感到上帝響我身上安排得好好，相信呢d都係祝福黎。

亦要祝福某個人，雖然仲有好耐，都祝福你，希望一切順利。

近排感到有好多壓力，主要都係錢既問題，太多野要想，希望呢d都唔係問題，咁就好啦。有負擔啦.....不過都相信，神會有祝福。正在想今年克己運動會唔會捐一星期薪金出黎....都幾多下，但又相信會有祝福，而家真係好難想，唔知點好。因為經濟壓力大左，同埋人工多左，計落條數都要捐幾多下，但又想拎到呢個祝福，所以好難取捨。不過神應該會有安排。

返左三個月工就升左職....不過...人人有份，永不落空，叫做restructure....人工不變..個名唔同左..就係咁多啦，真係幾無聊下

近日太多問題發生，要對自己的心情進行調整。有好多野，見到，但無能為力，心淡，也還要面對。除神以外，仲有冇拯救呢？我相信都冇。呢個地方係咪得我一個可以做野呢？為何乜都關我事，所以決定左，除左一定要做，否則唔做，因此，有幾樣野要唔做。我都希望做馬大，唔係做馬利亞，唔好逼我做馬大，有d野，冇人就咪唔好做囉，唔好好大喜功，害左大家。