Wild Day Out



最恐怖：
飛輪海fans，菲子稱其為「識飛的fans」，
人多勢眾，幾百人排左另一條隊出黎，
妹妹仔粗口流利。
成場都係飛輪海燈牌，
台灣幫的受歡迎程度完全蓋過香港幫。

最驚喜：
盧巧音唱 live 大進步！
《愛到不能》好聽，可惜全場最識唱的始終係《好心分手》。
佢話 3 月 1 號會開演唱會，有d 想去添。
今年演唱會cast好強，2月仲要睇范曉萱同bjork。


最HYPER：
SHE。觀乎我的團友都中意hebe，於是我地不停叫hebe。
SHE的表現其實只係一般，可能因為全場嘈到拆翻天，
ella 聽唔到音樂，後來乾脆拿掉耳機唱歌。


最完美：
Tanya。最近常聽《當你離開的時候》，
昨晚佢都有唱，跟CD差不多，
首首難唱但又首首唱得好，
全晚表現最佳者之一。


最震撼：
一定係陳綺貞。
我會跟住其他歌手唱歌，
但陳綺貞一唱《九份的咖啡店》，我呆哂，
好似時間定格，
只係想觀眾唔好講野或喊叫，
感覺其他聲只會褻瀆佢把聲，
佢既聲線、咬字好似天使，
無尾音無震音，
但係穿透力好強......
尤其係佢都係一把吉他自彈自唱，
同齋唱唔係太大分別，
突顯佢聲線特質。


唱第三首歌時，佢唱左一段後停左，
隔左幾秒，好柔弱咁話：
「大家願意給我多一次機會嗎？」
唔完美但係好可愛，哈哈。

係台北兩次錯過佢既演唱會，
絕對係遺憾。

佢話對住維港海景唱歌好正，真係：



最殘酷：
壓軸係黃貫中。前一個係飛輪海，
飛輪海唱完後，一大班妹妹仔跑9秒9去追車，
加上黃貫中吸引力唔夠，全場一半人走左。
中間VIP位大部份係飛輪海fans，
可以想像一分鐘內變左空地。
我地則係飛輪海唱前走出場外。 

呢個係近日最正既笑話，一諗起就笑。

話說早兩日開編委會，編輯班同學要交幾條稿題，俾大家審議。有同學的稿題係「援交少女」，打算派個男記者去放蛇，花百二蚊去買「拖手」服務。

有援交少女賣自己既內褲，貴幾十蚊可以俾客人親眼睇住除內褲，再加幾十蚊客人仲可以親手除。正當大家興致勃勃咁討論，編輯班老師 Selina 突然好理直氣壯咁話：「咁梗係要親眼睇住除啦！點知係咪阿媽架？」