真係咁多野驚？

有一個麵包師傅搵左一個好徒弟，徒弟話頭醒尾，整餅天份一流，揀料、搓粉、塑型、創意… 樣樣一流，師傅舖頭日日大排長龍。係呢個時候，師傅驚個徒弟另起爐灶。

明仔弱不禁風，媽媽一向鼓勵明仔多做運動，明仔突然對踏單車好有興趣，媽媽當然讚成，明仔越玩越投入。係呢個時候，媽媽驚佢加入 x-game 行列，整到損手爛腳。

經濟不景，老公想老婆搵返份工做，幫補家計，層負資產樓仲有三十年供，結果老婆搵左份高薪厚職、返八點放十點的工。係呢個時候，老公驚老婆做到連家庭都無埋。

無咩既，時間可以證明一切，到時佢咪知道徒弟唔會走佬、個仔無穿無爛、一家四口溫馨如昔，自然無野好驚啦。

不過，「到時」即係幾時呢？咪就係... 個徒弟轉行個時、個仔大個唔踏單車個時、個老婆做返家庭主婦個時囉…

其實咁驚，果問題係邊度呢？
a. 師傅、媽媽、老公
b. 徒弟、明仔、老婆

答案係咩都唔緊要，我淨係知道，其實徒弟唔想師傅咁驚、明仔又唔想媽媽咁驚、老婆都唔想老公咁驚。

大家已經驚左四年勒。所以，我都唔想大家咁驚。

「到時」即係幾時呢？

                     

漫長的假期終於都完了，貨架上的罐頭們開始工作了。

但是粟米湯的感覺不太好，過了這麼久也是這樣，沒有變的罐頭群，罐身還是這樣的堅硬，隔離罐外的世界，看著光禿禿的罐身，怎也猜不著罐內的是忌廉雞湯？羅宋湯？還是周打蜆湯？或者它只不過是浸著咸水的罐頭腸8條。

粟米湯也沒有透視眼，所以不理罷了，反正知道它們不是方型的午餐豬肉便算了。但圓圓的罐頭無論怎樣拼砌，中間也是留著空隙，與其他罐頭的關聯，只有圓周上的一點，是怎樣的感覺呢？