| 究竟我知唔知自己想點呢？我知唔知自己最想得到既係咩呢？
現實生活中係唔係一定要做出決擇？係唔係一定要得必有失呢？難到唔可以四者並存？
認為可以做到四者並存的我是否太天真呢？ |
| |
| 番學(full time) + 番工(full time) = 有點累 (暫時) |
| |
| 昨日20:30到尖東唱k，是這暑期最後一次小學同學聚會。老實說，我基本上無一首歌係我識唱。不過都唔緊要，因為仍然可以見番d「老朋友」。對上一次，應該係剛由year1去year2時既summer，個時係食飯。今次又再見到佢地，畀我感覺，佢地由小學到而家都無咩點變︰陳承東仍然係十分頑皮，專玩d女孩子。由於我無咩歌識唱，所以我周圍觀察，基本上大家既性格都無點變，我可以看得出來。唯一可能有變既可能係我。因為係佢地心目中我係一個好energetic既人，但係見到我咁靜，完全同小學時判若兩人。
不過唔緊要，雖然我無點唱歌(主因係唔識唱)，但係見到佢地玩得都開心，咁我都開心。走時都有d唔捨得，可能由細到大，唯一無變就係怕要係gathering中，離開、散去時既感覺。記得以前(小學時)有一次去陳承東屋企玩，玩得好開心時，媽要我回家，我那時哭了。而家大個，當然沒哭，但係到gathering完咗或者要走時，都會有唔開心或者down既感覺。以為人大咗，一定可以變得更成熟，但睇黎唔係可以apply係我身上。
佢地而家應該仲唱緊，希望佢地玩得開心d啦！ |
| |
| 今日朝早去見工，不斷出錯。
第一個錯，去錯時間。我聽電話話既interview時間係十點，但原來我真正既interview時間係十二點十分。
第二個錯，當講用過MCU時，唔應該用8051做例子，因為而經太耐，究竟佢有咩functional block都已經唔係好記得。應該一開始就講我比較熟識既ARM7，咁我可能都可以impress到個interviewer。
第三個錯，當佢問我一個電腦狀況時，我應該唔好諗太耐，就算可能唔正確，都唔好呆咗。
第四個錯，當佢問一d我唔係好識既野時，應該亂講野，但係我就因為太小心，結果都冇答到。 個人覺得大概係咁多錯，所以應該都與這份工無緣。唉，又要等下一份工… |
| |
| 原本今天應該還在營地，不過由於鸚鵡的關係，昨晚已經出營。結果，還有一晚半日的camp就完結了，不過我就已經打敗仗了--流鼻水、喉嚨發炎。所以就是去完camp之後，更加病了。 由於病情轉為不利，所以其實就算天氣無轉壞，我可能都要出營。真可惜，原本第三天會有更好玩既活動，有更多要求teamwork既活動，不過都已經無機會玩了。 昨天，在營地吃完午餐後，正在等下一個活動舉行時，有一個電話打來，竟然係想約我interview的！真係無想過。 在營中，有一個剛升中一的「小朋友」。他十分活躍。那有甚麼問題呢？問題就係佢係我個組員。我唔知點解令佢覺得我好好玩，令佢常常跟著我，佢又常常係食飯既時候搞搞震，有時都幾offensive，不過完全去唔到令我發惡駡他既情況。在我組當中，我並不是唯一個組長，另外的組長都勸我可以適當地駡一駡，可惜我做唔到，因為我已經習慣咗唔駡人。(雖然在家中，我有時都會發脾氣) 今日就寫咁多先，下次再寫多D。係時候學一學用文字來發洩。(雖然平時都唔點需要發洩，也沒有野令我需要發洩) |
| |
