最近俾我插係喇叭既已經好少再係一代既 Nano 嚕，宜家變左做 iPod touch，話我貪新忘舊又得，話我專一都得。呢部 Nano 一用就用左好耐，比我部電話同 PSP 仲耐，好多人部野用得年幾就壞呀、換呀，我都算長情啦。睇黎下次再影個主角就可能係部 touch 嚕。

兩種 screenshot 都係出至我部新 iMac 既，到現時為止，我超中意呢部野 ，快都拍馬都追唔上（其實呢句野係咪咁用 =.=），上網都唔錯，總知 Mac 機有幾好，就要用過至知，真係無後悔買左呢部野呀！至於部 iPod Touch，我媽咪好中意，琴晚玩得幾開心呀，我係到諗緊，如果入多幾套野落去等佢出 trip 俾佢玩下都好喎。講番部 iMac，唯一一樣缺點就係係打字上面，因為字既排法唔同晒，不過我都已經慣嚕，係唔知到時用 Windows 會點姐 。

人生就係咁嫁啦，如果唔試下既話，無人知佢裡面會係點，所以做咩事都放膽去，雖然可能會跌倒，不過學到既野一定會更多。而今日派晒 d 考試卷啦，感覺就無乜啦，只係放卷，計下 d 分就算，成績無特別差，都係預計之內，只係 IH 差得有少少恐怖，不過我好少會俾分數影響心情，因為已定定局啦嘛。所以認為考得唔好既，咪下次考好 d 囉，加油呀！

上次果篇，主角係邊個唔重要，最重要佢真係存在。今日終於都唔洗再落雨啦，太陽好晒，見今日咁好天，我做左一條幾無聊既事。頭先番屋企果陣專登早一個站落，咁我就可以享受一下陽光，順便影左 d 相，原來綠係咁舒服。