Weblog

Tuesday, April 29, 2008

  • 知唔知咩叫"面就人俾, 架就自己丟"呀??  0拿, 而家就有個人辨俾你睇呀 - 曾憲梓

    「火炬100斤都唔怕」
    「運動員D領呔係我做既，點解我無資格跑？」
    「不能跑就坐輪椅, 誰敢搶我的火炬??」

    因此我絕對相信:

    tsang

     

Monday, April 28, 2008

  • 冇本事養就唔好生

    呢句係家母既名句, 由細到大阿媽都叮囑我地:"冇本事養就唔好生, 費事累人累物." 因此我一直以黎都認為你有能力養小朋友當然冇問題, 但係如果你冇錢既就唔該唔好生咁多好冇??
     
    就以近日一單所謂"新移民哀歌"為例:
    話說個新移民家庭兩公婆一朝早因為金錢問題所以爭執致觸動警察因此就俾傳媒大事報導話佢地戶口得番9個幾一家六口訓木板當床又有四件化骨龍要養有幾很慘又乜又物最好有人幫下手咁.
    嘩!!! 好心個兩公婆啦, 成30歲人, 17歲咇第一件時應該知道養細路唔簡單, 但佢地就有你冇你, 冇娛樂既情況下繼續浪費精液浪費時間, 咇多三件出黎. 個30歲男廢物好賭又唔做野, 用晒d綜緩金, 仲好意思拎住本得番9個幾既存摺俾d記者影大頭相;女既雖然冇腦生足四件, 但都叫有打份雜工, 而且一直迴避鏡頭, 都叫有少少羞恥心.
    最可憐係13歲長子, 比個垃圾老豆更懂事. 叫個老豆做人要有骨氣d, 唔好有手有腳去拎綜緩. 而且係大批記者殺入間屋時匿埋係暗處, 睇到張相時真係令人心酸. 奈何老豆老母唔生性, 無計.
     
    而家香港結構性轉營, 知識性經濟為主, 反而60-70年代既手作工業早已式微. 可惜大部份新移民既知識水平並唔高, 只能從事低下既工種. 不過呢類工作永遠供過於求, 因此薪金大都非常低微. M型社會唔只係日本出現, 其實香港一早已經產生左.
    再者現今教育唔再係以前我地個代只要讀好書就有好前途. 家下要入好學校, 需要一大批課外活動既証書, 人脈, 甚至金錢等. 而家又話要通識教育, 鼓勵D小朋友多D出國體驗生活, 觀察下各地既風土人情. 而且要周身刀張張利, 電腦一定唔少得. 老老實實, 中產家庭一定能夠負擔得起. 但個D連開飯都有問題既家庭就真係無法負擔呢一筆款項.
     
    唔知點解, 愈窮愈生得多,更多家庭問題會產生, 奇哉?? 最睇唔順眼係d 731部隊 - 即係老豆70歲, 老媽30歲, 個仔得1歲個種家庭結構. 如果你好似何生咁有米既話, 你生10個都冇人理你. 弊在係男既70歲退休冇野做又冇儲蓄, 人又老錢又冇; 老媽大部分係冇教育程度既新移民, 只能從事薪資低微既體力勞動工作. 係咁既情況下, 又有d不自量力既人再生多左幾件, 加重家庭負擔.
     
    一定有人話窮唔生得仔咩?? 大佬你唔累人累物就冇咩問題, 之但係出到黎既後果大多數係連累到下一代.
    都係個句 - 冇本事養就唔好生.

Friday, April 11, 2008

  • Kuch Kuch Hota Hai (2)

    鬼靈精小Anjali 得悉婚禮延遲後, 略施小計打聽到Anjali 每年都會到Shimla 的Summer Camp當一個月導師. 可是Rahul卻不容許, 即使兩麻孫苦苦相勸都不得要領.

     kk14

    Rahul 出差時竟和Aman 同場, 恰巧是兩個Anjali 此時致電給兩人.

    kk8

    因為接待員的錯誤, 陰差陽錯間 Rahul 和 Anjali 竟能通話. 可惜卻因線路接收的問題致大家都認不出對方的聲音.

    小Anjali 和祖母趁Rahul 出差時, 跑去Shimla 參加Summer Camp. 兩個Anjali 終於相遇, 可是小Anjali 卻沒有透露她是Rahul 和 Tina 的女兒. 因此Anjali 只知道小Anjali 早年喪母, 其他則一概不知.

    kk9

    誰不知Anjali 晚上觀看電視節目時, 竟看見Rahul 在街頭直播節目中呼籲女兒小Anjali 回家的片段.
     
     
    Anjali終於知道小Anjali 早逝的母親是其好友Tina, 頃刻傷感落淚.
     
     
    小Anjali 詐病致電Rahul, 令他趕忙到Shimla. 到達時Rahul看見Anjali時喜出望外. 可是久別重逢的兩人明顯表現得非常生疏.
     
     
    兩麻孫有見及此, 急忙想出對策拉近兩人的距離.
     
     
    小Anjali 再次略施小計令兩人比試籃球, 兩人彷彿重回大學時般互相鬥咀.
     
     
    Anjali 輸掉比賽後悶悶不樂, Rahul 此時哼起當年兩人曾合唱的歌, Anjali 立刻喜笑顏開.
     
    kk10
     
    在Shimla這段期間, 兩人感情增進不少.
     
    kk11
     
    兩人猶如看見當年的對方, 比喻大家終能重拾當年的感覺.
     
     
     
    當看見彷如一家三口的合照時, 祖母感觸不已.
     
    kk12
     
    活動期間突然大雨淋漓, 兩人慌忙跑到涼亭避雨. 亦因此這場雨, 令兩人的情慾頃刻爆發.
     
     
     
    當兩人沉醉於愛慾時, Anjali 乍見手上的訂婚戒指. 想起自己早已和別人訂下終身時, 痛苦地推開Rahul 跑出亭外.
    黑暗中有人輕撫著Anjali, 她以為對方是Rahul , 所以吐出多年藏在心底的愛意. 可是回頭一看卻發現原來是遠道而來的Aman.
     
     
     
    Aman的到來即代表著快樂的日子已結束. Rahul 強裝輕鬆向Anjali 道賀, Anjali怒不可遏.
     
     
    Anjali 決定立刻回去和Aman成婚, Rahul 把愛意暗藏心底, 依依不捨送別Anjali. 見到此景的小Anjali亦因事敗而傷心痛哭.
     
     
    kk13
     
    Rahul 看著亡妻遺照茫然若失時, 彷見Tina向他指出心底所愛. Rahul 終於明白他最愛是Anjali.
     
     
    Rahul 特地在Anjali出嫁前去見她, 告知他對她的愛.
     
     
    眾人喜氣洋洋之際, 唯獨Anjali一直傷心飲泣.
     
    kk15
     
    雙方內心既痛苦又無力挽.
     
     
    這一切Aman都看在眼裡. 其實他早就知道Anjali根本不愛他, 只有Anjali看著Rahul時, 她的眼神才帶著愛.
     
     
    Aman很愛Anjali, 亦因為就是太愛她, 所以適時就要放手, 讓她得到幸福.
     
     
    最終兩人都可以走在一起. 在歡天喜地的氣氛下, 小Anjali 彷彿看見母親Tina 在人群中, 帶著笑意稱讚她終能完成其心願.
     
    (完)

Thursday, April 10, 2008

  • Kuch Kuch Hota Hai (1)

    200px-Kuch_Kuch_Hota_Hai_DVD_Cover上週六立下決心一人跑去重慶淘寶, 本想購買"Om Shanti Om"OST, 但第一間影碟店卻表示早已售罄. 退而求其次就要"Om Shanti Om"和"Don" 的 dvd吧!!! 此時店員A 表示可介紹數套SRK的電影作品, 而且6隻DVD只需$100, 十分戈算. 心想這樣都不錯. 況且Agnes曾經介紹過兩套他的電影, 趁機購入看看也無妨.
    可笑是本人又因"年紀大, 機器壞", 記憶系統再次發生錯誤, 竟然馮京當馬涼. "Dil Se"搞錯為"Dilwale Dulhania Le Jayenge"、"Kal Ho Naa Ho"搞錯為"Kuch Kuch Hota Hai" (我淨係記得片名有好多個K). 當然回家上網後就知道出了岔子. 不過錯有錯著, 周一晚本以試看的心態看"Kuch Kuch Hota Hai" , 意外地竟被其所吸引, 欲罷不能. 最後看畢全片時已經是2:30AM.

    "Kuch Kuch Hota Hai" 為1998年作品, 英譯"Something Happens". 由SRK, Kajol 及 Rani Mukerji主演. 翻查資料原來SRK和Kajol之前已三度合作, 而 Rani Mukerji 則憑此片走紅. 當年票房口碑甚佳, 更在 Filmfare Awards 勇奪八個大獎, 包括囊括最佳電影、導演、編劇、男女主角、男女配角.     電影人物 Rahul & Anjali 更成為經典角色.

    ---------------------------------------------------------------------------

     

     

     

     

     

    故事開首是Tina (Rani Mukerji飾) 的葬禮, Rahul傷心欲絕看著愛妻火化.

    kk2
    原來Tina冒著生命危害誕下女兒, 並取名Anjali . 心知不久於人世的Tina, 共寫了8封信予女兒, 囑託家姑(Farida Jalal飾)每年女兒生日就交一封信給她.

     

     

     

     

     

    轉眼間Anjali已長大. 可愛活潑的她和父親祖母生活愉快. 雖然如此, 但Rahul一直抗拒續弦, 令祖母總是覺得這個家有所缺憾.

    kk3

    8歲生日那天, Anjali細閱亡母留給她的信. 娓娓道出她的名字Anjali的來由... ...

    KK4

    大學時代的Rahul和男仔頭的Anjali (Kajol飾)是一對感情要好的歡喜冤家.

     

     

     

     

     

    有一天校長在倫敦牛津大學修讀的女兒Tina轉校回來, 自始一切開始改變.
    Rahul 被Tina的美貌所吸引, Anjali 開始感到不是味兒.

     

     

     

     

     

    直至Rahul 在課堂上道出"love is friendship"時, Anjali 才醒悟到原來已不自不覺間愛上他.

     

     

     

     

     

    不過Rahul 毫不知情,依舊把Anjali 當作同性知己. 但亦無損兩人之間深厚的感情.

    kk5

     

     

     

     

    Anjali 努力學習Tina的外型, 可惜卻遭到眾人嘲笑.
    三人行的日子持續了一段時間. 期間 Rahul 和Tina感情飛進; 而同時Anjali 對Rahul 的愛日益加深.

    kk6

     

     

     

     

    Anjali 下定決心向Rahul 表白, 可惜Rahul 卻捷足先登, 向Anjali 表示會向Tina 表白. Anjali 雖仍向Rahul 強顏歡笑, 但其實她心碎了.

    kk7

     

     

     

     

    其後Anjali 接到母親的來信, 為了離開傷心地, 她決定抽身離去. 離開那一刻, Rahul 對她依依不捨,哀求她不要走.
    Tina 把一切都看在眼裡, 心知若沒有她, Rahul 和Anjali 很大機會會走在一起.

     

     

     

     

     

    多年來Anjali 音訊全無, Tina 雖最後都和 Rahul 結為夫婦. 但論感情之深卻永不及Anjali. 她亦知道Rahul 心底裡一直惦念著她. Tina 希望小Anjali 能夠找回Anjali, 因為她知道Anjali 比她更愛Rahul

     

     

     

     

     

    小Anjali 和祖母外公輾轉之下才找到Anjali 的消息,卻得悉此時Anjali 和未婚夫Aman正進行訂婚儀式, 一個星期後就會進行婚禮.
    儀式後的Anjali , 卻一面哀傷坐在房間. Anjali 的母親看得出她另有所愛. 只是Anjali為負責任才答應和Aman訂婚.

     

     

     

     

     

    小Anjali 不欲亡母的心願幻滅, 誠心祈求神明能把婚禮推遲. 奇蹟地占星師謂二人最好在12月後才可舉行婚禮.

    (待續)

Wednesday, April 09, 2008

  • 贈送的海報

    記得每年HKIFF都會公開發售參展電影海報, 奇怪是今年到影展尾聲, 此項活動依然杳無音訊. 隨著影訊五的出版, 一切謎團隨即解開. 
     
    原來今年已取消此活動 , 取而代之是發售歷屆電影節特刊, (即係清貨大行動)而且購滿一百元, 還會獲贈由The Swedish Insitute (瑞典對外文化交流委員會)出版的“瑞典電影大師－英瑪褒曼”專題特刊(中簡/英文版任擇其一)乙本或本屆電影節參展電影海報乙張. 明顯是今年海報"唔夠貨"之舉.

    現場聽到一段對話:
    男︰「係咩海報黎架??」
    Staff︰「今年參展電影海報.」
    男︰「咁係咩片既海報係入面??」
    Staff︰「我都唔知架, 你抽下啦.」
    男︰「0下? 咁唔鐘意有冇得換架??」
    Staff︰「冇得換架, 你抽到邊張就邊張. 我地淨番呢度咁多乍.」

    在場所見, 一堆已卷好的海報的確是為數不多, 全部都放在紙箱內. 至於內容是什麼大家都不知道. 而獲贈的電影海報是不能選擇, 所以唯有看看閣下的手運如何.

    恰巧我正想購買楊德昌及曾志偉的特刊 (其他特刊我早就擁有), 總共110大元. 心忖既然又有特刊又有海報送, 順便在那裡購買也好. 英瑪褒曼專題特刊我就要中簡版, 當我要選海報時, 紙箱內的海報只剩下十筒左右, Staff 小姐告訴我 "是但抽卷啦, 睇下你好唔好彩.".
    頃刻我幾驚, 想要但又怕抽張垃圾. 但想深一層如果不喜歡到時就拿去廢紙回收罷, 因此隨便取去一卷便逃去了.
     
    本來想回家才拆看. 但內心卻七上八落, 是那套電影的海報呢?? 又會什麼樣子呢?? 會不會很醜呢?? 敵不過好奇心底下,  最終在文化中心門外拆開看個究竟.
     
    雖然此片我沒選看, 但海報色彩鮮艷, 掛在房間都不錯, 兼可以順便換去那張掛了7年的酒井法子海報.
    DSC00288

Top Tags - Weblog

[no tags]