如我所料檢查是須要,

睡在一個有如太空艙的物體內.

信件所寫是須要大約兩個小時,

但做了大半小時便已完成了.

雖然做的時候已帶着耳筒,

可是聲音還是很大很響,

身體還帶着被針刺的感覺.

離開時沒有甚麼異樣,

但坐在車上,便開始感覺不大對勁.

左手不只麻痺還帶着很大的刺痛,

下車後感覺兩腳酸軟無力.

回家後人變得[瘟瘟戥戥],

睡在沙發不願動,很早便上床睡了.

整夜與夢魔在糾纏,

夢見舊日多次夢見的大屋.

夢見一群小孩快樂地在大屋內追逐.

夢見時晴時雨,雷聲隆隆.

夢見站在石橋上,突然山搖地動.

夢見人群在你推我撞趕着逃命.

夢見自己站在斷橋上,卻絲毫無損.

夢見老闆到處尋找我,

夢見自己大力揮手叫喊,他卻聽不到看不見.

一覺醒來感覺頭重腳輕,

四肢無力,全身腫脹,

如廁時還有血水滲出.

怪不得須要家人陪同,

還要列明是否做過手術.

現在舊傷口還隱隱作痛,

希望這情況不會太長久,

明天再重現一番新景象.

Andrew少爺喺msn同我講:"想同我傾心事".

我問佢:"有乜心事要講畀我知".

佢問我:"喺邊年開始同老闆拍拖".

我叫佢自己估下,

我畀佢既貼士係[少年十五二十時].

估中我拍拖既歲數,就可以計出年分.

佢一年一年咁數,咁當然一定會估中啦!

佢再問我:"邊年結婚".我話:"唔話畀你知".

佢話:"好衰架你,唔話畀我知".

自己又再一年一年咁數.咁當然又再估中嘞!

跟住佢就話:"吓!拍拖一年就結婚?

咁咪即係[愛情短跑]".

哈.....................哈......................

正當我在哈哈大笑之際,老闆電話到.

我將對話講畀老闆聽,老闆聽完都笑埋一分.

哈..................哈...................

呢個小傻瓜,真係好搞笑.

********************************************

********************************************

今日係阿爸既死忌,

所以我返咗屋企拜佢.

今日亦都係五姑娘生日,

我哋幾姊妹同埋阿媽一齊去咗飲茶.

[利是He]講嘢叻咗好多,

不過有時都會[語不驚人誓不休].

佢突然間話要[忍屎],

哈...................

哈....................

其實係想講[飲水].真係畀佢笑鬼死.

五姑娘買咗扎花畀阿爸,

叫阿媽幫佢拎返屋企插.

[利是He]喊住話:"媽咪買".係都要搶返走.

sa姐話:"第日買返畀佢,佢先肯收聲唔喊".

今日同佢哋一齊,真係好開心,

乜嘢都可以唔記得晒.