| 2007.1.9.22
十三/十/二零零六 五 陰
上午冇乜野做, 係都要到人地放工趕時間d野先湧出黎, 結果草草做完工作, 不得不拔足狂奔去theatre 睇 <Evita>
半小時內由Oxford Circus狂奔到Charing Cross 的theatre, 總算剛好趕到, 可以不慌不忙咁進場
之前睇過電影版, 勁鍾意<Don't Cry for me Argentina>
故事講Evita 由小鎮毅然出城, 攀附成為總統夫人, 吒o宅風雲之際卻避不過死神召喚 劇本既唔將佢刻畫成聖人, 亦唔抹殺佢令阿根廷成為當時世界繼歐洲列強第六富國的功勞, 走寫實路線的musical, 但表達手法有時又顯抽象簡約, 以取代冇必要交代的細節, 脈絡有時顯得鬆散, 不過各場戲的表達手法又的確值得欣賞 十五/十/二零零六 日 晴/陰
早上到National Portrait Gallery 一逛, 栩栩如生, 珠光寶氣, 珍珠粒粒都會碌出黎一樣
之後沿Jubilee Bridges, South Bank 散步到阿May 係Bourough 既屋企
乜都熟曬Sam 哥仲係屋企沖緊涼, 激親阿May 羅...
今次煮左個好好食既西餐, 食到飽到爆肚... 十七/十/二零零六 二 陰
傍晚要寄A1圖俾consultant, 但係d圖6點幾先plot 好送到黎公司, 落到樓下間post office 派報紙個女仔話office 收6點, 但係聽講 Leicester Square 有間收七點, 結果返到公司上網check 到七點收個間其實係Mayfair, 結果立即奔跑到Green Park, 總算趕到. 晚上有IQ題大串燒, 玩問是非題估故事的環節, 佢兩個竟然估聾, 青光眼, 白內瘴, 夜盲症, 深近視, 視網膜脫落都估唔到 盲 ... 真係R爆頭... 十八/十/二零零六 三 雨
俾consultant 追圖好熬底, 呢排有d似assits 老細run job 咁, send drawings send 下email, 又有得做下design, 都算係咁, 個architect 走左都算係俾左我一個機會
但係趕完一輪之後就即刻冇野做, 上網check 下去Belgium 既火車飛, 睇forum 咁, 夠鐘無耐就即刻走人, 仲有時間行下街, 仲見到英格蘭波衫十三鎊, Lonsdale布鞋五鎊, Umbro tee三鎊有交易 今日大家都好早返到屋企, 晚上plan 下單車之旅後, 再續估故仔遊戲. 十九/十/二零零六 四 陰
今日俾老細睇完我elevation d sketch, 根住話" This is actually what we have now, you haven't put any of your idea into it, isn't?" 我咦咦哦哦, 心想話唔係都冇用, 尋日佢叫我放低係度, 我都冇機會講下係咩黎既, 但係我都明白睇圖睇唔明, 代表我d圖根本表達唔到我想要既野, 唉... 學左咁耐都未識得用圖黎表達自己想要既野...
結果今日餘下既時間都係..繼續"撩"tracing...
廿一/十/二零零六 日 雨
周嘉欣既message: 明天二時左右恭候，並附美點..haha...如果想早d就打俾我啦....裝束請盡量輕便.......
屋主真係好招呼啦...
廿二/十/二零零六 日 雨
點幾先起身, 一個熱辣辣既菠蘿包加一杯朱古力可可米加奶, 到英國以來最滿足的一頓早餐, 雖然都點幾, 都唔可以叫早餐, 我同埋根本就勁少食早餐... 今日係周嘉欣僑遷大日子, 跟住同 Sam 到Waterloo 搭火車去Kingston 幫佢搬屋, 又再到Kingston 既河畔拍一下秋景.
周小姐今日正式搬入我地既屋企, 我地三個亦都下廚煮左一餐便飯歡迎佢 廿三-廿六/十/二零零六 一-四 陰/雨
呢幾日全office 都充滿frustration, d野趕, 個個自然心急, 老細又harsh 個Mexican, 佢自然燥, 跟住又話要我幫手, 個Mexican 掉低份mark up, 是但up兩句就去左去, 喂大佬你趕還趕, 都要話俾我聽改d乜先幫到你架... 叫番佢轉頭佢竟然問我訓醒未
我挑 廿七/十/二零零六 五 陰
經過成個星期既沉重氣氛, 星期五終於人齊落pub, 舊Italian 同事仲返埋黎, 大家把酒暢談, 總算為office 既緊張氣氛緩和不少
總算鬆一口氣 五/十一/二零零六 日 陰
今日係英格蘭傳統節日Guy Fawkes Night, 為"紀念"四百年前有人想以火藥炸爆國會大樓既計劃失敗, 反而放煙花慶祝, 向其贈慶, 認真吹脹
早上拜訪Knightsbridge 名店街, Harrods 百貨公司, d野好靚, 男裝女裝玩具精品食材餐店牌子款式應有盡有, 佈置亦極有氣氛, 人山人海熱鬧非常, 今人消費意慾大增
五時左右, 到一間叫LEON既餐店用膳, 標榜既係快餐, 但係其實健康得很, 食既都係焗雞塊, 沙律, 糙米, 芝麻同瓜子, 炒過的芝麻同瓜子不失香口, 既健康且味道不錯. 餐廳裝潢平民親切又有品味
一頓飯加一杯Latte, 坐到,六時半就得出發到Wilesden Junction睇煙花 六/十一/二零零六 一 陰
睇左意大利片 <Life is Beautiful> 九/十一/二零零六 四 陰
病. 十/十一/二零零六 五 陰
結果請左病假, 鼻已經唔可以用黎抖氣, 已經唔知個鼻用黎做乜
其實唔係病到返唔到公司, 只不過尋日已經好辛苦, cad 兩下又打乞嗤, cad 兩下又流鼻涕, 成個人好似散左咁... 請假就可以快d好返, 唔係病左個weekend 去就唔扺啦, 嘩哈哈
正所謂小病是福, 偷得浮生半日閒, 簡直係鬱悶全消 訓多三個鐘之後竟然喉嚨開始有d唔妥, 訓得太多夜晚又訓唔著, 只可惜唔知點解粒傷風感冒配方既Panadol 一定要跟埋無睡意個function... 十一/十一/二零零六 六 陰
就算病我都係唔會甘心成個weekend 暱埋係屋企架, 所以今日決意去Harrods 大出血, 購買送贈各位家人親屬的英國貨
嘩真係咁大個仔都未試過咁大手筆買名牌架... 返到屋企眾人對貨物總值無不嘩然... 鐘樓十二鳴伴隨天星熄滅, 誰沒曾在燈映繁華的水波上留下最浪漫的回憶? 不談政治只談風月, 不談風月只談政治, 誰料政治風月並非河水井水
只怪政治, 回憶之地已矣; 身邊人在, 還是不在?
記得立法會辯論公民黨動議<促請政府全面保育政府山>時, 有滿身銅臭的黨人說什麼政府合署歷史不足五十年云云, 都是弱智的, 並非就此論斷須要全面保育政府山, 但如此邏輯, 無非鼓勵李郭胡一眾將任何事物成為古蹟前, 就得斬草除根, 免得日後成為於諸候封地上豎起陽具的門前大石
原來諸位尊貴的, 古蹟政策就是及早避免古蹟產生, 免得爭拗清拆的問題
縱使要拆, 清拆方案既已潑了出去, 難道向各地產王國公開認錯, 不好意思白叫你發錯好夢? 達官貴人只好統統良心沒埋, 盲目砌詞, 正好讓各位可以無奈接受無奈, 馬照跑, 舞照跳
也許呼叫政府無能會減輕一點一直見死不救的內疚感, 天星低訴十二聲的遺言毫不浪漫, 是對劊子手的控訴, 亦是對旁觀的控訴, 各位瞻仰遺容的有誰認真聽得明白? 成立什麼什麼團體不過是糖衣毒藥
借問聲保護維港協會是否已經結業?
龍哥教授把口有否偉論發表?
恭喜梁文化人又多一幅屁. 十二/十一/二零零六 日 晴
為購物回港費煞思量... |
