| 今日係2008年10月14日, 仲有13日, 又大一歲喇, 係呢個時間人總係會不段回憶自己發生過既事... 出左尼做野已經都有5年, 真係不知不覺, 亦都係5年入面轉左5間公司, 原來自己都幾唔定性....呢5年入面, 我學識左一樣野, 就係咩叫珍惜, 有好多野錯過左,又或者講錯一句說話之後, 係點都唔會番到轉頭.... 呢一生入面, 有無數咁多既事令到我會後悔, 亦都試過令到我嘗試輕生....但係, 呢個世界仲有好多野值得你去珍惜, 去闖........... 不過有一樣野係真既就係, 就算有幾多人同你講, "有咩唔開心你就搵我傾啦"千其唔好信到十足呀, 無論你身邊既任何一個人, 包括你另一半, 當你成日要呻既時候, 佢地就會話你一句, 做乜你成日都要講架, 你唔悶我都悶啦....又或者, 都唔係第一次架啦, 使唔使咁上心呀,...身邊既人對你講得越多呢d 說話既時候, 你就會好自然唔會再同你身邊既人講太多呢d野, 就會慢慢咁收埋係心入面 而家一個星期番4日學, 壓力開始好大, 要學識點去令自己release 番d 壓力出尼, 一定要諗辦法去release 番出尼, 如果唔係遲早一日都會爆 希望自己可以生生性性咁做人啦 預祝自己生日快樂~ |
