結婚3週年

話咁快就同mr lai結左婚3年，時間真係過得超快！

諗番結婚初期都不知幾多fighting，好多野都要互相體諒同埋講清楚。

我同mr lai係2個好唔同既人：

佢樣樣野都要有規有矩，我呢就係非常之straight to the point

佢對數好叻，我就淨係識D數字

佢好有方向感，我就淨係識分左右

我地對「乾淨」有唔同definition

以上只係小小供大家參考，費事嚇親

咁當然係3年裏面，我地2個都有付出去改變及包容對方。

而家我地就做到：

佢講第1句，我會搶住講跟住嗰句

佢會對眼望住電視，左手攞紙巾俾我抹眼淚

佢知道我睇電視期間唔好同我講野，因為我會聽唔到

仲有好多好多………

人同人既相處真係好難，如果唔係神既恩典同埋愛，我地都唔會識得愛對方。

人亦都係好善忘，好多時淨係記得對方既「衰」唔記得對方既「好」。

當你同佢關係唔好時，又有無諗番最初你點解會鍾意佢？

有無諗清楚先開始呢？有無行神眼中看為義既事呢？

如果想神賜福保守你既愛情，咁你地又係咪行係神既心意裏呢？

如果你地一齊/個別犯罪得罪神，神又點樣賜福你地呢？

願我地每一個都學習更愛神，更愛我地既（未來）另一半！

忙碌的3、4月

無論係公司、教會、屋企都好忙......有好多野要預備又有好多野未做
不過人好奇怪，越忙就越想親近神因為知道自己既能力真係好唔掂。
神唔會因為咁而將你D忙碌減少，但佢會教識你去用唔同心情（e.g. 忍耐，
愛心，寬容）去面對及完成。野就真係無小到反而仲好似多左........哈哈
我諗神都係覺得我未學得哂D功課！

我係一個對數字有極度憎恨同埋白癡既人。
但係神又安排我要負責全公司最大筆budget，成6mill幾都咪話唔驚  （我指我老細）
因為我既「樂觀」性格，成日都會高估達標既情況....哈哈...所以都可以話無咩壓力。
近排就知道父母係澳洲生活有D困難，當我仲諗緊點幫佢地
（用我有限既數學計下可以俾多幾多$）點知神就係呢個時候俾我有得加人工
同埋終於出左bonus.........哈哈哈....又唔使計咯

神既恩典真係夠我地用，佢俾我地有extra去幫助唔夠的！
更何況佢地係我既父母呢，多謝神！

奉獻給神的2008年

過去兩星期的崇拜講道都給我好大提醒。

祈禱、靈修、將最好既時間俾神……這一切都想做到。 更加想能夠凡事榮耀神！
所以昨日我都有舉手將今年奉獻給神，無論係時間、金錢、思想、工作…所有都為神作。

大家記住要多多提醒我對神的立志，提足成年呀！

好開始

婆婆前幾星期因為天氣太凍所以肺炎入左醫院，年初二就去探佢同拜年。
我同mr lai都帶左本「我的救恩」諗住同佢講一次福音。 婆婆以前都係基督徒，所以今次目標係要佢回轉，再重新做基督徒。

當我地去到醫院，婆婆一個人仲要係間房到。 神真係為我地安排好哂
我地就同婆婆講一次福音，佢願意再跟隨耶穌，仲好鍾意本書！ 感謝神！
點知講講下，家姐同姐夫就到左醫院，咁好機會更係同姐夫講啦！
講完整個福音之後，我地問佢「你願唔願意相信耶穌呀？」
佢話：「我願意」  嘩，神既安排真係奇妙！ 無論我地講得幾差，神都會作工！

我一定要繼續努力為神作工！ Yeah

演唱會

我唔係音樂專家但係對演唱會就好有要求，好怕個D講野仲多過唱歌既concert，
所以都好耐無去過紅館。
昨晚emi打黎話有免費eason飛問我得唔得閒，見個會又cancel左所以就陪佢去。
睇完都幾開心因為佢唱左好多歌，有一part仲好似disney既musical咁，超正！
佢唱what a wonderful world都好感動，令我諗起神創造世界看著是「好的」。
一入到去見到個stage覺得麻麻地，一D都唔靚。 點知一開show....嘩勁靚呀！
睇完eason演唱會令我想買佢隻碟............