| 雲南之旅過jor 好耐la, 我到宜家先有時間可以坐低寫低今次既神奇之旅. 唔好講笑, 其實呢個神奇之旅真係chur 爆, 我覺得我個雲南之旅係響出發前兩星期開始; 為jor 可以放假前做完返工d野, 星期六日都返jor 公司. 出發前一個week 係晚晚勁夜, 已經攰攰地.諗住:唔緊要, 星期五晚開始出發. 好快放假. 不過原來... 之後個雲南之旅訓得仲少... 星 期五晚去深圳過一晚,之後搭早機去昆明, 再飛去普洱. 中間去jor shopping.一路都幾記掛住份thesis, 話哂...31/8要交, 仲要留返3-4日bind, 仲要未答好draft 既comment, 仲要我返到香港距離31/8係得返8日... 星期日去jor 探訪教會, 山路崎嶇, 架車既輪軚仲要響半路陷入泥路. 一眾弟兄, 同一班救急既村民本來諗住一齊搬起架車, 但響d 雷霆救兵(村民)黎到前, 有一架本來趕緊去送貨既車, 幫手將我地架車拉出泥濘, 真係太好la~ 去到間教會, 所有村民已經開始jor 主日崇拜. 響一間破舊單層磚屋度, 我地領jor 次詩, 當地既牧師講jor 次道, 佢地又獻jor 幾首詩, 我地既周牧講道, 又唱詩咁樣... 同香港既教會既程序好唔同, 因為係無程序ge. 唔知點解, 我每次面向d 坐響度既村民, 我都想喊. 然後呢, 又周不時有d 小朋友響個窗度偷偷地望入黎... 我之後同d村民傾過兩句, 發現佢地唔係個個都聽得明d 普通話,即係聽唔明果日個崇拜做緊咩... 但佢地全程都坐定定. 最後仲有個誇張既列隊歡送議式; 村民列隊響教堂門口, 然後我地同兩邊既人握手道別. 果d 我只係見過2個鐘既婆婆佢地喊哂咁送我地走... 真係十分十分之熱情. 夜晚有個好長既崇拜. 其間我發現... 間酒店係無得上網同埋附近係無網吧比我開e-mail... (呀, 我份thesis) 星期一正式上堂教英文, hmm, 我好似無特別緊張, 不過又唔係無擔心過. 不過好彩, 我既partner 係明星敖犬, 呀sor 係啊細... wahahaha. 中間無驚無險, 比d 學生揀自己個英文名, 玩幾個遊戲, 反應唔錯. 我完全善用佢個勁長既lunch time (2hr), 勁做thesis... 呃, sor, 不過響做thesis 之前係要備課先ga. 所以都唔係好做到. 夜晚出去食完飯返酒店再開會再梳洗再備課再做thesis...1-2點訓. 今晚同啊細老師, 想出一套絕妙既動作配合聽日教唱 "this is the day", 住要靈感來自"斧頭舞"同"noboday". 好可惜芝芝老師同silas 老師唔讚同. kai zi 咪咁la, silas, 你明明係"開心的孩子" 既一分子, 有咩所謂je. 星期二, 大課無教到果套絕妙既動作, 真係可惜, 比silas 老師阻止jor. 但係響班度表演jor比班學生睇, 佢地係好雀躍law, 仲話個分班表演呢個無問題. wow~我地決定用話劇對白crossover "斧頭舞"再以"this is the day" 黎終劇. 中午同d 學生食飯, 幾開心, 有機會傾計. 呢日夜晚, 終於比我 r 到上網... 一開e-mail 驚覺, Dr. Zhong 話: please send me your final report, i need to give you a mark. -_- 好彩比我呢日上到網, 但係我都係要備jor 課, 先可以獨自做thesis, 是日3點訓. 果然, 事情既緩急輕重係調轉唔到ge, 備課最大. 星期三, 我地大部份時間用黎排舞. 今晚我再用jor 好多好多時間黎諗點樣教d 學生跳類似"斧頭舞" 既野... 同埋, 其實我好緊張law, 我唔識跳舞ga, 我明明係學功夫ga ma, -_-. 星期四, 表演成功, 仲拿到第二名. 最緊要班學生玩得好high. 講真, 洪傳果班玩 nobody 改歌詞真係一絕. 我地要離別班學生呢一日... 大家都依依不捨, 勁影相. 有d 學生喊jor, 我都忍唔住喊. 啊細都有ga, 等你堂上仲扮cool 一拿. 送jor 首改jor 歌詞既 "我們愛 (讓世界不一樣)"比學生, 我真係好鍾意呢首歌. 呢日學生送jor 零食, 漫畫poster(!) 同相架比我. 多謝佢地. 星期五, 去jor 另一間教會探訪, 都係同之前差唔多既單層磚屋, 一樣破舊, 不過間教會台上有支電結他, amp同mixer, drum set 同咪高鋒. 洪傳同啊細同silas 好高興咁用佢地既電子樂器黎伴奏"我要向高山舉目". 我地領完詩之後, 就到當地村民獻詩. 呃... 既然頭先d樂器係佢地既, 佢地當然有用黎伴奏, 2個電子結他+bass+drum set + 2個vocal... 勁rock. 然後個電結他仲要較拆聲ge. 超勁. 星期六, 下午2點機離開普洱, 中午d 學生黎酒店搵我地. 其實真係好開心, 帶jor 佢地參觀間房. 然後將我可以比佢地既野都比哂佢地, e.g. d 書呀, 文具果d. 好唔捨得. 由離開普洱到返到昆明, 都收到d 學生既sms..... 佢地send sms 黎要0.5人民幣ga. (註: 佢地食餐lunch 都係4-5蚊) 叫我點樣唔回佢地sms 呢... (註: 好似我send 返去要5蚊個sms...) 之後, 星期日昆明, shopping+觀光. 然後返香港, 返到屋企11點半, 放低d 行李, 同手信 (一箱花), 然後我媽同我講我老豆響我響雲南果個week 去jor 做通波仔手術, 不過宜家已經有返工... 呃... 好突然, 咁我鼓起勇氣, 話同呀媽一齊為老豆祈禱. -_- 呢次係第一次ja. 成功~ 之後果個week chur report 同thesis...我好想開qq add d 學生都開唔到. 勁辛苦... 不過都過去jor. 好多謝慧芝, Louis, 芝芝同淑儀響雲南照顧我... 仲有周牧師既細心安排. 多謝啊細呢個好partner, kai 唔係你我地班點會玩得咁 開心~ 多 謝全部團友~ 陳老師, 電蟲彤彤, 大emily, 洪傳, 乖仔benny, 水浸既花花, 魔鬼兄妹edmund 同emily, susanna 同 陪我din 買一箱花既高佬, liza w.+ wendy + enid 三人組, silas (kailas), 唔出聲同鍾意玩弄昆蟲感情既john, 原來係未領過詩但係今次狂領詩既renee, yeah~ 同埋多謝神~
|
