近況

收到Transcript了。原本打算scan了post上來的，最後還是放棄了這個念頭，但無特別原因。

工作方面，另外一個part-time的出現明顯替我分擔了不少雜務。雖然還是有一點雜務要做，不過那些外出交收文件之類的都交給他去做了，只是見他樣子看起來好像很不滿似的，不知道我做那些雜務的時候會不會也有擺同一個樣子出來呢@@...目前把更新公司網頁這項工作拿來做了，但是因為之前寫那個網頁的人一直沒有回應我，而我又要找他取回一些重要的檔案，所以進度基本上可以說是沒有的。今天放工後在又一城碰到Stanley（IE那個）@@ 跟他談了一會...明天會是第一天在家上班，大概不會再被問「Jacky你而家做緊咩呀」了吧？

其他事項，雖然在上這個吃掉很多時間的班，打機還是少不了的~~現在又在玩天堂II（私服）O.O

○

更正返尋日講錯o既兩樣野。第一樣係間公司係一間小型廣告設計公司，尋日漏左「設計」兩隻字。第二樣係我做左四樣野，尋日數漏左一樣，就係sort紙，要o係一大疊廢紙入面搵返d白色、乾淨、A4 size、一面可以用黎print野o既紙出黎。

今日繼續打雜。一返去就上網搵email先，跟住出尖東幫個full-time搵個client俾兩個remote佢。首先係交帶件事俾我o個個part-time同事d指示唔清楚，問佢點claim返車錢就變晒樣咁話自己記住數先，再問多兩句就黑晒面同我講話「呢個世界上面有兩個字叫做『執生』」。好，去到尖東，搵到幢大廈，見到個門口都幾細又幾靚，諗起個full-time話個門口係細細地又靚靚地，一入去見到個看更，諗起個part-time話俾d野俾梁生，交低俾管理員簽收就OK，仲冇死？好啦，咁我就開門入去...

看更：「你上邊度架？」
我：「我黎俾d野俾梁生架。」
看更：「....邊個梁生呀？」
我：「梁生喎，海○大廈丫嘛。」
看更：「呢度成辣都係海○大廈喎，由呢邊麼○道到o個邊漆○道，你去海○大廈幾多號呀？」
我：「下？冇喎，d人淨係叫我去海○大廈同管理員講話搵梁生ja喎...」
看更：「呢度海○大廈7號，你問清楚係咪呢度先啦！呢邊麼○道喎。」
我：「係呀，係麼○道呀，但係冇講幾多號喎...」
看更：「麼○道都一辣全部都係海○大廈啦。」
我：「哦，好啦，咁我問返公司先啦，唔該晒！」跟住就準備轉身走人啦...
看更：「係啦，問清楚去邊度先啦。」
我：「哦，唔該晒！」跟住就開門走人啦..
看更：「叫你黎o個個真係傻仔黎架喎，唔講幾多號。」語氣係有d潤o個隻，仲要o個時我已經係開左半隻門，企左半個人出去。其實一知道我搵錯地方開始已經潤潤地。（上面同下面d○係要保護當事人，即係個看更）

灰灰咁打返公司，點知班話得事o既人全部都開緊會，俾我打斷佢地開會實唔高興啦，最後都係要我親自打俾呀梁生，最後憑梁生口述都帶到我去管理處，點知又冇管理員o係度，一輪兜兜轉轉又上又落最後終於都完成交易。原來根本唔係去海○大廈，係入o個一辣海○大廈中間條巷仔再轉個彎再上樓梯，呢d個part-time都只係略略提過，但係真係「執生」兩隻字點醒左我囉唔該，幾負責任丫睇下。話時話，o個度兩個管理員叔叔（唔包括上面對話o個個）幾好人O.O

之後返到九龍塘竟然撞到阿良爸@.@同佢傾左兩句就返公司。搵多幾陣email就去食飯，去左間OK污糟、但係d野又OK好食o既茶樓飲茶。過晒lunch time先返到去，跟住又繼續搵email，仲要做我最唔中意做o既野－－打電話=..=部份莊員都應該知道我極度唔中意打電話...所以打得好慢=.=...之後又fax野....跟住就放工返歸。

聽日預告：fax野，搵email，send野去金鐘，去某中學數呔，返黎又搵email。唉唉，寫篇咁鬼死長o既Xanga，o徒晒我d打機時間，拎轉面又要訓覺~"~

無題

份工其實係o係一間小型廣告公司做o既，之前自己懶搵工，媽咪就幫我周圍八，於是就o係佢師妹度八到呢份工返黎，唔算係咩陷阱o既。

今日只係做左三樣野。第一樣係打份contact list，就係尋晚話要拎返屋企做o個樣，好在有拎同有做，如果唔係今日三點前可能都做唔完。第二樣就係fax一份新聞稿，就係用我打o個份contact，fax我有份打o個份新聞稿去n間報館／雜誌社。第三樣係倒垃圾。唔知算唔算好消息呢，cable唔使我買喎竟然。

聽日預告，繼續fax野，仲要問返d只有電話而冇email o既client寫返個email，有時間要幫公司send e-newsletter，同埋可能要幫一個full-time同事出去俾d野佢個client。唔係講笑，真係細路仔都識做o既野黎，可能因為我個樣細個=.=？（有個full-time同事問我form幾...）

暑期工

以為找到了一份人工少但能學到野的IT暑期工。

做的原來只是一個低級打雜。

假假地都係一個大學畢業生，俾你地舞黎舞去，第一日返工已經要OT，仲有野拎返屋企做....

人工？唔想提。起初話做IT野，我真係以為係去學野先咁少人工都做。打新聞稿？OK，都叫做用電腦打。幫老細寫Blog？OK，都叫做用電腦寫。Scan雜誌？OK，最後都係send返去部電腦度。落停車場送信、去銀行入支票，都叫做係幫公司做野，好，我做。但係！去圖書館還書？！去搵地方換d唔知咩手錶同擺設o既電？！喂，係咪真係咁忙呀你地，我又唔信你地會有野拎返屋企做喎！下回預告仲有：聽日要負責倒垃圾啦！星期五要去某中學幫手數呔啦！遲d呀，我睇我仲要出去買cable，仲可能唔會俾人o係辦公時間買tim呀，咪俾我睇死呀。

就做你一個禮拜睇下你係咪真係咁xy...再係咁樣xy落去，我真係會唔做，理得你係阿媽個師妹定乜野丫。

一頭一尾

如果不是有個中學師弟subscribe了我，也許我也不會上來打Xanga。上次打Xanga正好是月頭，嗯，這個月發生了很多事，最大的莫過於出路／去向問題。

因為同輩的影響，其實一直都打算找一份工作做的。後來父母都希望我讀Master，結果一輪功夫之後終於報了兩個MSc。其中一個肯定已經收我了，另外一個應該也收，不過那邊好像還沒有收到professor寫的recommendation，所以還在pending。我自己是比較想讀後者，只是後者應該會很困難，前者相對比較容易，但所學的知識又未必會有後者學的那麼有用。話說，這麼容易就收人，MSc果然是買回來的吧？或者應該quote professor說的，MSc在香港太容易得到了，所以其實不值得fresh graduate去讀...

17/6的莊聚。看到很多莊員都有明確目標了，自己還沒有選定路線，其實也有點不知怎的。

27/6-28/6的HOG camp，原本到29號的，有事早走了。麻雀手氣很不錯，winning四打有點混亂但也很好玩，另外周圍借其他人的NDS打Trauma Center和應援團。不是Edmund的話其實也不會再跟HOG有聯繫了，我還在HOG的時候認識的團員，數來數去只有一個還在團中，我在其他師弟們眼中應該是個很陌生的人吧！

今天AL放榜，早上收到Edmund的短訊，恭喜兩位2A/3A師弟啦！就我自己的經驗來說，CE的A還算容易得到，AL的A不認真下點功夫可真的不可能得到。說到這裡，其實我一直以來讀書的方針都是不到最後不讀的，久而久之整個人變得很懶散，很多應該要做的事都提不起勁去做，一天只顧玩樂，這種人最後大概只會失敗收場吧？