| 
今日做左Male Basket 既manager，去左土瓜灣打league ，寫計分紙
基本上同隔離team 派出既人都係唔知頭唔知路
我同佢成日都唔記得左按start and end time
當裁判行過黎話幾多號犯咩規，我同隔離個個人都唔知講緊邊個
事後問番佢地先知原來佢地係係 u wants 度組team 出黎打
噢，佢地叫做九龍灣，我地個team 叫做西環，哈
成日好驚martin sun 會犯規五次，如果係既話就冇人打啦
有十樓tony 啦，martin sun, Man, 同埋肥維青雲
無法子啦，考完試，好多臨時拉夫去幫手既都推唔到
今日捱住眼訓陪清邁黎既泰文oral examiner 遊HKU
聽日仲要帶佢去MK添
考完試用無線劇加漫畫去麻醉自己，正~
|
| |
| 琴晚同蚊滋爭峙了三個鐘
最後放棄了，唔蓋住成身，乾脆要打要殺悉隨尊便
今日，媽教落一招，開風扇，蚊最驚風，真係無事
更多枝無比滴做後援，掂 |
| |
| 其實中國有陣時做既野都唔係錯晒
上個世紀動蕩得不得了，有外國八國聯軍等入黎割地賠款，亦有兩黨對峙，可謂外憂內患
呢家統一左，當然唔想再重覆上個世紀既亂局，故此要強硬咁一黨專政
如果全面實施民主的話，一來民主意識未好似外國咁普及，民生又未好，好容易俾有心人又或外國勢力介入，因盲票而得勢，到時中國既土地資源又會賣晒俾外國商賈，俾外國操控晒航空、電訊、重工業等股份，就好似美國係伊拉克拎既石油，又或好似上個世紀咁好多外國公司係中國操控晒
仲有，如果中國有好多黨去競選，情況就好似台灣咁混亂，社會又會分化，社會資源亦浪廢不少，有陣時覺得唔係外國咁做就要跟住做，又或一定要聽佢做。民主係你地既理念，點解係都要人地跟你?
係西藏問題上，一個分裂出去，第二個又話要獨立，情況就好似缺堤咁一發不可收拾。咁西藏想獨立，當然要借左外國勢力，而外國媒體又係度大造文章。
係奧運方面，難得中國舉辦象徵你地運動精神既奧運，代表我都有嘗試去西化，但係呢家就將政治同運動一談，根本令人無所適從。
跟本一個國家既內政既係自己既事，呢家既風氣好似係非西方既國家做錯事，就要借民主之外出兵人地國家，又係度搞杯葛。情況同上個世紀，咩傳教士洋人俾害、士兵失蹤，要派兵保護搜索有咩分別? 完事後又要明目張膽咁割地賠款。喂，呢D 野做唔做得番轉頭先? 點解你地claim係民主就出師有外，反而我想統一保護主權反而有問題，咩道理呀?
當然亦不得不承認，中國仍存在好多人權問題，但改革既步伐要一步一步咁黎。中國咁大，好難要改就一下子就改到，畢竟，以一個十三億人民黎睇，再細既問題乘十三億就好大，再大既經濟增長，除番十三億就好細。一個十三億人口既龐然巨物行得會比人慢，唔好急唔好催，一亂，就會跌倒
寫得好似有D 愛國憤青⋯ |
| |
| 考完spanish ，樣樣都做得麻麻地，可幸既係知道sem one 既唔計分
因為sem two 做得好D，哈哈，希望最後拉出黎都好好睇睇啦
唉，真係煩，成個暑期被「好多野」中斷，好多portal 正intern 都做唔到
但係個D「好多野」都係good 野，都係件好事黎既
跑步真係好，居然打破自己紀錄，平時四個字來回小置富，今日六個字來回中置富
算唔算打破呢? 哈哈，anyway, 總知feel到自己可以一口氣跑到中置富都算好唔錯啦!~ |
| |
| 可能呢幾日操勞過度，讀下又訓下又緊張，搞到時鐘大亂，今朝七點幾先訓，起身個陣好暈，好在有屏姐救我，may姐仲上埋黎添。係床上透唔到氣都唔係第一次了，同阿遠落西環睇醫生，不過又唔開。成日wing wing 地咁。 |
| |
