|
| 年初一
========
大年初一祝大家新年快樂, 身體健康! (唔太鐘意祝人發財>.<)! 大部分同學仔都係今年就grad, 就祝埋大家都First Hon, 搵到好工做啦!!
今日同屋企人去左海洋公園, 新年第一次去海洋公園, 因為是被迫的>.< 事關家姐同佢個FD要去! 不過今日果度真係迫爆>.<以為幾十萬人北上渡歲, 又有乜乜嘉年華, 以為沒乜人會去海洋公園,怎知計漏左南下的幾十萬自游行 ! 條條人龍唔見尾, 海洋劇場提早個鐘入去都爆! >.< 我覺得好似走難, 但係家姐同佢FD仲有爸媽都好似幾開心! 新年流流就要甘孤獨>.<
"差0.0幾"可算係狗年最覺得不幸的一件事! 其實自己係SemA開學沒耐己經放棄左免費去英國的唸頭, 因為自己不是甘認真讀書, 成績又唔係拉curve. 所以都沒乜信心>.< 但係結果顯示我竟與它是那麼的接近, 郤又不能得到! 打到呢度我唸起左吳若權"摘星"入面0既一句對白"伸手摘星未必如願但也不會弄髒你的手" (睇來我都真係有D傻傻地啦 ) 不過呢種心情都唔係第一次而係有好多次>.<! 次次都係如此的接近又不能得到!! 
放假之前去見左Terence,佢話我份IR做得唔錯, SemA有科3仔又考得幾好, 搞到我有D信心衝擊First添. 不過古語有雲"一命二運三風水四積陰德五讀書" 讀書排最後>.< 不如聽揚天命講戴D虎形飾物, 去多D旅行, 多D約朋友出來玩, 化解下犯太歲仲好啦!!
| | |
| 29 Dec 2006
===========
明天係一年至少一次打邊爐時間!
時間: 8:00p.m
地點: 水Hall
請各位同學準時出席!!
| | |
| 27 Dec 2006
==========
今日中午同肥仔連返左香記俾返張SD卡Mak Sir! 當去到office 果陣Mak Sir竟然在一大堆改緊0既英文composition 上面訓著左!=.=! 做教師有時又真係幾悶, 甘多年來都係對住差唔多一樣0既功課, 久而久之就可能習慣成自然, 提唔起精神>.<!! 可是在當年這些composition對於我們來說可是次次都係嘔心瀝血地"嘔"出來的哦>.< 辛苦你啦Mak Sir, 不過你地要加油啦, 香記0既英文成績就靠晒你地架拉!!! 之後我地就傾左一陣! 臨走果陣唔知怎解傾到成就, Mak Sir 話成就只不過是過眼雲煙. 哈哈! 我即刻唸起左李超人果句, 富貴如浮雲=.=! 我都很同意, 成就"可大可小" 而佢也只不過係一只結果吧, 爭取0既過程可能才是最重要最值得人去回味, 唔知D年紀大0既人甘鍾意想當年係咪因為甘呢? 哈哈
好多前人0既經驗忠告都話比我地聽一件事0既正確方法應該係怎, 甚至怎樣先係正確0既人生! 但係往往當我地聽到時都會以"鬼唔知阿媽係女人"呢個態度去面對! 諷刺0既係一轉眼, 我地就是唔記得左"阿媽原來係女人" 到左呢個時候就會唸返起原來"阿媽係女人"係一句甘有哲理0既話, 是zip左0既生活經驗! 於是人就會變得成熟, 謙虛......人也就成長起來! 認為自己所經歷的并不是前無古人後無來者的, 而只不過是一次又一次地重覆, 不斷甘循環! 到最後就完了人生0既一個life cycle! >.<! 然後人的子孫又會重覆前人所做的一齊, 如果將佢應該用係父子之間, 那爸爸在他兒子身上又看到了他年輕時0既影子! 難道呢個世界所有事物都係"萬般帶不走, 唯有業隨身" 哈哈!!! 想證明係唔係? 唉!!真係煩!!!又要用人生去體會啦...... >.<
===============================================================================
 | | |
| 19 Sep, 2006
===========
今日去左BU大lib溫書,怎知溫溫下書(其實係訓緊覺)突然火警鐘响起, 因為平時都聽得多, 因為沒乜人會理, 後來先知道係演習, 訓醒覺好有心情溫書都俾佢打沉左>.<! 最唔X就是, 圖書館班人利用完我地幫佢地做演習竟然一句感謝0既說話都唔講, 真係沒讀過Managemnet, 完全唔重視我地呢班stakeholders, 小心我地用最硬0既攻擊你地最弱0既地方!!
今日係圖書館果陣收到左畢小姐電話, 有工開  !!不過我以後0既生活就真係要幾充實有幾充實!>.<
自從買左部NDSL之後, 得閒就會攞來玩下, 玩下games玩下moonshell, 玩下D software. 都幾好玩, 不過有時都會玩過龍唔記得溫書or做其它野! 同埋明知玩過都要玩多次, 明知無聊都要玩! >.<NDSL你究竟係一個祝褔定係咀咒??>.<
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
P.S. 早幾日同中五0既同學仔出左來食野, 聚了一聚, 相片遲D補上!^^
| | |
| 今日收到City U招生處0既電話話IS收我讀year1, 其實之前我都唸定啦, 如果佢收我讀year1我就唔要個offer讀返BIT啦, 因為實在係大浪費時間, 要我讀多三年就係為左個UGC 0既degree我覺得好唔值得! 所以我己經reject左佢! 又一次證明沒有最好只有最適合!! | | |
|
