| 在阿尖的催谷下
終於生產了我的facebook
無辦法 其他online album都摺左
雖然仲係唔太識用 不過是但啦
今日終於完成大部份較趕既工作
可以鬆一口氣
聽日有兩位新同事到
我已經得到老闆既口喻
有一個可以做住我 assistant YES!!!
自從我中四開始對交功課後知後覺
然後每日返學都係急起直抄
到返大學直頭對交功課不知不覺
唔係Billy Soso問我交左未 我都唔知有功課要做開始
我發現已經對文件性工作產生厭惡
或者係抗拒個種毫無變化 千篇一律既格式
比d 自由我 我鍾意揸筆寫野 唔代表我鍾意做文件性既野
前者是有生命的
|
| |
| 點解我係公司咁q多野做
真係要講句小拿媽
最q憎拎野返屋企做既我都要拎返屋企做
下個月仲要成個月唔係公司
又要搞 briefing比同事
岩岩仲要發現我又唔記得報稅 仆你個街
|
| |
| 凌晨4:30 很累但睡不著
明天還要7:00起床上班
我不是患了星期一工作恐懼症
只是患了星期日過睡症及星期日多思症
以前中三選科不知是為了什麼 只是知道男仔應該讀理科
然後到中六 放棄讀沙官 只是知道自己不想讀化學
到大學選擇風險管理 只是知道它的排名在中大較高
今天在銀行工作 我原本也不知道是為了什麼
但慢慢的走進這社會大學
我開始領會到為什麼這叫做社會大學
每天的工作就像是以前每天的上堂
為什麼有人一輩子工作 但感覺就像等出糧
同時為什麼有人在工作背後 享受每日無薪加班
問題在於選科 以前選科是為了今天的工作
今天到了社會大學 再沒有正式的選科
但每個人的工作其實就是選了一科
不過社會大學的選科卻是為了將來的人生路
以前總是被自己的框框封鎖
想著讀金融 為什麼不在金融界發展
想通了 發展的領域其實亦是另一個選科
讀金融只是多一個科目選擇 而非必然要選擇金融界發展
正如讀理科 可以選擇讀醫讀金融讀物理
亦可以讀與理科無關的音樂政治心理
讀的一科和發展的一科 同樣地 其實可以不同
過了中秋之後我的人生里程應該會出現新的突破
這一次應該是我第一次真真正正選擇自己人生的路
我想真正的由自己去面對 不再是會給自己藉口逃避
社會大學二年級生 要轉科了
|
| |
| 尋晚有個朋友比左一篇佢寫既文章我睇
係關於佢對現時經濟同股市睇法既文章
然後打算用呢篇文章自薦見工
呢個 idea本身好有創意 原本以為佢係想我睇下內容得唔得
點知睇真d 基本數字錯 中文字又錯別字
原來係要我做 proofreading
尋晚未同你講你錯處 今日我就拎出黎講
「大小」唔係「大少」
「認同」唔係「應同」
「買帳」唔係「買脹」
「爛攤子」唔係「難攤子」
黃金比率係「0.382」唔係「0.312」
恆指最高位係32000 唔係 31000 (你竟然仲夠膽死同我講「roughly」)
仲有好多詞語打錯既地方
「資產」唔係「資業」
「真正」唔係「直正」
「熊市」唔係「熊巾」
「解決」唔係「決解」
天呀！究竟你以前點學中文﹖
我唔明點解你可以打到咁多錯字出黎
仲有好多好多打漏字既地方
可能係我對中文字比較敏感 或者係執著
平時見到報紙打錯字 我都會好反感
而你..... 簡直就係冒犯左文字既神聖
就算你呢篇文章內容有幾好 淨係睇到你d錯字已經令人發火
文字係一種靜態溝通語言 詞不達意即係溝通唔到
咁我寧願你唔好寫 係寫就認真寫
所以唔該你check清楚先好出街
否則就好似著suit 配拖鞋出去見工 九唔搭八
印象分唔該！
對不起 狠批完一輪 希望你唔介意 不過要放在心
唔好再做差不多先生
|
| |
| 害人的花果 吃了有毒
所以把以前的一切全部丟掉
失去了留低的原因 就不要留低
正如 吹熄了蠟燭 願望就是離開 |
| |
