係, 好耐無寫喇又,...............................

工作, 雖然無咁忙, 但係好似壓力大o左, 可能係有一兩個job衰左, 無咩信心。 係呢, 一直都唔夠信心, 可能係因為自己唔係太掂, 係時候又增值下喇... 但係, 點解有d人唔係好掂又好似好有信心咁, 又可以令人地以為佢掂呢? 呢個境界真係就好好學習, 係咪面皮厚d就得... 唔... 我都係想走正路。

開始覺得俾屋企o既野太少了... 腦海有好多想法, 但係好多都未有能力做到... 而家早左放工多左時間, 可能係多d陪佢地啦...

公司又請人了, 真是很擔心應付不了。

很想去旅行, 呢排心情低落, 好想開心玩下, 不過又無假又無錢, 仲好難搵倒人陪, 唔通係時候自己一個人去?

生活真係悶... 點先可以再次滿足?

又過左一年了! 諗返上年聖誕同新年o既事, 好似唔係過左好耐咁。人大了, 節日o既感覺好似少左。記得以前聖誕節會好興奮, 佈置屋企, 同學o既party, 交換禮物, 趕住去買聖誕卡同聖誕禮品, 準備party o既食物, 一起倒數講句聖誕快樂/新年快樂, 一起去看最靚o既聖誕樹,  感覺好溫暖好感動。究竟現在係怕找不到以前o既快樂定係過得太多年無咩特別, 所以叫自己不要太重視呢d節日呢? 係, 年年都有, 都係搵個理由去玩下o者, 無咩特別o既..... (自己同自己講)...... 節日無咩特別, 生日又年年都有無咩特別, 咁唔通死紀先特別咩?

今個聖誕好似以欠缺了什麼, 係唔係o個種期待? 係唔係o個種欣賞? 係唔係o個種投入? 定係o個種精力?

聖誕後病倒了, 不是大病, 但係都煩左我成個星期... 快d好返啦好冇?!

要了解一個人可能要花一生, 係一樣學問, 我比較喜歡簡單的, 因為我沒有學問。