祝我生日快樂

又回復到自己同自己過生日既日子, 是年生日有2大份禮物: essay一篇(星期一文)及crit一個(星期三) 真係想好好地過都冇可能.

忙左一日, 最後去左同Natalie 去左食 Yo!Sushi. 呢餐生日真係難食到傻(又貴又唔好Service都算) 不過都叫做了左個"出去食餐好既"呢個願望.

今天有人問了我一個問題: "你細細個既時候 諗你大個會做d咩?"  那一刻時間好像只剩下了感慨, 活了26年, 目標卻仍是非常模糊.  有多少人可以朝著小時候的願望一直向前走?  感覺這是非常的單純, 但是因為這個理想沒有摻入了其他的雜質, 所以它亦是對自己一個最真誠的答案.  我曾嘗試在腦海尋找這一塊收藏了好久的資料, 但最後都是以"搜尋不果" 作結......

Anyway, 今日是開心天:) 有好多的朋友仍記得我的生日 非常感動!!! 不論是因為有不同的提示還是這個日子已經記在你們的心內, 我都在這謝過了 :) Thank You!

推介歌: 祝我生日快樂, 送給26歲的我

鏡子

今日去左幫個"朋友"搬屋. 心有點不情願(怕有一次就有二次,三次....), 不過都係衰心軟....

首先----約左佢夜晚9 點先搬, 費事甘多traffic, 塞車之類....準時去到, 開門見到佢d野, 都唔算多, 諗住佢會開始搬. 點知佢一句唔該都冇就"了"左上樓上, 只剩低我同佢個ex-landlord企左係門口. 呆左. 佢以為我真係"人人搬屋", 仲要"出$(油1.029磅/Lit)又出力". 都算,照搬. 費事飯都冇得食.

載好左第一轉, 開車, 佢夠膽死問我有冇小心搬佢支結他, 又話唔可以點點點....仲叫我幫手搬埋上去佢個房!! 真係頂唔順, 佢正確地示範左咩叫"駛人唔駛本".....我當然一口拒絕左.  跟住行下行下, 唔識路(我未去過), 我又問佢識唔識.....佢竟然話唔清楚, 行下差唔多就會到, 唔岩米U-TURN囉.....真係火都黎.大佬係你新居定係我架?

到左, 快快手unload之後, 走第2轉, 本來剩低既3袋又變左一架滿車. 都無所謂. 奇在佢唔會封箱, 唔會考慮d野會倒出黎.....我提出左呢個問題之後...佢醒到用文書膠紙去封.....天啊, 可唔可以賜佢一點常識呀....

搬好之後, 我終於鬆左一口氣. 回想一下, 係我唔能夠忍受佢不停地佔人小便宜, 定係我根本就係好討厭佢? 總之今晚我都領教過佢呢個"用人本領". Natalie你真係好勁, 佢日日都黎 你都忍到佢.....俾我對多佢一陣真係反面都似

不過, 我好似係呢個朋友身上睇到自己既倒影, 同之前做既所有事, 慢慢令我感到好慚愧,今晚多得佢....好似重播甘俾番我睇.

錯一次, 原來可以刻得好深.

新年回想

新年快到了, 過去兩年都能留在家中享受濃厚的節日氣氛和美食, 但現在卻又回到冷清清的異地世界, 心裡不免起了一點清寂之感.

回想好久之前外婆家過年就有不少的習慣 - 其中一個就是吃新鮮的白切雞. 這個功夫可真不少 --- 要先把活生生的雞買回家養著, 到了新年的正日才宰了吃. 可是那時住的地方空間比較少, 要把雞放到洗手間裡去; 依悕記得我和姐姐對那頭被困的公雞有莫名的好奇心, 不理會父親的警告, 粗著膽一步步走去近看這可憐的小動物, 也試著伸手觸摸它 - 暖暖的還夾雜著呼吸的起伏, 這小東西就是逗得我們不弈樂乎.   到了最後, 這頭雞變成了桌上其中一盤的佳餚,  也沒有人會想起它在洗手盤下生活的經過了.

外公對水仙花有著特別濃厚的興趣, 每年都為大家準備了好幾個水仙花頭作點綴.  可不是"賣花讚花香", 無數看過我家的水仙花的人都讚不絕口,  還拜託來年預留幾個花根給他們;  這些讚美的背後全都來自他那雙熟練的手, 用刀子在花根上細心地挑劃, 預留了足夠空間讓它好好生長, 這才能在把水仙花最嬌美的一面展現出來.

外公除了對花藝有研究外, 還會為大家寫出各式的揮春, "恭起發財" "龍馬精神" "身體健康" ...琳琳總總, 目的都是為著帶來一番新氣象. 優美矯健的字落於紙上, 使揮春受歡迎的程度不亞於水仙花. 每年到貼揮春的時候, 我和爸爸總喜歡朗讀一下其中句子, 要不就為擺放次序位置爭論一下, 這也可算是我們家的一個聯誼活動了.

一碟令人唾涎三呎的白切雞, 一棵燦爛綻放的水仙花, 一對字形優美的賀年揮春, 在旁人眼裡中, 都是漂漂亮亮, 整整齊齊的;  但看不到的, 是其中所花的時間, 精神, 經驗及心思. 外公的一生營營役役, 活著就是為了大家的歡樂. 我們可曾有想過怎樣報答麼?

那個會宰雞, 切水仙, 寫揮春的人都已經不在了. 這個新年大家又會怎樣過呢?

真是不能相信, 何必要尋死去解脫? 有多少人一生都是走平坦的路? :(