Rediscover your WILDNESS

昨晚讀了一篇文章，覺得很有趣，摘要如下：

"Add hard pavements, high heels, stress, air conditioning, alcohol, caffeine, trans fat, processed carbohydrates, salt, refined sugar and a whole host of toxic chemicals to the mix and it's a wonder our poor bodies don't give up the ghost...we have become 'zoo human' living unhealthy, unnatural existences to which our bodies and minds cannot adapt."

"...principles are easy to digest.  Here's how to rediscover your 'wild human' in three key areas: exercise, diet and rest."

文中提出所謂「現代生活」(modern life)其實一直在傷害人們的身體，惟有返樸歸真才能輕易對抗現代生活對身體所帶來的傷害。

我想生活於「動物園」的我們雖然明白以上的道理，但我們已習慣了「動物園」式的生活。每天在不足一百呎的位置停留超過十小時，吃着倒模式的午餐／晚餐，晚上雖然無事可幹仍然堅持與睡魔對抗到底，有誰能夠真的做到"Exercise, diet and rest"呢？

我的日語課堂在兩個星期前完滿結束，不經不覺已跟隨余老師一年了，在最後一課我把用日文寫成的一張感謝咭送給她。這個星期報了另一間日語學校繼續我的日語學習，很期待！

今日買了期望以久的日本漫畫Nana第十九期，其昨者因為抱病，所以Nana相隔半年才再度面世！故事情節依然引人入勝，人物關係錯綜複雜。

(Nana第十九期)

(我的Nana玩具)

(用日文寫的感謝咭)

夢想

上星期買了宇多田光的最新大碟，鍾意到不得了，成個星期都不斷聽！仲睇埋用佢首歌作為主題曲既電視劇，睇完就更加不能自拔，個套日劇原來係我鍾意既上野樹里做主角，yeah！其實我並唔係宇多田光既FANS，買佢隻碟既原因係我表姐send左佢既幾首新歌俾我，一聽後便愛上。記得對上買宇多田光既碟係十年前既事，個時我仲係中學生，我讀中學個時係好祟洋及祟日，所以我買左好多外國（包括日本）唱碟及雜誌，其中一隻就係宇多田光出道既第一隻唱碟「First Love」。

時間真係過得好快，十年咁就過左。今日睇左套戲，戲中不斷問「你仲記唔記得你第一個夢想？」，我唸左一陣，我有印象既第一個夢想應該係十年前。當時我希望成為一位會計師及可以係閒餘演我最愛既話劇，哈哈！十年後係誤打誤撞下我已經係一位無咩經驗既「會計師」，但係我既閒暇節目已經由演話劇變成讀日文，十年前既夢想大致上可以話已經實現，咁我現在既夢想又係咩呢？我仲唸緊，真希望快d放長假，到時我又可以唸下啦！上次下定決心轉工都係因為有一個長假俾我唸清楚。あと三ヶ月‧頑張るれ！

（上野樹里）

（相隔十年既唱碟）

《我的母親》

記憶中小學及中學生涯中有着各式各樣的作文題目，卻沒有《我的母親》這類型的題目，今天是母親節，好讓我懷愐我的母親吧。

我的母親是．．．

一個丑角，小時候只有被媽媽「教訓」，卻從沒有被爸爸責備；

一個烹飪高手，在她的指導下我與JoJo參加了中學校內的烹飪比賽；

一個思想前衛的人，在我初中的時候陪伴我通宵等候為了買Boyzone的演唱會門劵，更幫我虛構了「逃學」的藉口；

一個好玩伴，喜歡請假陪我逛街，可以忍受我因想不到逛街的地點而發的脾氣，也可以接受與我坐戲院的第一行只因我很喜歡那套電影；

一個好的傾訴對象，我們最愛大家睡在一起談心，我最愛以大字形式的擁抱抱着她及親她的臉頰，而她卻愛在我睡着的時候輕撫我的頭髮（當然我為了配合她，做了最好的演員，「扮瞓」）；

一個傳統的母親，每年也會為我慶祝生日及總有生日蛋糕，即使在她人生的最後階段也如是；

一個堅強的女人，為了她的孩子，苦忍治療時的痛苦；

媽咪，母親節快樂，你永遠是我一生的最愛。

Rhythm of life

出黎做野之後，朋友見面（無論係網上抑或約會）總不忘問對方近況，最近有好多朋友「查詢」我既近況，我既近況當然係圍繞住Ted仔啦，佢實在太可愛！此外，我開始感到屬於自己的節奏逐漸回來了，感覺非常之好，促使我係任何事情上也變得積極。可能我開始學會了有些事情係唔會因應你而改變，唯有係你既態度改變先可以繼續，體會最深係係工作上。

這個星期我既老死Snowy終於回歸中環，Welcome back！今日讀左一遍Article話香港人與人既關係好脆弱，回家後第一個迎接你既唔係老婆／老公／小朋友，而係個隻永遠對佢忠心既狗，因為狗永遠唔會駁嘴，要求亦好簡單直接。好多人因為咁同埋唔想承擔責任而寧願養隻狗都唔生小朋友，讀完後，我立刻覺得Snowy好勁，叻過好多人，願意承擔Ted仔！

Easter 將會見到我既好友，非常開心！最鍾意冇事而敘。

Ted weekends 狂熱

小Ted不經不覺已經差唔多２個月大，最近兩個Weekends我都有去同（被）佢玩，我地「玩」的指定項目包括喂奶、掃風、換片、陪瞓、做Body Spa、做Facial、強吻等。每次「玩」完我都感到身心疲累，肌肉酸痛，但當中不乏爆笑料。好似尋日我同Snowy及Ted出去食晚飯，我以９秒９的速度完成碗拉麵，之後Snowy選手將Ted傳俾我接力，佢就立刻開始食牛肉定食，為了可以令Ted保持熟睡狀態，我使用了國內同胞的慣常坐姿（除了在家中使用，我都係第一次係街外使出），準備離開的一剎那，我竟然動不了！！！隻腳抽筋抽到顛，要係餐廳外做鬆筋，我自問有恆常運動，但都感到力有不逮！仲有一單笑料，我被人誤以為係負責挨BB既工人，「哦！佢係挨BB嫁」。我居然似工人，Ted果然有貴相，哈哈！

雖然同（被）Ted玩係辛苦，但係「玩」後竟然感到心情豁然開朗，可能因為我「玩」得好投入，且Ted非常天真爛漫。雖然我還未為人母，但開始對「養兒方知父母恩」有了少訐了解。