星期六放工後去睇赤壁, 由於太眼睏, 套戲初段, 我係睏著左, 隱約係梁朝偉出場我先睏醒. 雖然我唔係幾熟歷史, 但係呢套戲d打鬥場面都拍得幾好, 我略嫌場床戲多餘左d, 又冇野露, 又表達唔到d咩, 整出黎都唔知為乜!!!!!最搞笑係ending出個"下回分解", 的確有d O咀, 學阿昌話齋, 月光寶盒咩?!?!?!

晚上睇港姐, 我記得小時候, 一定會成家人圍住部tv睇港姐, 一起評頭部足每位佳麗, 甚為過癮!!! 是夜得我一個人睇, 覺得悶悶地就打俾阿昌, 睇港姐一定要有人陪先覺得開心!!!! 唔知點解, 我覺得呢條友仔一定會睇, 可能我覺得佢係絕頂無聊啦!!! 點知都俾我tip中, 佢真係有睇, 哈哈! 佢話佢睇港姐等同我睇港男同等道理woo......咸濕咁解???

之後我地一邊講, 一邊睇, 評論身材, 樣貌, 服飾, 談吐....終結果都幾出乎意料之外woo..竟然由呢個咁高既3號得獎, 好奇怪!!! 是夜我地傾左好耐電話, 講下新聞, 工作, 生活, 為人處事....痛快過癮......

呢幾日心情極好, 因為考完taxation嘛, 的確輕鬆很多...由於唔想停落黎, 真係好想搵d野學下. 一係寫書法, 一係學畫畫, 同事叫我去學整cake, 其實都ok既...再plan再plan. 相反Rachel提議下年讀master, 其實都可以考慮下, 讀開書就要keep住去, 免得自己停落黎呢..

話咁快我0係呢間公司都差唔多2年, 難以想像點解我可以捱&堅持到咁耐, 好厲害!!! 宜家仲做埋人地師傅添, 講真, 我都唔係話做得咁好, 做人師傅的確有d難為情, 哈哈!!! 仲有2.5個月就跑完q3, 千祈唔好放棄!!! 捱埋9月真正可以放下假, 輕鬆0下........加油呀!!!!!

今日輪休上午, 睏到10:40, 好爽....琴晚完成presentation, 好開心.......真係要多謝組員的付出, 投入, 勁鍾意佢地呀. 0係佢地身上令我學到好多野, 希望呢段友誼可以keep住!!! 聽日taxation考試, 過埋呢日, 感覺會輕鬆好多...仲爭advance就完成晒喇, 好感動......一年內完成6個course, 好野!!!!

林某就快返黎, 好野!!! 其實呢段冇人陪既時間都覺得幾悶...好彩星期1,3上左堂, 星期2放左假, 星期4有丁丁佢地陪, 今晚返home休息....如果唔係, 可能我會悶死左!!! 人生除左返工, 屋企人同埋另一半都好緊要...奉勸d有心儀對象既人要加把勁, 幸福係要自己努力去爭取!!! 呵呵~~~