| 最近公司有好多野煩呀... 黎左個新既化妝總監, 無可避免既就一定係要黎個新人事新作風架啦.... 自己想開既果間公司又胎死腹中.....唉...... joyce呀joyce.... 到底要點做先係好呢..... 做人真係好辛苦, 尤其係做劉穎諭..... 唸得太多喇...但唔唸又唔得.... 不停反覆咁問自己, 到底我有冇揀錯路呢? 係~~無疑我真係好鐘意幫人化妝, 但要理想當飯食真係好難.... 到底我有無果份堅持同執著呢? 有時真係好想走回頭路....講真, 到底我都係要返黎現實.... 無錢就做乜都唔得..... 我快要爆炸喇..... 經常都處於十字路口既狀態真係好辛苦..... 但回頭唸下, 我行左呢條路都未夠一年, 有宜家咁既成績其實已經唔錯, 到底係我太貪心還是我真係唔適合做呢份工呢? 另一方面, 發覺對住出面既人仲開心過對住公司既人, 公司既人雖然唔洗日日咁對住, 但只要見到佢地, 我就覺得自己好假, 好討厭那一刻既自己....係好討厭....相對地, 我都覺得佢地對我一樣咁假....相反, 對住出面公司既人, 可能始終唔係佢地既自己人, 佢地會有人情味好多, 唔會覺得佢地假, 佢地會好感謝你為佢地既囝囝囡囡化妝, 仲要驚你餓驚你累, 開開心心咁做每一單job 又有時會問自己點解咁唔爭氣, 如果夠爭氣的話, 就唔洗再留係呢間鬼公司啦~ 不過又有個朋友曾經同我講過, 千祈唔好因為人事既野而去決定做唔做份工, 如果唔係呢世都找唔到一份有前途同錢途既工, 我最近經常都提住自己呢句說話, 但要點先從唔鐘意做既事當中去找出自己享受既方法去做呢.... 阿邦話我唸得太多, 唸野太矛盾喎....其實呢點我係知架.... 係因為我自己總係拿唔定主意.... 救命呀!!!!!!! 點解我咁麻煩架?!?! 天啊~~~ 求你給我一點指引吧~~~~ |
