|
| 牙痛左兩個星期, 終於頂唔順要去睇醫生, 結果係mok左兩隻智慧牙!! 痛死!!!! 救命..... 又食唔到野.... 好返我一定要勁食 buffet! | | |
| 我今日做左好多野....行左全日! 仲要成日都好有壓力...好擔心...真係好累好累! 九點幾阿爸叫我起身, 我仲傻下傻下咁問做乜咁早? 原來媽咪牙痛去左睇牙醫, 叫我出去陪佢. 刷牙果時先諗番起, 頭先訓覺發夢媽咪整親! 哩d係咪要心靈感應呢? 去到診所先知佢要道牙根!!! 嘩 聽人講好痛呀! 唉....個心好痛....望下佢隻眼, 爆埋血管tim! 我知佢一定好辛苦 ga la....醫生話希望做 4 次就得. 唔係掛?! 4 次?! 之後去左旺角睇裝修d野. 睇左一陣就去食 lunch, 再 join 個裝修師父睇磁磚...檣磚...廁所...浴缸...洗手盆... 又要揀款; 又要價格; 又要度 size; com 唔 com用; 難唔難裝....真係九萬幾樣野要諗! 之後同媽咪去眼醫度登記, 其實之前打左電話去 book ga la, 但人地話要親身去先計喎. 去要診所勁多人, 要等個幾鐘, 咁我地又再去多幾間鋪頭度睇, 然後就出埋單. 終於可以返官塘食 dinner la! 諗住鬆一口氣, 點知 suddenly 醒起約左人上屋企度傢私size, 返到屋企就講講講點點點做. 之後再搬少少野落停車場個倉. 搞左一日, 不停咁用腦. 要顧住媽咪, 提佢幾點要食飯 c doctor 食藥; 又要同d家姐 report 情況, 約佢地幾點食飯, promise 左個 fd 搵人做 focus group. 好似仲忙過平時返工咁~ 仲要響唔方便既日子.... 不過身體上既辛苦點都唔及心靈上! 都唔明點解d人唔識"體諒"! mami 真係好累好辛苦 ga la, 點解你地仲要佢擔心哩樣擔心果樣仲要發佢脾四俾面色佢睇?! 點解唔理下佢既感受? 原本我尋晚因為佢幾句說話都幾唔開心, 我好清楚我度哩個家既位置, 由細到大無論我做幾多野幾乖都唔會係最得人鍚果個, 都慣架啦, 無奈, 但我知佢地係鍚心關心我咪得 lor, 講真哩個世界都邊個人唔偏心架?! 點解 d 人要咁執著姐?! 可唔可以放開 d....包容 d le? 成日都憎人唔覺得好累架咩? 何必要令他人難受之餘自己又辛苦? 我都知性格係好難改架啦, 改變唔到人, 惟有 tune 下自己啦. | | |
| 聽日3pm前要交 report, 但我要等我所謂既 Direct Supervisor Mr. A 做完個 Consol. Balance Sheet 先做得. 事發經過如下: 今日下年三點 我: "你個 consol 幾時有呀?" Mr. A: "未 consol 果個有啦" 我: "我要 consol 呀!" Mr. A: "consol 未有喎" 我: "咁幾時有呀?" Mr. A: "岩岩先收到要 consol 果 d 數 ja wor" 我: "你今日會唔會有呀?" Mr. A: "梗係會啦, 聽日交 la ma" 我: "咁你有話我知啦"
之後一路都冇話我知佢做完未...... 到 6:15pm 我: "個 consol 有未呀?" Mr. A: "仲做梗喎, 新 template 要 set 返 d links" 我: "我聽日要做 Daily P&L, 冇時間做喎" Mr. A: "而家未做完喎" 我: " in case 最 worst 係我聽日又冇時間做, 你自己做返得唔得呢?" Mr. A: "梗係唔得啦!" 我: " 我聽朝冇時間做喎" Mr. A: "都冇辦法 ga wor" 我: "聽日要交 la wor, 你到而家都未有, 今晚又唔知要等到幾點先有, 我聽朝要做 daily P&L 又冇時間做, 咁你估我幾時有時間做呢?" Mr. A: "其實你要 d 咩呢?" 我 (呆左~): " 咪做果兩張 form lor, 你做過我未做過, 要d咩你應該清楚過我 wor" Mr. A: "哦咁你要前面果 part 姐, 果 part 我做左啦, 你可以用住先" 我: "咁你一路都話未得住, 我唔知你做到去邊個 stage, 我幾時可以用 ma. 咁你俾我 update 左先得唔得呢?" Mr. A: "得....ok ga la!"
真係俾佢吹漲........如果係一早可以俾我做住先, 唔洗等你做晒先既, 你做咩唔一早同我講, 俾我做左先, 要講咁多廢話呢?! 你唔係諗住我會響 office 等你做晒先, 之後你閃先留我一個響度 OT 呀? 然後同 team head 講你做晒啦, 爭 ar kal 果 part 未做呀?! 我諗如果我唔係話之後冇時間做, 要佢自己做返既話, 佢都唔會理我 lor! ********************************************************************************** 我今日收 "花" 呀! 係我 team head 請我食 "豆腐花"~ hehe | | |
| I GAVE BLOOD TODAY 原本以為聽日同後日響 Exchange Square有得捐, 點知原來係今日同聽日, 有個同事想捐, 又怕一個人, 所以想我陪佢, 我又冇乜所謂, 所以就 lunch time 食完飯去啦~ 我都知自己好幾年冇捐血架啦, 但唔記得 exactly 有幾耐, 佢 check 一 check record, 嘩! 原來有成 6 年咁耐啦! 填原 form 等梗果陣, 我個同事同我講佢唔捐得喎~ 我當然照去啦~ 不過真係有少少擔心, 因為個場....唔係好得...地下鋪住紅白藍既物體, 好似好亂咁...d 床有位就放, 完全冇 order! 比起印象中果時中學個 hall 差得遠咯.... 個 nurse 問我要唔要打麻醉針, 上次試過唔打都幾痛...所以今次都係打穩陣d~ 好快....我諗十分鐘都冇就捐完啦, 其實我等同休息既時間仲耐 lor~ 不過之後真係好倦! 係想像唔到會咁倦! 隻手冇晒力...有少少痺...個人好似唔係好企得穩...有少少暈....一路返工一路係咁打呵欠! 諗住一六點就閃啦~ 由公司行去巴士站... 等車...都企唔穩....今晚真係要早d 訓先得啦~ 不過.....捐完血個感覺好好...個人係唔知點解好開心架喎~ | | |
| CFA Level 2 Candidate 幾經辛苦...終於考完CFA level 2! 雖然唔知考唔考到, 但總算鬆一口氣, 可以休息下, 過返d 真真正正relax 既生活~ 係 fd 既就唔好問我考成點, 有result 我自然會話過你知, 我唔出聲你就知咩事啦.... 舊同事@Neway 今日約左d 舊同事唱k, 唔知係我有問題定間野有問題, 好似冇乜歌好唱咁. 冰姐, Sandy, Shirley, Lilia, ar bell, Sonia 個個都冇乜點變, Shirley 都淨係唱男仔歌, 估唔到既係原來 ar bell好潮架! 佢淨係識唱新歌, 仲要係新到我聽都未聽過果隻! 同埋....Sonia 會轉工 lu... EPS @ 北京道潮樓 我最初好白痴咁miss 左中間兩個字, 以為係"北京樓"! 仲諗住d野唔岩食tim hahaha 哩個應該係 annaul gathering gwa~ 話題多係講大家既工作, 出面好似係人都轉工咁, 係我地之中都算 stable. 其實成日轉工要適應新環境真係好辛苦架! | | |
|
