|
SubscriptionsSites I Read
|
|
|
|
| 長州渡假上星期六, 很早就起左身了, 因為中午約左班同學一齊返大學傾份audit 功課, 大家約左12:30 o係大學火車站等, 一齊食完飯後先再傾project~~ 有d 同學臨時黎唔到食飯, 於是得返我, terry, wai, 仲有sarah 4個人一齊食飯~~ 我地本來仲諗緊究竟係行上去CC canteen 食飯定係o係美心食, 點知佢突然落大雨, 連個天都幫我地決定埋~ 就係咁, 我地幾個人就o係火車站美心食lunch la~~ 食完之後, 我事先o係CC 圖書館book 左房傾project, 就係咁, 我地o係1點15分開始傾我地份project~~ 一傾就傾左成兩個鐘, 大家都傾得好投入, 各自有自己的睇法~~ thanks sarah for the documentation in the meeting~~~ 傾完project 之後, 我地就立即去上audit lecture la~~ 直到6點, 我要早走了... 因為我約左人, 約左人一齊入長州渡假~~ wendy 仔當日同樣都係要o係中大返學, 於是就約左佢6點o係火車站等, 之後一齊出發去中環搭船~~ 我地兩一早已經準備好晒所有gei 物資, 6點15 分o係大學站出發~~ 去到中環, 剛剛好係7點正, 亦都剛剛好miss 左一班船... 冇法, 唯有等多半個小時la~~ 好開心可以o係呢一刻見到久違了的maymay, 之前佢同我講佢唔過夜, 我心諗佢應該o係下午入去, 夜晚出返黎~ 估唔到佢會同我 + wendy 仔一齊搭7點半船入去長州~~ maymay 依然係唔o係長州過夜, 即係話佢只係入去同我地食飯, 再行下長州就會走了~~ 換轉係其他人, 我諗佢見只係stay 兩三小時, 都未必會入去長州tim~~ 所以maymay 真係好有心r!~ 我地3 個人一齊搭7:30 船, 上到船, 我先醒起我如果一坐d 好長途gei 船係有機會暈船浪的, 同佢地講, 原來佢地都係會暈船浪, 就講到, 開船之後訓覺, 咁就唔怕暈船浪la~~ 之但係, 我地o係成個鐘gei 船程, 一點都冇訓過, 因為我地傾左好多話題, 大家都講得好有興致, 就連自己會暈船浪都已經唔記得! 呢個真係意想不到~~ 去到目的地之後, 已經係8點半了, 我地幾個人落船之後就見到henry, 佢帶我地去附近gei 食店一同食晚飯~~ 終於, 再一次見到我gei 大O 組mate la~~ 有阿Lun, yoyo, henry, celia, franco, 同埋我地3個, total 8個人~~ 我地吃過一頓豐富gei 晚餐, 大家有講有笑, 而且又食得好開心~~ 就在此時, maymay 拎出佢為我地每人整gei 手信, 係一條刻有自己名字的繩結! 我地呢組人, 唔經唔覺已經有5年咁耐gei 時間la, 到而家都仲keep 到, 真係好難得~~ o係呢一刻, 仲要收到一份咁珍貴gei 禮物, 真係唔知用咩野去形容~~ 我很喜歡這一份刻有我名字的禮物, 佢實在好有意義, 我一定會掛o係我手提電話上~~ 食完飯, 我地再o係長州行左一陣夜街, 四圍買一d 小食, 之後去到10:45 , maymay 要走了, 我地訣送佢離開之後就返返去渡假屋了~~ 我地總共有5個人會留夜, 3男2女~ 間屋唔係好大, 有兩張床, 分配方法係, 3個男訓一張, 兩個女訓一張~~ 我地沖晒涼之後, 一邊夜話, 一邊UNO, 一直到3點半, 之後大家都訓了~~ 3個男訓一張床實在太迫了, 我自己比較細小, 其餘兩個就比較大隻一D, 我夾o係中間, 當晚真係差唔多冇訓過, 直至henry 早上7點起身要離開長州~ 等佢離開左之後, 我先至叫做有覺好訓... 不過我地9點半都醒晒la, 因為wendy 仔要返工, 所以陪佢一齊早餐~~ 我地食完早餐之後就返渡假屋執野, 諗住去沙灘曬太陽~~ 點知天色唔太好, 我地本來行緊去沙灘, 見到天黑晒, 心諗都係即刻去碼頭搭船走人la~~ 行左幾步, 已經落起雨來la... 因為我地冇雨傘, 我地都急忙跑去碼頭... 就係咁, 因為呢一場雨, 我地被迫早一點離開長州la~~ 我地坐左一個鐘船, 好快就已經去到中環了... 雖然係好唔捨得, 不過我地仍然要各自散去~ 就係咁, 我o係長州渡過了一日一夜~ 返到屋企之後, 因為有兩份功課已經等緊我, 我只可以休息一陣, 隨即就開始專心應付呢兩份功課la~~ Exhausted!! | | |
| 重生星期四6點就已經離開左公司了, 當晚克莉絲汀亦都早左放工陪我一齊去starbucks 飲野, 傾下計~ o係佢身上我睇到同知道唔少野, 佢講左好多人生道理俾我知, 覺得上左一晚好寶貴, 好充實gei 一課~~
有句說話, 我覺得好有point, 我一定要將佢寫下來~~ "唔好高估自己, 有d 野你以為掌握o係你手中, 但係其實佢係離你好遠"
頭先o個句說話背後的意義可真不簡單, 我諗唔同gei 人睇到呢一句說話可能都會有唔同gei 體會~~ 究竟係指d 咩野呢? 對於我自己而言, 我有以下體會:
站o係工作的立場黎講, 即係話你係咪知道你自己gei 目標, 係咪已經為達成這個目標作出左一連串gei 準備功夫? 這個目標是不是都按著你gei 計劃一步步前進中?
站o係朋友的立場黎講, 你自己係咪一個好友人, 你係咪有唔少知心好友, 當你或者你d 朋友有難題時, 你都會知道/ 意會到? 此外, 唔好一直認為你對佢好, 佢就一定會對返你好, 這個並不是必然的定律! 可能o個個人其實一直都好憎你都唔定, 平時只係笑笑口咁對住你都唔定~~
站o係愛情的立場黎講, 即係話你係咪清楚了解你的男/女朋友~ 佢幾時開心, 幾時唔開心, 鍾意d 咩野, 討厭d 咩野, 你係咪完全知道呢? 你以為你一直掌握這段愛情, 但係佢其實係離你好遠~ 有唔少情況係, 有男女是但一方醉心工作, 慢慢少左時間同另一方相處, 煩重的工作將你麻木左, 令雙方感情由濃轉淡~ 最重要gei 係咁都唔察覺得到, 直到最後先至發現, 已經太遲了, 只得分手收場...
我知道筆墨難以形容我當晚深刻的體會, 不過我仍想把重點寫下來...
對於各方好友的關心, 我係衷心的感激~ SMS, MSN 所收到的關懷更令我感動, 多謝你地咁多位~~ 星期五我都冇返工, 一連休息了好幾天, 去左打籃球, 羽毛球, 踢足球, 唱K, 所有唔開心gei 事都已經一掃而空, 我又重生了~~
不過我有樣野真係要學, 就係要好好控制自己的情緒, 唔好咁易俾一d 小事影響到自己~~ 其實我自己係一個能醫不自醫gei 人, 人地唔開心gei 時候, 我都識得同佢地講唔好為左d 小事/ 小人而唔開心, 只會係令自己傷神而已~~ 不過當發生o係自己身上時, 自己就唔能夠做到這一點, 倒真係有點兒諷刺... 可能呢d 就係所謂gei "針唔拮到肉係唔會痛"...
黎緊兩星期會有好多野做, 要收拾心情, 等待明天的來臨~~ 冇返兩天, 覺得對唔住我gei teammate, 因此我要盡快追返上d 進度~~ | | |
| 信任 vs 欺騙今晚要返學, 平時的我, 6點15分先至離開公司去尖沙咀返學, 不過今天實在千萬個不願意, 唔想留在這個地方多一刻... 5點35分就走了... 我自己一個人去尖沙咀逛左成45分鐘先至上堂, 上足3個鐘, 10點先落堂... 因為心情尚未回復, 之後一個人再行去海旁獨自散步, 期間落緊微微雨, 雖然我有帶雨傘, 不過當時的我希望雨水可以洗滌我煩惱的思緒, 所以就變成左o係矇矇細雨下漫步... 我o係尖沙咀逗留到11點, 之後再慢慢沿彌敦道行返奧運站返屋企... 我就係咁傻咁渡過了一整晚...
唔計3年前某天所發生gei 事, 今日, 我的心情係我人生有史以來最差的一天~ 我實在很失望, 很傷心... 我好想將所有工作, 所有煩惱都拋諸腦後, 甚麼都不理, 只希望可以有一刻俾我安靜下來..
野可以亂食, 說話唔可以亂講~ 正所謂人言可畏, 一件原本覺得係唔可能會發生gei 事, 俾人一傳十, 十傳百, 由冇可能講到有可能~ 你第一個時唔信, 聽第二個時都唔信, ... 聽到第十個, 你開始動搖了... 開始受他人影響而作出不理智gei 行為... 如果全世界都認為這件事是對, 得你自己一個認為係錯, 咁究竟代表係你自己錯定係全世界錯得你自己一個o岩呢?
今天機緣巧合下, 有人問我係咪一個容易相信別人gei 人, 其實應該咁講, 對於我自己所認識gei 朋友, 我對佢地係百分百的信任, 因此我認識得gei 朋友全部都係精挑細選, 大部分衰人都俾我screen out 晒~~ 因此如果係我認定的朋友, 佢地全部都會係我gei 知心好友, 對佢地我係唔會有任何保留~ 之不過佢都同我講, 絕對唔可以咁易相信一個人, 特別係出黎社會做野~ 你當佢係寶, 佢可能當你係草, o係你背後篤左你一鑊你都唔知發生咩事~ 因此要學識保護自己, 絕對唔可以好似以前o係大學讀書時咁天真~~ 這個世界上總有唔少識得演戲gei 人, 唔可以咁易俾佢gei 外表呃到~~
其實我很多謝佢同我講gei 呢一番話, 至少佢當你係老友/ 熟人先至肯理你, 肯將呢d 人生哲理講俾你~~ 換左係其他人, 佢可能對你只係公事上gei 伙伴, 半點關心都唔會有~~ 先前講過, 公司裡剩下gei 好人已經冇幾多了, 真係可以傾得埋gei 好友真係得幾個人... 其他gei 都唔可以咁易相信...
容易相信別人係我gei 弱點, 但同時亦都係我gei 優點~ 因為我對佢地的信任, 毫無保留, 使得佢地亦同時感受到我的真誠, 各人都願意交我這個朋友~ 可是我這個優點亦有機會俾人利用, 藉你對佢gei 信任而做出一些傷害你gei 事~ 因為你對佢係百分百的付出, 當你受傷的時候, 受到的傷害係會比其他人更加重...
我很重視所有我認識的人,同學及朋友, 因為我幾乎肯定我所認識的每一個人, 佢地全部都係善良, 值得我去認識gei 好人, 我對佢地係有絕對的信任~ 當佢地開心的時候, 我都會身同感受~ 當佢地遇到難題/ 唔開心的事, 我也置身其中~ 我不容許有人任意將佢地o係我腦海裡抹黑, 對於這些造謠生事gei人, 我實在感到憤怒! 恨不得佢地快d o係呢個世界上消失!
我一定要寫低我而家的心情, 我唔可以俾自己忘記今天發生gei 事, 即使而家已經係零晨3點半都好... 我要堅強起來! | | |
| 有感而發早前一班同學朋友約出去食晚飯, 大家有半年冇見, 結果o個晚擾攘左一段時間, 最後去左食日本野~ 食完之後, 大家意猶未盡, 我地再去左機鋪打一陣機~~ 點知咁好彩, o係機鋪俾我地撞到另外幾名大學同學, 佢地幾個當時都係好投入咁打緊機~ 大家都感到好意外, 因為沒想到竟然可以o係咁gei場合見到~
公司近來發生太多太多gei事, 唔多唔少影響左我對這間公司的感覺~ 公司又有人resign, 好人真係買少見少...
慢慢地, 我跟第二d 部門gei 同事日漸熟落, 我甚至寧願多點與其他部門gei 人熟落多過同自己部門gei 人熟落... 這實在很諷刺...
有一日, 自己一個人o係屋企睇左一套movie (我的兄弟姊妹), 好感人, 睇到我都忍唔住留眼淚... 故事係講一個貧窮家庭, 父母因為意外早死, 幾個細路仔要自力更生, 其後o係冇法子情況下, 被迫分開, 分隔十幾廿年... 故事最後都有好結果, 幾兄弟姊妹都可以一家團聚...
自從上一次team building 好成功咁完成之後, 由於反應不錯, 公司決定quarterly 搞一d team building activities~ 黎緊7月會係我地dept 打頭陣, 負責host 一d activity 俾其他人一齊參與~~ 之後就會到身第二d dept 諗第二d activity 俾返其他人參與~~
手頭上o個個claim system 已經行左一個多月, 大致上都冇咩問題, 而家呢一個多月都係做緊d enhancement~~ 另外, 有個新project 交左俾我跟, 開左幾次會, 都係全英文的~~ 不過我想講gei 係, 其實我o係呢幾次會, 都只係打雜, 完全唔點關我事的... 最緊要gei 係我手頭上有work 要做, 可以的話, 我寧願返去自己位做返自己gei work~
等左成兩個幾月gei 一科考試成績, 終於都o係大前日收到result 了... 之前o個排我忙緊公司野, 搞到冇咩時間去study 呢一科, 考完之後我已經知道考得唔太好的了, 我一直擔心呢一科gei result 擔心左成兩個多月... 雖然得pass 與fail, 不過其實佢都有再分sub grade 的, 我都只係剛剛好合格ja... 真係好好彩... 日後要俾心機先得!
前日, 公司ice-cream day, 所有同事都有一個小時時間落去任食雪糕, 除左食雪糕之外, 仲有d 有獎問答遊戲~ 我竟然可以好幸運地答中一條, 仲要好好彩地o係擲骰子鬥細ge 情況下勝出 (我兩粒骰子都分別係得1點, 名副其實gei 圍一)~~ 得到gei 獎係一個kipling 女裝手袋仔 + 一盒迷你花旗蔘~~ 真係好彩la~~~
父親節, 今日6點幾已經出去食晚飯, 不過都仍然逃唔過要等位ge 情況... 等左成1個小時先有位... 等到我都發呆了... 不過難得一次, 算數la... 不過o係食飯期間, 隔離桌有一班人大吵大鬧, 仲要用粗口同d 伙計理論, 咁大個人, 仲有d 細gei o係佢地o個圍, o係今日一個咁gei 日子嘈, 而家d 人真係好冇品~ anyway, 事件雖然引來不少人圍觀, 不過最後都冇發生d 咩其他事... 而我地食完都即刻離開了, 因為仲有好多人等緊ya ma~~
最後, 收到了zoe 從台灣買俾我做手信gei 天燈 (o係大陸就叫做孔明燈), thanks! | | |
| 難忘的事真係好邪, 好耐之前約一個人食飯, 約左好耐終於約到, 點知o個日佢病倒, 於是就推遲左... 點知一推遲就推遲左成三個幾四個月, 直至前日~ 點知都係好唔好彩, 佢又病倒冇返工, 真係好黑r~~ 昨天係我有史以來第一次返工遲到, 遲到左4分鐘, 認真失敗~ 7:20 起左一陣身, 之後整熄左個alarm, 再醒返的時候已經係8:15, 之後好急食d 野, 8:30 出門口, 8:40 去到旺角地鐵站, 8:55分去到德福~ 本來5分鐘跑返去公司都應該剛剛好趕到gei, 不過因為昨天落雨, 地面濕滑, 我著緊o個對鞋又比較易滑倒, 所以我放棄左跑返去公司, 慢慢行返去... 就係咁, 遲左4分鐘, 人生第一次返工遲到~ 今天阿cat 生日, 我地一行6個人(nicole, josie, michelle, cherry, cat and me) 一如以往去左啟業一間茶樓飲茶~ 不過今次同平時有d 唔同, 因為除左飲茶之外, 放工時仲有得食cake 呀! 另外, 阿cat 今日下午仲要收左一束好大扎gei 花tim r! 勁!! 四川大地震真的令人痛心疾首, 見到災民的慘況, 失去的家園, 親人, 我身同感受... 每晚看四川大地震的新聞報導, 都總會忍唔住睇到流眼淚, 搞到夜晚成晚都訓唔著覺... 生命真的很脆弱, 人生唔係有好多時間, 轉眼間, 人生已經行左1/3 的時間, 我覺得有好多想要gei 野都仲未得到~ 我慶幸自己身邊有唔少關心我的好朋友, 經過今次四川大地震事件, 我想我會更加珍惜在我身邊gei 每一個人~ | | |
|
