聽到都令人火起，咩趕住係立法會休會前通，講到好似一定批咁，今日聽埋新聞仲火都黎埋，新聞話據估計重建四川要用一千億，但香港就比一百億，呢個係咩比例? 面積? 人口? 國民生產總值? 點計香港都無可能負起咁大部份la!!
仲有，以我有限的認知，你起野又好咩都好，唔洗一次比埋d錢出黎係咪呀，如果香港即比一百億，比例上似乎就所有首期都由香港出晒咁喎。
同埋之前振災d錢呢? 夾夾埋埋都唔係一個小數目，去晒邊? 用黎買晒d 依家已經無用o既救援物資呀? 定係比d 炒高個價的物資供應商呃晒 (e.g. 帳蓬)。
香港人呀香港人，唔係你掉舊錢比人就叫關心嫁，你地好多人都識講la﹕"d父母淨係比錢d細路，又唔理又唔教....." 大把社會問題啦已經，仲諗住再重覆? 要重建，查清楚d豆腐渣工程先，唔係拎一百億黎起豆腐渣呀?
---------------------------------------
小小的題外話
四川呢件事，令我知道香港係一個好野蠻的社會，比弱肉強食來得恐怖，我諗有唔少人，都有聽過例似o既傳聞﹕"一個少女係網誌度話(類似)d錢唔應該用黎救d就死o既人......" 咁上下，結果遭受到一班網民炮轟，因為香港有言論自由，少女同網民d對答都無咩問題，但，我相信有好多人唔知o既，就係呢個少女受到佢間白痴中學迫害......
無錯 ，呢間中學個名叫做 董玉娣，佢因為個少女享用緊佢o既言論自由，而無理咁記左個少女一個缺點(甘上下啦)，個原因係 "影響校譽"，為人師表，唔係應該教育下一代有獨立思考能力o既咩? 唔通個個捐錢你唔捐就係錯? 呢個咁o既原因，根本就即係 "莫須有"，所以你地依家知道，有時覺得一代不如一代，個原因未必係出自係d 青少年度la。
唉~
香港
中國
算吧啦
Chatboard (0)